Ijosuwa 6:4 - IWE ỌNỊNỊ

⁴ Ọ kà a Ijosuwa ọ ka yị ohirẹsụ irehi Ohomorihi ịhịmba ka ọzọza ọ sị ọpanyị ịdẹba rị ụvọ tụ ọvịdị apoti oto; ịhị ẹ tụ ọ ẹkụhị ịhịmba dị ẹnịnị ẹ zị ụsẹ jesi kara Ijeriko ụpẹ ịhịmba, dị ohirẹsụ irehi Ohomorihi nịnị ee hu ọpanyị ẹnịnị.

Ijosuwa 6:4 Referans Kwoze

Ẹtore 16:1

Mâ wụ́ ọngwẹ ọbanyị ọnya aanị hụụnị irehi Ohomorihi ọnọọ, dị ọ kà a yị anggẹẹrị ịhịmba ẹnẹẹ ka: Ẹ̀ na dị ẹ̀ na và ọyịkụ Ohomorihi ana vị ohihi ịchacha ịhịmba ẹnẹẹ hi ẹhẹ nị.

2 Ịtọpa 20:17

Ẹnẹyịmavara raa kà a ẹ yị vị ẹnị ẹ vaa kụ́ ịrẹkụ ọnọọ. Ẹ yịị vavọọ jẹẹ aha ẹnịnị ee zi. E vee re Ẹnẹyịmavara mẹ̀ vaa sị wa nyị ẹbẹẹba. Asị Anijuda ọnịrị Anijerusarẹmị nịnị kahi ịrẹma, asị e hí angwa. Ẹ nọ ịrẹkụ ka Ẹnẹyịmavara vaa jẹẹ wa ịrẹma.

Ẹtore 8:2

Di mi re anggẹẹrị ịhịmba ana jẹẹ ọvịdị Ohomorihi, dị a sị ọpanyị ịhịmba yị wa nị.

2 Ịtọpa 20:21

Ịrẹma ọnị Ijehosahwati reè beri aza ka ịrẹyị, dị ọ kà ẹnyị ịnị ọjahẹ ẹnịnị e chire awuru ẹnẹē sị mẹ̀ ahẹkẹ ẹkụhị eche, dị ẹẹ jị ahẹ tụ́ ọvịdị isoja nịnị. Ẹ́ẹ jị ahẹ ka, ga Ẹnẹyịmavara! Oyisì anị vị ana ya ịzọọ pooro zịna-zịna.

1 Ohinọyị 18:43

Dị ọ kà a yi ozi ọnọrụ ana yà pè e, dị ọ ka ọ̀ hịrẹ na, dị ọ̀ na kana eyi ózee eyi oku nị. Ịzẹyịza di ozi ọnọrụ ọnọọ na kana eyi, dị ọ ka ẹ yị nyị ịsọnyị-ịsọnyị nị. Erija ộ tụ́ ọ varẹma ka ọ̀ vavọọ na kana eyi tù ụpẹ ịhịmba.

Ireevi 14:16

dị o jị igege ụvọrị anị ngụ angwẹ ọnọọ, dị o che e sẹ ẹtẹ ụpẹ ịhịmba ọvịdị Ẹnẹyịmavara.

Ẹtore 15:7

Dị ọnya ịnị ịsa ẹẹna ẹnẹẹ ana nyị ụhwẹ aanị sị ịchacha igooru ịhịmba, dị ọ sị yị anggẹẹrị ẹnẹẹ nị. Ịchacha ẹnẹẹ vị ohihi ọyịkụ Ohomorihi ana yára pooro zịna-zịna.

Ẹtore 15:1

Me re re apọtẹrẹwa ọsa ẹbẹẹba, ộ banyị dị o re hí ọza irenu nị. Â nyị Anggẹẹrị ịhịmba ana vaa sị ụyọrị ịhịmba ọdịrẹmaa rị anẹhẹ. Ohomorihi ọ̀ọ maanị raà sị ụyọrị ịhịmba ẹnẹnị rị anẹhẹ, ayị anị vee hunẹnẹ.

Ẹtore 10:3

Di o nowu zẹtẹ anka idu òo rere ee nowu avọọ nị. Ịjị o si owu na, dị apaana ihinẹba sụ́ ịrẹyị ụpẹ ịhịmba tụ́ ọọ ohi nị.

Ẹtore 8:6

Dị anggẹẹrị ịhịmba ẹnẹẹ ana nyị ọpanyị ịhịmba aanị tenyi ẹngụ ka eni è hú ọọ nị.

Ẹtore 5:6

Di mi re Ozi atẹmẹ ọnya ka ọ jẹẹ ọ́vịdị aga ohinọyị ọnọọ nị. Dị ịsa ẹẹna ana nyị ụhwẹ, beri azọkụ ẹnẹẹ jẹẹ jesi kara a nị. Vị ọ sị mẹẹ ka vị a vịdị wụ Ozi atẹmẹ ọnọọ nị. Ộ nyị ọpanyị ịhịmba ọnịrị eyi ịhịmba ana vị Ụhwẹ Ohomorihi ịhịmba ana a raà tụ́ nọ avaba ẹhẹ.

Ẹtore 5:1

Mê re iwe ọnya ịnị ụvọ ọza ana yaayịtẹ ịnị aga ohinọyị ọnọọ. Ịnịnẹ iwe ọnọọ ọnịrị ẹhẹẹhẹ anị vị ana a chẹrẹ ịsa hi. Dị a sị ịsa vaa aha ịhịmba nị.

Ẹtore 1:20

Ụzọmị ịhịmba ẹnẹẹ oni u re ịnị ụvọrị amị ọnịrị ịzị aā sị ozotupaa tụ́ ịhịmba ana a sị igooru mẹ avọọ, ịsị ẹ jẹẹ yị ana ahịka ọza ọyị yẹ, yị: Ụzọmị ịhịmba ẹnẹẹ ệ jẹẹ yị anggẹẹrị ịhịmba ana sị eyi pe ịragụ Ohomorihi ịhịmba ẹnẹẹ. Ịzị aā sị ozotupaa tụ́ ịhịmba ẹnẹẹ vị ana rẹ jẹẹ yị ịragụ Ohomorihi ịhịmba ẹnẹẹ.”

Ẹtore 1:4

Ẹmị Ịjọọnụ ọ chẹrẹ iwe ọnọnị nị. Maa chẹrẹ ẹ hi ịragụ Ohomorihi ịhịmba ene hi ẹkụra Esiya. Ohomorihi ọ mẹ ọyịza wụ nịnị, dị ọ̀ rẹ sị ẹngwọọrọ yị wụ nịnị. Ohomorihi vị ana yà ịzọọ hụrẹ ụmọrụmọ dị a va yẹ ka aa mẹ ẹhẹ ọnọnị. Ụhwẹ Ohomorihi ịhịmba ene hi ọvịdị ịzị Ohomorihi Ohinọyịị̄ yà, ọ̀ rẹ vayị awụ nịnị.

2 Ohinọyị 5:10

Erisa ộ tụ́ ozida anị ọnya ka ọ̀ na kà a yọ ka, ọ̀ nọ ini Okuha Ịjọdanị, dị ọ̀ na hụ enyi ụpẹ ịhịmba ịzọọ; ka ụkụ anị vaa ta saka-saka, dị ẹngụ anị nịya.

Ịrịka 23:1

Ịbaraamị ộ ka yị Ịbarakị ka ọ hì ụta ịsọvọ ịhịmba tụ ịzọọ, dị ọ sị ụnọ ịhịmba ọnịrị ịdẹba ịhịmba vẹ.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Ịzakaraya 4:2

Dị ọ họ̀ ọnị ka sị ọnị ee re aanị? Dị ọnị tụ ọ ohi ka ọnị ee re ọchị ozotupa igooru ọnịrị ẹnya angwẹ ana ya ịrẹsụ anị beri ozi ịrakotupa ịhịmba ene hi ịrẹsụ anị ịzị ịra aa za hụrẹ.

Ayịsaya 27:13

Ịhị ọnọọ ọpanyị ọbanyị vaa sụ́ ịrẹyị, dị aza ana a kụ́ ne hi Asiriya ọnịrị Ijipiti aa vàa vẹ eehi. Ẹ̀ẹ vẹ, dị ẹ vẹ ịnị ataba ọnịnị ana yà Ijerusarẹmị dị ẹ vaa hẹkẹ Ẹnẹyịmavara ịzọọ.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

2 Ịtọpa 20:19

Anireevi nịnị hụrẹ abara Ikahati ọnịrị Ikora kwẹẹtẹ jẹẹ, dị ẹ sị ọngwẹ tụ́ ẹba aa ga Ẹnẹyịmavara ana vị Ohomorihi Anisirẹrị.

2 Ịtọpa 13:12

Ohomorihi ọnị ụvọta ọ vị ọdọvịdị ayị, dị ohirẹsụ irehi anị nịnị ya ịzẹnị beri ịkakanchị ẹnịnị. Ẹnịnị ee tenyi ẹngụ ka ẹnị ee hú ịkakanchị hị́ yị ka ya va eyi ịrẹkụ ka wụ. Anisirẹrị nịnị asị e va eyi ịrazị ka Ẹnẹyịmavara Ohomorihi ohiku awụ nịnị. Wẹ yị vaa zụ nyị ehuna.

Ireevi 4:6

Òo tụ ịzọọ dị ọ jị igege ngụ ọnọọ, dị o che e sẹ ẹtẹ ụpẹ ịhịmba ọvịdị ịta ana a sị jị oze aha ọnịnị ịzọọ.

Oyinyima 2:3

Ohomorihi ka ẹkụhị ọhụhịmba vị ẹkụhị ọbanyị, dị ọ nyị ọ ẹkụhị ọ tụ́ irenyi nị, agụvị ka ịhị ọnọọ ẹhẹ ọọ ta a mẹ, dị ọ̀ yị kụkụ mẹ̀ ụkọrọ nị.

Ijosuwa 6:3

Ọ kà, avaba ọkụrẹkụ Anisirẹrị nịnị ẹ zị ụsẹ jesi kara Ijeriko ụpẹ ọnyara ịnị ẹkụhị. Dị ẹ vavọọ mẹ ẹkụhị ịhịnọnyị.

Ijosuwa 6:5

Ịjị ẹnịnị ẹ̀ẹ wụ ka ohirẹsụ irehi Ohomorihi nịnị e hu ọpanyị dị ẹ tụra a ẹtẹ nị, dị avaba aza ẹ na owu, dị ẹtẹ ọ sụ hyụụ ịjọnọọ ọvọ Ijeriko ve wu va hi ẹtẹ, dị avaba aza kụkụ a ngụ eehi tu wa.

Ijosuwa 6:13

Dị ẹnị ohirẹsụ irehi Ohomorihi ịhịmba ana kụ ọpanyị ịdẹba rị ụvọ rẹ dọ ọvịdị apoti oto Ẹnẹyịmavara, dị ẹ yee hi hu ọpanyị ẹnịnị nị. Aza ana kụ ẹnya ịrẹkụ rị ụvọ vị ene re hi ọvịdị ẹnị ene e hu ọpanyị, dị ẹ rẹ hi ịrẹma apoti oto Ẹnẹyịmavara. Dị ohirẹsụ irehi Ohomorihi nịnị vavọọ e hu ọpanyị ọnọọ na nị.

2 Ohinọyị 5:14

Ịzẹyịza, dị ọ na Okuha Ịjọdanị nị. Ô tu ịzọọ, dị o chi ngụ ọ ụpẹ ịhịmba anka ọza Ohomorihi mẹ̀ kà a yọ nị. Ụpẹngụ anị ộ vavẹ eehi, dị ọ kụkụ ya anka ụpẹngụ ozinụvọ avọọ nị. Ẹngụ anị ộ ta.