Ijosuwa 3:3 - IWE ỌNỊNỊ

³ Dị ệ mẹ ọda yị wa ka yi ẹnịnị ee re kẹnẹ ka ohirẹsụ irehi Ohomorihi ọnịrị ezi Ireevi ẹ sị apoti oto ẹ kwẹẹtẹ dị ẹ saasa wa.

Ijosuwa 3:3 Referans Kwoze

Iwe Ọhụhị Imosiisi ana aa hị́ Ọyịvatụrọda 31:9

Dị Imosiisi chẹrẹ ọda ẹnẹnị tịtẹ, dị ọ̀ sị yị ohirẹsụ irehi Ohomorihi nịnị ana vị ezi Ireevi, ana sị eyi pe apoti oto Ẹnẹyịmavara ọnịrị ọdọvịdị Anisirẹrị nịnị.

2 Ịsamụwẹrị 6:13

Aza ana na sị apoti ọnọọ aa vẹ mè ree hu ahụ ịhịnọnyị, dị ọ ka ẹ̀ jẹẹ, dị ọ sị akụ imaaru ọnịrị imaaru ana a pá ka ọ̀ banyị, dị ọ wụ̀ wa dị ọ sị mẹ̀ ịsọvọ yị Ẹnẹyịmavara nị.

Ijosuwa 3:8

Dị Ijosuwa ò ka yị ẹnịnị ana za apoti oto ka e maanị jị ahụ ngụ irehu kẹnẹ dị ẹ jẹẹ.

Iwe Ọhụhị Imosiisi ana aa hị́ Ọyịvatụrọda 31:25

Ịjị ọ̀ọ raà chẹrẹ ẹ ta, dị ọ kà yị Anireevi nịnị ene si eyi pe apoti oto Ẹnẹyịmavara kà,

Ịrịka 10:33

Dị ẹ zị ụsẹ ẹkụhị ẹẹta hụrẹ ataba Ịsịnayị Ẹnẹyịmavara beri apoti oto tụ ọvịdị aza ana vọ agụvị Ihobabi ọ sị zụ wa ịzị a vọrọ ka ẹ jẹẹ tụ́ ụhwọ́.

Ẹtore 14:4

Aza ẹnẹnị ẹ yị zẹẹ ka anẹẹ è du ẹnị ẹngụ, ẹnịnị ẹ yị yẹ ọnẹẹ. Ẹnịnị ẹẹ̄ saasa Ozi Atẹmẹ ọnọọ nọ aha tụra aha ana àa nọ nị. A raà hị́ wa varẹma hụụnị akakana aza, vị ẹ yà anka ịsa ịnị aarẹ ịpaapa avọọ ana aā sịị tụ́ irenyi yị Ohomorihi ọnịrị Ozi Atẹmẹ ọnọọ nị.

Imatiwu 16:24

Dị Ijeesu kà a yị ezirẹma anị ka, “Ọza tụra ọza ana àa ka ọnị aa dụ mịị zị, â nyị ka ò hí ayị ẹngụ anị, dị ọ̀ za apavahị anị, dị ọ̀ọ dụ mị ịrẹmaa zị.

Imatiwu 8:19

Dị ọzwọzọda ọnya aanị vẹ nị, dị ọ kà a yọ ka, “Ịnda, maa dụ wụ nọ aha tụra aha ọnị ụ wàa nọ.”

2 Ịsamụwẹrị 6:3

É mè tù ịzị Apoti ọnọọ yà, dị ẹ sị ọ tụra ịkẹkẹ ọwọọwa ana a mẹ oni imaaru tura nị. Ẹ́ mẹ̀ raà sị tụ́ ịnị ịkẹkẹ ọnọọ, dị ẹ sị ọ hụụnị eehi Abinadabi ana yà ịnị ataba dị ẹ yaa vẹ nị. Di Uza ọnịrị Ahiyo ezi Abinadabi ẹnị aa zụ̀ ịkẹkẹ ọwọọwa ọnọọ, oze nị.

Ijosuwa 6:6

Dị Ijosuwa ana vị ozi Inuni hị́ ẹnị ohirẹsụ irehi Ohomorihi nịnị gụ, dị ọ ka ẹnịnị ẹ sị apoti oto Ẹnẹyịmavara nị, dị ọ nyị ẹnị ịhịmba ka ọzọza ọ sị ọpanyị ịdẹba dị ẹ dọ ọvịdị nị.

Ijosuwa 4:10

Ẹnị ohirẹsụ irehi Ohomorihi ana za apoti oto ọnọọ vị ana saasa ọda Ẹnẹyịmavara ọnị Imosiisi ka yị Ijosuwa. Ẹnịnị vị ana a jẹẹ ịnị akakana irehu pooro dị avaba Anisirẹrị jịnẹ irehu ọnọọ ne tu akẹnẹ anị.

Ijosuwa 3:6

Dị Ijosuwa ka yị ohirẹsụ irehi Ohomorihi ka ẹ sị apoti oto dọ ọvịdị aza, dị ẹ jịnẹ irehu Ijodani. Ịzẹyịza, dị ẹnịnị sị o tụ́ ọvịdị aza ana vọ nị.

Ịrịka 4:15

Eerọnị ọnịrị ezi anị ẹ sị mẹ ta dị ezi Ikoha va kú ẹnya ẹnẹẹ nọ ịzị a nọ. Ama ẹ yị nyị ọza ana nyayịnẹ sị ụvọ kanyị ẹnya ẹnẹẹ ẹ vị e si isu yị ẹngụ anị. Ezi Ikoha kẹnẹ ẹ zụ kú ẹnya ẹnẹẹ nị.

Ijosuwa 3:4

E vavọọ dụ wa ịrẹma na agụvị ka ẹnịnị ẹ yị vịdị zị oze avọọ da. Dị ẹnịnị e sị ẹtẹ tịtẹ yị apoti oto ẹhụ achẹva Imeri ọnya.

1 Ịsamụwẹrị 6:15

Di Anireevi nịnị vẹ, di e ve chi apoti Ẹnẹyịmavara hi ẹtẹ ọnịrị ẹnya ana a kụ́ igooru ene e si tụ́ ịsa hi ịnị anị nị. Dị ẹ kụ́ ọ tụra ịrẹta ọbanyị ọnọọ nị. Ịhị ọnọọ di Anịbẹtị Isemesi nịnị mẹ̀ ịsọvọ dị ẹ rị ọ ịra yị Ẹnẹyịmavara nị. Ịsọvọ irenyi-irenyi ọsa vị ẹnị ẹ rẹ mẹ.

1 Ohinọyị 8:3

Ịzẹyịza dị avaba ọzọkụ Anisirẹrị vavọọ vẹ, dị ohirẹsụ irehi Ohomorihi nịnị sị apoti ọnọọ nị.

Ijeremaya 33:18

Anireevi ẹnị ẹ rẹ vaa vị ohirẹsụ irehi Ohomorihi pooro, dị ẹyaa hẹkẹ ọnị nị. Ẹnị ẹ vaa rị ịsa ịsọvọ ịra dị ẹyaa mẹ ịsọvọọ hi ọnị nị.