Ijosuwa 7:11 - IWE ỌNỊNỊ

¹¹ Dị ọ ka Anisirẹrị ẹ sị ịvị mẹ. Ẹnịnị ẹ ra va jịnẹ ọda ọnị ọnị mẹ yị wa. Ẹnịnị ẹ ra sị ịsa enyisi na tụ́ ịnị eehi ẹnịnị. Ẹnịnị ê yi oyi dị ê cheeche vakaa nị.

Ijosuwa 7:11 Referans Kwoze

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Odeyi 5:9

Dị Ipita kà a yọ ka, “Sị ẹ vẹ dị ẹwụrị ọva awụ mẹ ariro ka wa zama Ụhwẹ Ọnịnị re nịnị? Re! Aza ene ne ne oku ọva awụ, aa vaa ngụ ịzẹnị booro aanị, ẹnị raa vaa sị ẹwụ bẹẹ.”

Imatiwu 22:21

Dị ẹnịnị kà a yọ ka óohinọyị Aniroomi yọ nị. Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi yị Ohomorihi nịnị!”

Ịzakaraya 5:4

Ẹnẹyịmavara Ochẹtẹẹngụ kà, ọnị vaa tụ́ ọ ahị hi ẹhẹ, dị ọ ngụ ịnị eehi oyi ọnịrị ọza ana hị́ eku uruku, dị ọ jị irehi ẹnịnị eburu.

Ihabaku 2:6

Aza ẹnẹ ẹ yaa mẹ ẹvaya yị vaa jị ahẹ mẹ wa isiya. Dị ẹ yaa kà a ka ọ yị vee zee yị aza anaa mẹ ọza rị, dị aa kụ́ ogu aza gụ́ tẹ̀ yị ẹngụ ẹnịnị.

Ihoseya 6:7

Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na.

Ijeremaya 31:32

Ẹ́ yị vaa vị ẹngụ ịzẹzẹ ọkụkụ ọnị ọnị zẹẹ yị ohiku ẹnịnị ọnị mẹ kụ wa hụrị ẹtẹ Ijipiti. Dị ọ daka vị ka vị ọnị sị mẹẹ anka ọva ọnẹẹ avọọ yị wa nị, ẹnịnị ẹ yị sị ụvọ za ịzẹzẹ ọnọọ.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

2 Ohinọyị 18:12

 maanị mẹ Ịsamarịya agụvị ka Anisirẹrị nịnị ẹ yị saasa ịrẹyị Ẹnẹyịmavara Ohomorihi ẹnịnị. Ama ẹnịnị ệ jịnẹ oto ẹnẹ ẹnịrị Ohomorihi hị́ yị ẹngụ; ẹnịnị ẹ yị saasa ọda oni Imosiisi, ozi ahụ Ẹnẹyịmavara sị yị wa. Ẹnịnị ẹ yị dọ ka ẹnị ẹ̀ wụ́ ịrẹyị anị, dị ẹ̀ hyakụ va saasa a.

Ọdọvịdị 2:20

Agụvị avọọ, Ẹnẹyịmavara ộ kụ ayị hi Anisirẹrị nịnị ka ẹ ra sị ahụ jịnẹ ọda eku ọnị ọnịrị ohiku hị́ yị ẹngụ. Ẹnịnị ẹ yị wụ́ ịrẹyị anị.

Ijosuwa 23:16

Wẹ̀ẹ sị ụvọ za oto ọnị ộ mẹ̀ ọda anị yị wụ nịnị ka wa sị ụvọ za, dị ụ na hẹkẹ ori nịnị, ayị vaa kụ́ ọ, dị ọ sị ụya anị rị wụ nịnị. Ẹ yị jẹẹ, dị avaba awụ nịnị o vu ẹtẹ, dị ẹ yị nyị ọza ana vọ tụ́ ịnị ẹtẹ ozoza ọnị ọ raà sị yị wụ nịnị.

Ijosuwa 7:1

Ẹnẹyịmavara ộ vịdị kà a ka avaba ogu Anijeriko vị ene ve du ha bemi-bemi. Â nyị ọnọrụ ọnya aanị, ọnị ịrẹha anị rị Ekaanị ana vị ozi Ikami. Aazị Izabidi ọ vị nị, dị ọ vị ẹmazị Ịzẹra hụụnị obooro Ijuda nị. Dị Ekaanị na sị hụụnị ịsa ana za ido anị yị wa nị. Agụvị avọọ dị Ẹnẹyịmavara du ayị ẹtẹẹtẹrẹ hị́ Anisirẹrị nịnị nị.

Iwe Ọhụhị Imosiisi ana aa hị́ Ọyịvatụrọda 17:2

Wàa wụ́ ka a nyị ọnọrụ a vị ọnẹẹ ọnya ịnị ọnya ịnị ẹkụra awụ nịnị ana aa mẹ akamawụ hi Ẹnẹyịmavara, dị ọ sị ahụ jịnẹ ọkatịtẹ Ohomorihi

Ireevi 5:15

Ọza oo nyeeyi, dị ẹ yị sị ịsa ana vị Ẹnẹyịmavara va yọ nị, ọ sị ịvị mẹ. Ọza ọnọọ vaa sị ịdẹba à vị ẹvụ ẹnẹ ẹ̀ yị tụ ọkụmị vaa mẹ̀ ịsọvọ ọyị sị ụta varẹma yị Ẹnẹyịmavara. Ịsa a sịị̄ ngọ ịsa ịnị irehi Ohomorihi a vaa sị ngọ ọ, dị a yẹ ọpa ọnị ọ vị nị.

Ijosuwa 7:10

Dị Ẹnẹyịmavara họ̀ Ijosuwa ka o me re dị ọ̀ maanị ne ẹngụ nya ẹtẹ, Dị ọ ka ọ kwẹẹtẹ nị.

1 Ịsamụwẹrị 14:38

Dị Ịsọọrụ kà avaba ẹnị ọga isoja ẹ̀ vẹ dị ẹnị e sì iruvo ịvị ana àa mẹ̀ ịhị ọnọọ nị.

2 Ohinọyị 5:24

Ịjị ọ va sị ngụ ini eehi, ộ dọ wa achuchu ẹnẹẹ, dị ọ kụ́ wa adịjọọ nị, dị ezida Ịnaamanị varẹma hụụ ịzọọ nị.