Ijosuwa 6:2 - IWE ỌNỊNỊ

² Ama Ẹnẹyịmavara ọ kà a yị Ijosuwa ka, ọnị ọ ra sị Ijeriko ọnịrị ohinọyị anị ne beri ọkụrẹkụ ọkarị-ọkarị ẹnịnị chire wa ụvọ.

Ijosuwa 6:2 Referans Kwoze

Iwe Ọhụhị Imosiisi ana aa hị́ Ọyịvatụrọda 7:24

Ọ rẹ vaa sị ohinọyị ẹnịnị chere wụ ụvọ, dị ụ wụ̀ wa, dị ayị ẹnịnị hi ịnị ẹhẹ.

Ijosuwa 8:1

Ẹnẹyịmavara ộ hị́ Ijosuwa, dị ọ̀ ka asị o hí angwa ọ kụ́ avaba isoja Anisirẹrị nọ ịrẹkụ Eyayị, ộ kà ọnị vaa za ohinọyị Eyayị ọnịrị aza anị chire wa ụvọ. Avọọ ọnị mẹ rẹ vaa dọ ẹtẹ ẹnịnị yị wa nị.

Ijosuwa 2:24

Dị Ijosuwa ka ịzẹyịza, Ẹnẹyịmavara ọ raa sị ẹtẹ ọnọọ yị ẹnị nị. Agụvị avọọ angwa ẹnịnị e hi aza ẹnẹ ya ịzọọ nị.

Ijosuwa 2:9

Dị ọ ka yị wa ka ọnị ọ yẹ ka Ẹnẹyịmavara ọ̀ raa sị ẹtẹ ọnọọ yị wa. Avaba ẹnịnị vị ene hí angwa, dị ivoovo sị ẹnị za.

Inehemaya 9:24

Ẹnịnị ệ dọ avaba ẹtẹ Ikanaani, dị Ohomorihi nyị ẹbẹẹba aza ana ra ịzọọ nị. Ộ za Anikenaani ọnịrị Ohinọyị ẹnịnị chire wa ụvọ ka ẹ mẹ wa o mè ze wa eyi.

Ịdanịyẹrị 4:17

Anggẹẹrị nịnị ene tenyi ẹngụ dị ẹ sị eyi pe ẹtẹ ẹtẹẹtẹrẹ aanị, ẹ kà ịrẹyị ẹnẹnị nị. Agụvị avọọ avaba aza ẹ̀ yẹ́ ka Ohomorihi ene hu kere-kere ọ nyị ụkata tụ ịrẹsụ ịjọva avaba anẹhẹ nị. Ọza ene èe ze e eyi kẹnẹ ọ nyẹngụ sị yị nị, ọ̀ọ daka vị ọza ana hịmị hu kere-kere.

Ịdanịyẹrị 2:21

Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị.

2 Ịsamụwẹrị 5:19

Di Idevidi va họ̀ Ẹnẹyịmavara use ka ọnị ọ́ọ́ kụ́ ịrẹkụ na dụ Anihwirisiti nịnị? Dị ọ rẹ họ̀ ọ ka ọ́ọ́ vaa sị waa yị ọnị ka oni ò huna wa. Dị Ẹnẹyịmavara kà ọ̀ọ na ka Anihwirisiti vị ọnị ọnị aa sị yọọ hú ẹtẹ.

Ọdọvịdị 11:24

Ịjẹhwịta ọ rẹ kà a yị ọ ka, ẹnịnị ẹ sị ụvọ za ẹhwị ịsa ọnị Ikemosi, ori ẹnịnị ọọ sị yị wa. Ẹnị rẹ va sị ụvọ za ịsa ọnị Ẹnẹyịmavara Ohomorihi ẹnịnị ra sị yị ẹnị.

Ọdọvịdị 11:21

Dị Ẹnẹyịmavara ana vị Ohomorihi anị Anisirẹrị nịnị aa hẹkẹ mẹ ka ẹnị ẹ nyị ẹbẹẹba Isihoni ọnịrị isoja anị nị.

Ịdanịyẹrị 4:35

Inebukadineza ka, ẹ yị nyị ịsị avaba anẹhẹ vị̀ eyi Ohomorihi. Anggẹẹrị ene hi ẹbẹẹba ọnịrị avaba anẹhẹ vị ene hi ịnị ụvọ anị. Ọnị ọ vị ọmẹrẹyị ọnị ọza ẹ yị ma họ̀ ka sị ẹ vẹ nị. Ẹ̀nẹẹ nọ ọ ịrẹvụ?

Ịdanịyẹrị 2:44

Ịnị ụmẹ ọnị ohinọyị ẹnẹnị ẹ̀ẹ vavọọ àa mẹ ịjọva, Ohomorihi ana nyị ẹbẹẹba vaa sị ohinọyị ọnyara rị ọnị ọza ẹ̀ yị ve zuu zizi. Ọnị ọ vaa gara avaba ịzị ohinọyị ana vọ yaa mẹ ịjọvaa ha nị. Ama ọnị vana vaa jẹẹ pooro.

Ịdanịyẹrị 5:18

Ọ kà, ohinọyị ọ̀ taarụ! Ohomorihi ene hu kere-kere ọ̀ vịdị sị ada anị Inebukadineza mẹ ohinọyị, dị ọ mẹ ka ọ̀ nyị ụbanyị ẹtẹẹtẹrẹ nị.

Ijosuwa 6:1

Ụmẹ ọnọọ, oze ovwoovu ẹkụra Ijeriko vị ana a hụvị Anisirẹrị nịnị chire nganganga. Ẹ yị nyị ọza ana zụ ngụ ịnị ẹkụra, ẹ yị rẹ nyị ọza ana zụ jịnẹ tụ ẹhẹ.

Ijosuwa 6:3

Ọ kà, avaba ọkụrẹkụ Anisirẹrị nịnị ẹ zị ụsẹ jesi kara Ijeriko ụpẹ ọnyara ịnị ẹkụhị. Dị ẹ vavọọ mẹ ẹkụhị ịhịnọnyị.

Ijosuwa 12:9

Ohinọyị Ijeriko ọnịrị ohinọyị Eyayị ana gụrị Ịbẹtẹrị.

Ijosuwa 20:1

 nyị ụmẹ ọnya aanị ọnị Ẹnẹyịmavara tụ Ijosuwa hi Anisirẹrị nịnị.