Ijosuwa 7:21 - IWE ỌNỊNỊ

²¹ Ọnị ô re achị Anibabironi ene zoza, dị ọnị sị ọ, beri isiriva ana raata ikirogirami ẹẹva vaka ọchị igooru ọnị ụraata anị vị achẹva ikirogirami. Ô ze ọnị eyi ẹtẹẹtẹrẹ, dị ọnị kụ́ wa nị. Ẹnya ẹnẹẹ ya ịnị eteesu ịzị ọnị ba ẹtẹ, dị ọnị kụ̀ wà hi.

Ijosuwa 7:21 Referans Kwoze

Ijemiisi 1:15

Ariro odivi ọnọọ ọọ̄ mẹ̀ ọza ka ọ̀ mẹ ịvị nị. Ịjị ọza ọ̀ọ sị ịvị mẹ ta, dị ahịka isu ọ zaa ịrẹsụ nị.

Iruuku 12:15

Dị ọ rẹ kà a yị wa ka, “Sị eyi pe ẹngụ awụ nịnị, dị ụ wa rẹ sị ụvọ za ẹngụ awụ nịnị ịnị ịrẹyị eyọhụrẹ o, agụvị ka ẹ yị vị ogu ọnị ọza nyị ọ vị ẹhẹ ọnọọ vẹ.”

Ahẹ Ụgama 119:37

Gụ mị ụvọ dị ma sị eyi hụụnị ịrẹyị kẹnẹ-kẹnẹ. Navọ dị wa sị ayị amị tụ́ ịnị ịrẹyị awụ.

2Ipita 2:15

Ẹ sị há hụrị oze Ohomorihi, e si nyeeyi. Ẹyaa zị ụsẹ ọnị Ịbaraamị ozi Ịbọsọ zị. Ịbaraamị ô sì ka ọnị ọ̀ mẹ̀ ịsa odivi dị ọnị ọ̀ yị zụ nyị ẹkẹhị kẹnẹ.

Iwe Ọhụhị Imosiisi ana aa hị́ Ọyịvatụrọda 7:25

Ụ vaa rị ọnyọọnọkụmị ori ẹnịnị ịra. Asị eyi awụ nọ ịnị igooru ọnịrị isiriva ene hi ini ori ẹnịnị. Asị kụ wa mẹ awụ agụvị ka ẹ vaa ịrẹpa za wụ. Ịsa enyisi ẹ vị yị Ẹnẹyịmavara Ohomorihi awụ nị.

Anihiburu 13:5

Asị ụ zẹẹ ka wa họ́họ̀ha ẹkẹhị ịnị ẹhẹ awụ nịnị! Ama re ka ịsị ụ wàa nyị, ọ́ọ vavọọ hụ wụ nịnị! Wáa yẹ ka Ohomorihi ọ sị ọọ kà ka ọnị ọ yị vaa navọ wụ nịnị tịtẹ, ọnị ọ yị rẹ vaa sị ayịị hụụnị ịrẹyị awụ nịnị.

Ụhịrẹyị 28:22

Eneyiche nịnị vị anaā ha eyi ka ẹnị ẹ hụra nyị ẹkẹhị, dị asị ẹ yị yẹ ka osiye aa za a ịrẹsụ yị ẹnị nị.

2 Ịsamụwẹrị 11:2

Ini oruva ẹkụhị ọnya di Idevidi ohinọyị kwẹẹtẹ hụụnị ịbẹẹdị anị, dị ọ hịrẹ nọ ịrẹsụ írehi anị, dị aa zị ụsẹ ịzọọ nị. Ọ mẹ̀ vavọọ yà ịrẹsụ irehi anị, di o re ka ọnẹẹ ọnọọ, ô zoza pooro ee.

Oyinyima 6:2

Ụmẹ ọnya anggẹẹrị ẹnyị ee re ka ezi anẹẹ ana aza ma ê zoza. Dị ẹ ọzọza nyị ene zee wa eyi dị ẹ sị mẹ ose ẹnịnị nị.

Oyinyima 3:6

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.

Anikorasi 3:5

Agụvị avọọ asị ụ sị oze yị ịsa edivi ẹhẹ ọnọnị ọnị ụụ̄ vịdịị mẹ nịnị. Asị ụ rẹ̀ rẹ sẹ̀ ịrẹka, asị ụ rẹ̀ mẹ ụ̀nọ̀ nịnị; asị ụ rẹ̀ mẹ̀ ebira ịdọtị nịnị, asị ụ mẹ̀ ịsa edivi irenyi-irenyi ọnị ọchẹngụ awụ nịnịị̄ sì, dị ụ wa rẹ hụụnị eyọhụrẹ nịnị. Eyọhụrẹ vị ene re divi anka ori ọyịhẹkẹ avọọ.

Anẹhwẹsọsị 5:5

Wáa yẹ nịnị ka ọsẹrẹka nịnị ọnịrị onebira ịdọtị anaā há ọhọha, ẹyị vaa ngụ ịzị Ikirisiti ọnịrị Ohomorihi yà aa mẹ ịjọva. Ọza àaa há ọhọha, ori ọ raa hẹkẹ avọọ nị.

Anẹhwẹsọsị 5:3

Wa sị vị aza Ohomorihi nịnị; agụvị avọọ ẹ yị kụkụ vọrọ ka à nyị ịrẹyị ịrẹkọyịsẹ ọnịrị ebira ịdọtị beri ọhọha ịnị akakana awụ nịnị.

Iruuku 12:2

Ẹ yị nyị ịsa ana a sị ịsa kú, ẹnẹ ẹ̀ yị vaa tụ́ ẹhẹ; ẹ yị nyị ịsị ẹ tẹ, ọnị ọza ọ̀ yị vaa yẹ.

Ihabaku 2:9

Ọ yị vee zee yị aza ana kụ́ ẹnya aza na mẹ ize yị ovwoovu ẹnịnị, dị ee ro ka ẹ yị nyị ịsị e họ̀ ẹnị use.

Ayịsaya 29:15

Wa sị dà nịnị, ẹwụ nịnị ana aa mẹ eto di ụ ka asị Ẹnẹyịmavara yẹ nịnị. Mị ka wa sị dà nịnị, ẹwụ nịnị ene ee weree mẹ ịrẹyị di wee ro o nịnị ka ẹ yị nyị ọza ene ee re wu nịnị. Ụ ka ẹ yị nyị ọza ana yẹ ịsị waa mẹ nịnị.

Ayịsaya 28:15

A vi wee wo oto nịnị ka ewuri iswọọza ọ sị eku hị́ yị ẹngụ nịnịị? Ụ ka ịrẹyị ọnịrị ikuta ọ sị jẹẹ nịnị. Wee ro o ka ịrẹyị odivi ọ̀ọ vẹ, o yi kuku vee tù wu nịnị agụvị ka wa raà si ireche jị ọvọ gu ẹngụ hi nịnị. Ireche ụ sị mẹ ịzị ụ na tẹ̀ tụ́ nị.

Ụhịrẹyị 23:31

Sị eyi hụụnị eche èe vi, di e che mịnịmịnị, dị aa rọ china ịnị ọrọkọ awụ ẹngwọọrọ-ẹngwọọrọ nị.

Ụhịrẹyị 4:23

Sị eyi pe ẹtẹ ụ mẹmẹ e ro ịrẹyị. Ọza mee ro ịrẹyị ọọ ra ẹhẹ anị nị.

Ijoovu 31:1

Ijoovu ka ọnị ộ hị́ eku ka ọnị ẹ yị vaa sị eyi pe ozi ọnyẹnẹẹ.

Ọyịkụra 20:17

Asị ụ mẹ eyọhụrẹ hi irehi ọza. Asị ụ rẹ mẹ eyọhụrẹ hi ose ọza. Asị ụ mẹ eyọhụrẹ hi ozi ahụ ọnọrụ àa vị ọnẹẹ ọza. Asị ụ mẹ eyọhụrẹ hi imaaru àa vị ịkẹrịkẹtẹ anị. Asị ụ mẹ eyọhụrẹ hị́ ịsa tura ịsa ọnị ọza ọ̀ọ nyị.”

Oyinyima 10:10

Ẹtẹ ọnị Inimirodi rị ohinọyị tụra ô nyima hụrẹ ẹkụra Ịbabịrọnị, Ereki na ngụ ẹkụra Akadi ọnịrị ẹkụra Ikarine. Avaba ẹkụra ẹnịnị vi ene hi ini ẹtẹ Isinari.

Ijosuwa 7:20

Dị Eekani tụ Ijosuwa ohi, dị ọ ka, ịzẹyịza ọnị ọ raà rị ịvị Ẹnẹyịmavara ana vị Ohomorihi Anisirẹrị nị. Aanị ọnị mẹmẹ mẹ̀ ẹ nị.

Ijosuwa 7:22

Agụvị avọọ, Ijosuwa tụ́ anọrụ ẹnyị ene zwe echi na ngụ ịnị ajẹngụ anị ịzị ộ kụ́ ogu ẹnẹẹ beri isiriva ana ya iruvo ẹnya.

2 Ohinọyị 7:8

Ịjị ọnụkụ ọbanyị ẹyịna ẹnẹnị ngụ ịzọọ, ẹnịnị ệ ngụ ajẹngụ, dị ẹ rị ịsa, di e hú nị. Ẹnịnị ệ kụ isiriva, ọnịrị igooru beri ịta, dị ẹ kụ ọ na tẹ̀ nị. Ẹnịnị ệ rẹ vavẹ, dị ẹ ngụ ajẹngụ ọsa, dị ẹ ku ịsa hụụ ịzọọ, dị ẹ rẹ kụ ọ na tẹ̀ nị.

Oyinyima 34:27

Di ezi Ijekọvụ ana vọ nọ ịnị ẹkụra ịzị a wụ̀ aza hị́, dị ẹ kụ́ ogu ene hi ịnị ẹkụra ọnọọ nị agụvị ọyịnyara ẹnịnị ēni e du ha.

Ụhịrẹyị 1:19

Ẹ maa sị ako jị ọyị yị aza, avọọ ẹnị mẹ rẹ vee re nị.