Ijosuwa 7:2 - IWE ỌNỊNỊ

² Ịrẹma ọnị Anisirẹrị ra rị Ijeriko, Â nyị ẹkụra ọnya aanị ana hị́ Eyayị ana gụrị Ịbẹtẹrị Aveni, ana ya eyi ịzị ọyị zị hụrẹ vẹ. Ijosuwa ô tu anọrụ ẹnyị ka ẹ were-were re ẹkụra ọnọọ va ka yị ọnị nị, ịzẹyịza, dị aza ẹnẹẹ na ịzọọ nị.

Ijosuwa 7:2 Referans Kwoze

Ijosuwa 18:12

Ẹhwị ẹtẹ ẹnịnị eyi ẹbẹẹba ô nyima hụrẹ irehu Ijuda vavọọ va hịrẹ akaha ataba na ngụ Ijeriko, jịnẹ va ịrẹsụ ka ẹkụra ịnị otutu va jịnẹ ịnị inozi ụnọmị Ịbẹtị-Aveni.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

1 Ịsamụwẹrị 14:23

Ẹnẹyịmavara ộ dọ Anisirẹrị nịnị tụ́ ịhị ọnọọ, dị ẹ kụ̀ ịrẹkụ ọnọọ na pooro na ngụ ịzị aā hị́ Ịbẹtị Aveni nị.

1 Ịsamụwẹrị 13:5

Dị Anihwirisiti nịnị kụ́ ẹngụ gụ ka ẹnịrị Anisirẹrị ẹ va kụ̀ ịrẹkụ nị. Isoja Anihwirisiti ana nyị ịkẹkẹ ịrẹkụ oni umaataā tura vị ẹnị akawụ rị akahị. Dị ẹnị anaā sịị ịkẹkẹ ịrẹkụ oni umaataā tura kụ̀ ịrẹkụ ẹnị vị ẹnị akawụ-akawụ oze ẹẹta nị. Isoja ana vọ ẹnị vị otomiroku, ẹ rụrụ anka ààrẹ ụtọ ókū avọọ nị. Dị ẹnịnị hịrẹ nọ Imikimasi di e ne gù ịrẹkụ ẹnịnị tụ́ eyi ọnị ọyịị̄ zịị vẹ ẹkụra Ịbẹtị-Aveni.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Ụhịrẹyị 24:6

Eto ịrẹyọyẹ ọza sịị nọ ịrẹkụ nị. Anajuwe ọrụrụ ọọ sị ọza rị ịrẹkụ.

Ụhịrẹyị 20:18

Ajuwe ọyịza vị anaā sịị ọzaa ha. Ọza ọ̀ họ̀ use ajuwe obooro dị ọ vaa nọ ịrẹkụ.

Oyinyima 12:8

Abụramị ộ kà nọ ịnị ataba ana yà eyi ọnị ọyịị̄ zịị hụrẹ Ị́bẹtẹrị, dị ọ jị ajẹngụ tụ́ ịzọọ nị. Ajẹngụ anị vị ana yà ịnị akakana Ịbẹtẹrị ọnịrị Àyị Ộ navọ Ịbẹtẹrị tụ́ oze ọnị ọyịị̄ zịị ngụ ẹtẹ, di Àyị ọnị yà oze ọnị ọyịị̄ zịị hụrẹ nị. Di o re mẹ aha ịsọvọ tụ́ ịzọọ yị Ẹnẹyịmavara dị aa mẹ̀ aduwa ịzọọ nị.

Anẹhwẹsọsị 5:15

Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị!

Inehemaya 11:31

Ịpa evere Ịbẹnjamịnị vị ana ra ịnị ẹtẹ Ịgẹva, Imikimasi, Ayija, Ịbẹtẹrị ọnịrị ẹkụra eweyi-eweyi ana gụ rị wa.

Ijosuwa 12:9

Ohinọyị Ijeriko ọnịrị ohinọyị Eyayị ana gụrị Ịbẹtẹrị.

Ijosuwa 2:1

Ijosuwa ọ̀ tụ aza ẹnị ẹẹva hụụnị Anisirẹrị ene hi Akasiya ka e were-were ne re ẹtẹ ana ya akẹnẹ irehu Ijodani va ka yị ọnị nị. Dị ọ ka, ẹ zama ẹtẹ ọnọọ re jesi kara Ijeriko. Ịzẹyịza, dị ẹ kwẹẹtẹ dị ẹ na ngụ irehi ọsẹrẹka ọnya aanị ana aa hị́ Ịrahabị zi ẹ ya ịrahụ ọnọọ nị.

Oyinyima 28:19

Dị ọ ka ịzọọ ọ rị Ịbẹtẹrị nị. Ama ịrẹha ẹkụra ọnọọ ọ vịdị rị Iruzi nị. Iruvo Ịbẹtẹrị ini Ihiburu vi irehi Ohomorihi.

Ijosuwa 7:3

Ịjị anọrụ ẹnẹẹ varẹma vẹ tu Ijosuwa dị ẹ ka ẹkụra ẹ yị nyị ọ ya. Ẹ yị nyị ka avaba isoja ẹ na gẹ wa ịrẹkụ. Dị ẹ ka Ijosuwa ọ tụ́ ẹhụ aza ẹnị akawụ avị akawụrakahị na pe wa zyaazị nị. Aza chee kẹnẹ anẹkụra ọnọọ vị nị.

1 Ịsamụwẹrị 30:27

Avọọ ọ mẹ rẹ ga ogu ọnọọ tu aza ene hi Ịbẹtẹrị, Ịramọtị, Ịnẹgẹvị, Ijatiri.

Ijeremaya 49:3

Ẹwụ nịnị Anihesiboni, wa jị òrèrè boro-boro nịnị! Asị ẹkụra ana aā hị́ Ayị vú ẹtẹ o! Ẹwụ nịnị ana ra hi Ịraba, waa jị òrèrè boro-boro nịnị. Waa zị ẹngụ nịnị di wa kụ́ ịta suku-suku hi ẹngụ nịnị. We zwèe zịịzị nịnị agụvị ka wẹ yị yẹ ịsị aa mẹ nịnị. A vaa sị ori awụ nịnị Imorẹkị beri ohirẹsụ irehi anị, ori ẹnị ọdọvịdị anị naa tụ ẹkụra ọsa.

1 Ohinọyị 12:29

Di Ijerobowami sị ọnya ịnị imaaru ẹnẹẹ dị ọ sị tụ́ Ịbẹtẹrị nị, dị ọ sị ọsa dị ọ rẹ sị tụ̀ Ịdaanị nị.

Ayịsaya 10:28

Anasiriya ẹ sị ngụ Ayị, ozi Imigironi ẹ, zị para hu nị. Ẹnya ẹnịnị vị ẹnẹ ẹ kụ́ tẹ Ímikimasi. Ệ zị oze ini òsusùụ́, dị ẹ ka ẹnị vaa sụ Ígeba nị.