Ijosuwa 7:12 - IWE ỌNỊNỊ

¹² Dị Ẹnẹyịmavara kà Anisirẹrị ẹ yị vaa zụ jẹẹ zi ọnịvị ẹnịnị. Aa vaa dụ wa eche nị. Ẹnị nyẹmba vị ana vọrọ ka aa wụ́ Ohomorihi ọ sị va ịrẹma ẹnịnị. E vị yi ẹ sị ịsa enyisi hụụnị ẹngụ ẹnịnị tụ ẹhẹ.

Ijosuwa 7:12 Referans Kwoze

Ayịsaya 59:2

Eyee, ịvị awụ nịnị ọ vị ọchị jị oze ịnị akakana ẹwụrị ọ nị. Ebira odivi awụ nịnị ọ ha ẹwụrị Ohomorihi hi, dị ẹ yị zụ wụ̀ nịnị nị.

Ọdọvịdị 2:14

Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị.

Ịrịka 14:45

Dị Anamarẹkị ọnịrị Anikenaani nịnị ene hi ịrẹsụ ataba chi vẹ vaa rị wa dị dụ wa huu va ngụ ẹkụra ana aa hị́ Ịhọma nị.

Ijosuwa 6:18

Ọ kà, asị ẹ na sị ịsa ọnyị-ọnyị hụụnị avaba ịsa ana ka e du ha aanị, ka ẹyị vavọọ ẹnị nyẹmba vị ene ve vú ẹtẹ saka-saka, dị ẹ ra kụ ẹngụkata ve tu avaba Anisirẹrị.

Iwe Ọhụhị Imosiisi ana aa hị́ Ọyịvatụrọda 7:26

Asị ụ sị ịsa enyisi ẹnẹẹ va ngụ ịnị irehi awụ nịnị, ẹ vị ụ ka ẹwụrị irehi awụ o vu ẹtẹ. Nyị ịhyẹrẹ ori ọnịrị ịsa ẹnịnị. Asị ụ kanyị wa agụvị ka Ẹnẹyịmavara ọ raà chi hi wa.

Ihabaku 1:13

Ọnị ọ yẹ ka Ẹnẹyịmavara ẹ yị dọ ka oni o re ka ọza aa mẹ̀ ebira odivi. Asị ọ zẹ ka aza ọhịmị ẹ wụ̀ aza ọyịza vaa ha kẹnẹ.

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Ijeremaya 23:33

Ẹnẹyịmavara ộ kà a yị Ijeremaya ka, àa nyị ọza ịnị ẹngụ aza anị, ọ̀ọ vị ọnịsẹ, ọ̀ọ vị ohirẹsụ irehi Ohomorihi ana họ̀ ọ use ka, ụtụ sị Ẹnẹyịmavara tụ́ kẹ? Ọ̀ kà a yị ọza ọnọọ ka ẹnya ẹ vị yị Ẹnẹyịmavara nị. Ẹnẹyịmavara vaa kụ wa kwooze.

Ijeremaya 6:8

Ọ kà, ẹwụ nịnị Anijerusarẹmị ọ̀ jẹẹ, dị ẹngụkata ẹnẹnị ọ̀ kà wụ nịnị ọ̀nọ̀, ka ẹyị vị avọọ ọnị va hụrẹ ẹwụ nịnị ụvọ. Ọnị vaa jị ẹkụra awụ nịnị eburu dị ẹ yị kụkụ nyị aza vụrụ-vụrụ.

Ụhịrẹyị 28:1

Ọza ọhịmị ọọ̄ mẹ̀ ụha za gigiri nị, ama ayị ọnịzẹyịza vị ana vị́ anka ẹzụ avọọ.

Ọdọvịdị 2:4

Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị.

Ịrịka 14:39

Imosiisi mẹ maanị ka enube zụ wa, dị ẹ va ẹngụ hi nị.

Ọdọvịdị 16:20

di o nowu hị́ Ịsamịsịnị ka Anihwirisiti nịnị ẹ vẹ ka ẹnị ẹ vaa za a nị. Ịsamịsịnị mẹ ha hụụnị ịnị ara, di o ro ka ọnị raa banyị ẹngụ anị ha anka ọ mẹẹ̄ vịdịị mẹ̀ avọọ nị. Ama ọ yị yẹ ka ụkata Ẹnẹyịmavara ọ sị hụrẹ ọnị ẹngụ.

1 Ịsamụwẹrị 14:38

Dị Ịsọọrụ kà avaba ẹnị ọga isoja ẹ̀ vẹ dị ẹnị e sì iruvo ịvị ana àa mẹ̀ ịhị ọnọọ nị.

Ahẹ Ụgama 44:10

Wâ mẹ ka yee zwee yị ọnịvị ayị, dị ẹnị kụkụ kụ́ ogu ayị kẹnẹ nị.

Ahẹ Ụgama 60:10

Ohomorihi, navọ dê! u wéé si yi yi tịtẹ saka-saka nị? Wẹ yị kụkụ saasa isoja ayị nọ ịrẹkụ?

Ịrịka 14:42

Avọọ asị ẹ nọ ịrẹkụ ka Ẹnẹyịmavara ọ yị ya pe wa. Ọnịvị ẹnịnị vị anaa nyị ẹbẹẹba ẹnịnị.

Ịrịka 14:43

Ẹnịrị Anamarẹkị ọnịrị Anikenaani nịnị ẹ̀ẹ gẹ ẹ yaa sị ụ̀hwọ̀ wụ̀ wa ha nị. Ẹnẹyịmavara ọ ra va ịrẹma ẹnịnị agụvị ka ẹnịnị e re yi ọ tịtẹ.