Ijosuwa 7:22 - IWE ỌNỊNỊ

²² Agụvị avọọ, Ijosuwa tụ́ anọrụ ẹnyị ene zwe echi na ngụ ịnị ajẹngụ anị ịzị ộ kụ́ ogu ẹnẹẹ beri isiriva ana ya iruvo ẹnya.

Ijosuwa 7:22 Referans Kwoze

Ijosuwa 7:21

Ọnị ô re achị Anibabironi ene zoza, dị ọnị sị ọ, beri isiriva ana raata ikirogirami ẹẹva vaka ọchị igooru ọnị ụraata anị vị achẹva ikirogirami. Ô ze ọnị eyi ẹtẹẹtẹrẹ, dị ọnị kụ́ wa nị. Ẹnya ẹnẹẹ ya ịnị eteesu ịzị ọnị ba ẹtẹ, dị ọnị kụ̀ wà hi.

Ijosuwa 7:23

Dị ẹnịnị kụ́ ẹnya ẹnẹẹ tụ́ ẹhẹ hụụnị ajẹngụ anị va yị Ijosuwa ọnịrị avaba Anisirẹrị nịnị, dị a kụ́ wa hi ọvịdị Ẹnẹyịmavara.

Iwe Ọhụhị Imosiisi ana aa hị́ Ọyịvatụrọda 25:19

Agụvị avọọ, ịjị Ẹnẹyịmavara ọ̀ọ raà sị ẹtẹ oni o wo oto anị yị wụ nịnị, dị ọ raà sị ụhwọtụ yị wụ nịnị ịnị ụvọ ọnịvị awụ nịnị ana ra kara wụ nịnị; re ka waa wụ Anamarẹkị nịnị ha saka-saka. Dị a sị a kụkụ zụ tamayị ẹnịnị. A sị ayị hí wu nịnị o.