Ijosuwa 4:19 - IWE ỌNỊNỊ

¹⁹ Ẹkụhị ọnị Ezi Anisirẹrị maanị sị jịnẹ irehu Ijodani vị ẹkụhị ẹẹwụ ịnị ụhwẹ ịpaapa ịrayị ẹnịnị. Ụhwẹ ọnọọ aa sị tamayị ụmẹ ọnị ẹ sị jịnẹ hụrẹ Ijipiti nị. Ẹ mẹ jịnẹ Ijodani, dị ẹ kụ́ udi tụ́ Igirigari, eyi ịzị ọyị zị vẹ Ijeriko.

Ijosuwa 4:19 Referans Kwoze

Ijosuwa 5:9

Dị Ẹnẹyịmavara kà yị Ijosuwa ka ọnị ọ ra sị wa hụụnị ụhị ọnị ẹ ya ịnị anị ẹ mẹ vị ọrịhị tụ Ijipiti. Agụvị avọọ dị ọ hị́ ịzọọ Igirigari ana vị ịrẹha anị pooro tu ajịnị.

Imika 6:5

Aza amị, wẹ yị tamayị ịrẹyị Ịbarakị ohinọyị Imowabi ana sị vụrị ka e chi hi wu nịnị. Ama dị Ịbaraamị ozi Ịbẹyọ mẹ̀ aduwa ọyịza yị wụ nịnị. Tamayị ụ mẹmẹ zị ụsẹ hụrẹ Isitimi na ngụ Igirigari, Ọnị ẹmị Ẹnẹyịmavara mẹ̀ avaba ịsa ọnị mị zụ mẹ dị wa yẹ ụkọrọ ẹdọha ọbanyị-ọbanyị ana sị ịzẹyịza amị zụ.”

Emọsị 5:5

Ọ kà asị ẹ nọ Ịbẹẹsẹba na mẹ ahẹkẹ. Asị e ne si ọnị Ịbẹtẹrị. Ịbẹtẹrị vị ene vee vu ẹtẹ. Asị ẹ nọ Igirigari agụvị ka aza ene hi Igirigari vị ana vaa za ọrịhị na ẹkụra ọsa.

Emọsị 4:4

Ẹnẹyịmavara kà ẹnịnị ẹ nọ Ịbẹtẹrị na mẹ̀ ebira odivi. Ẹ nọ Igirigari na da ụvọ tụ ịnị ụvọ huu avọọ. Ée si uye mẹ̀ ịsọvọ ẹnẹnẹ-ẹnẹnẹ, dị ẹ sị agẹẹwụ ịsa ana ngụ eehi yị wa ịnị aarẹ vẹ ẹkụhị ẹtẹẹta.

1 Ịsamụwẹrị 15:33

Dị Ịsamụwẹrị kà a yị Agagị dị ọ ka, “Wa raà wụ̀ aza, wa sị ọnyị ẹnịnị vara ọbọrị. Avọọ ọnyị ẹwụ ọnị mẹ rẹ kụkụ vaa vara ọbọrị ịnị anyẹnẹẹ nị.” Dị Ịsamụwẹrị wụ Agagị ọvịdị Ẹnẹyịmavara Igirigari nị.

Ijosuwa 15:7

Ẹhwị ẹtẹ ẹnịnị ộ hụrị ịzọọ na ngụ Idebiri hụrị inozi Enirogeri va hịrẹ ne tụ́ Igirigari ana va eyi ka oze ọbanyị Adumimi eyi ụvẹtẹ osuusu. Ẹtẹ ọnọọ ọ vavọọ hụrị ịzọọ na ngụ ịnị enyi Enisemesi, dị ọ jịnẹ tù ẹhẹ Enirogeri,

Ijosuwa 10:43

Ịrẹma ịrẹkụ ẹnẹnị, dị Ijosuwa ọnịrị avaba Anisirẹrị nịnị vavẹ Igirigari ịzị e hi nị.

Ijosuwa 10:6

Adonizedeki me re wa kẹnẹ, ô tụ́ ụtụ eyiha-eyiha ne tu Ijosuwa Ígirigari ịzị e hi nị. Dị ọ da ịpẹ ka Ijosuwa ọ va dọ ẹnị ha hụụnị ụvọ ohinọyị Anamọrị ẹẹhị ana gẹ tu ọnị aanị. Dị ọ ka Ijosuwa ọ navọ asị ụhị nyị ẹnị ana vị Ezi ahụ anị aanị. Aarịhịnị ụsẹ ọ hụụ ọ ịra.

Iwe Ọhụhị Imosiisi ana aa hị́ Ọyịvatụrọda 1:3

Ịnị ẹkụhị ịpaapa ịnị ụhwẹ ẹwụrọnya ịrayị ana tụ́ ọ ịrayị ẹbẹẹva ọnị ẹ sị kwẹẹtẹ hụrẹ Ijipiti, Imosiisi maanị ka avaba ịrẹyị ọnị Ẹnẹyịmavara mẹ̀ ọda yị ọ ka ọ̀ ka yị Anisirẹrị wa nị.

Iwe Ọhụhị Imosiisi ana aa hị́ Ọyịvatụrọda 11:30

Ataba ẹẹva ẹnẹnị vị ana ya eyi ụvẹtẹ Okuha Ịjọdanị ini ẹtẹ Anikenaani nịnị ana ra inozi. Ataba ẹnịnị vị ana ya eyi ịzị ọyịị̄ zịị ngụ ẹtẹ oze ana gụrị ịzị chị ori Imore hi ana va eyi ka ataba Igirigari

Ijosuwa 4:18

Obobooro ọnị ohirẹsụ ẹnẹẹ jịnẹ tụ ẹhẹ dị irehu ọnọọ vana kụ́ ọhaara dị o hi na ka abobo anị anka ọ mẹ vịdị ya nị.

Ijosuwa 5:10

Dị Anisirẹrị kụ́ udi tu Igirigari ana vị inozi Ijeriko. Ịzọọ Anisirẹrị ya rị eche ọyịparahu oruva ẹkụhị ẹwụrẹna ịnị ụhwẹ ọnọọ nị.

2 Ohinọyị 2:1

 nyị ụmẹ ọnya oni o si tu ka Ẹnẹyịmavara aà vaa sị opomii sị Erijaa nọ ẹbẹẹba. Erija ọnịrị Erisa ệ hụrẹ ẹtẹ Igirigari aa jịnẹ.

Ijosuwa 9:6

Dị ẹnịnị ne tu Ijosuwa ọnịrị anọrụ Anisirẹrị ịzị ẹ kụ udi Igirigari, dị ẹ ka aha onoze ẹnị hụrẹ vẹ nị. Ẹnịnị e si ka ẹnịrị wa ẹ hị́ eku yị ẹngụ.

Ijosuwa 24:11

Ụmẹ ọnọọ ẹnịnị jịnẹ okuha Ijodani na ngụ Ijeriko ịzọọ Anijeriko, Anamọrị, Aniperizi, Anikenaani, Anihiti, Anigirigasi Anihivi ọnịrị Anijebusi gẹ ịrẹkụ tu wa nị. Ama dị Ẹnẹyịmavara za ẹnịnị chire wa ụvọ nị.

1 Ịsamụwẹrị 10:8

Dị Ịsamụwẹrị ka Ịsọọrụ ọ̀ dọ ọvịdị dị ọ̀ọ nọ Igirigarii zi ọnị, ka ọnị ee nee tù ọ ịzọọ. Ọ kà ọnị òo tù ịzọọ ọnị vaa mẹ̀ ịsọvọ ana aā rị ịraa yị Ohomorihi, ọnịrị ịsọvọ ana aā mẹ ka aza ẹ̀ nyị ẹngwọọrọ. Ọ kà Ịsọọrụ ọ̀ jẹẹ zi ọnị mẹ ẹkụhị ịhịmba dị ọnị ọ̀ va kà a yọ ịsị a vọrọ ka ọ̀ mẹ.