6 Ịjị Ẹnẹyịmavara kụ́ ohiku ẹnịnị jịnẹ hụrẹ Ijipiti va ngụ okuha ovivi nị. Dị ọkụrẹkụ Anijipiti nịnị kụ Umaata ọnịrị ịkẹkẹ umaata, dị ẹ dụ wa va ngụ okuha ovivi.
Anisirẹrị nịnị ẹ́ẹ sị ayị tụra Ohomorihi. Ọnị ọ rẹ mẹ ka ẹ̀ zụ jịnẹ Irehu Ovivi anka èe rere zị ụsẹ ị́rẹsụ eteesu avọọ nị. Anijipiti nịnị mẹ̀ ka ẹnị aa sị eyii sì waa mẹẹ, enyi ộ mụnẹ wa.
Imosiisi ộ kụ́ Anisirẹrị nịnị hụrẹ ẹtẹ Ijipiti. Ộ mẹ̀ ụkọrọ ohyozirenu ọnịrị apọtẹrẹwa ịnị ẹtẹ Ijipiti ọnịrị ini Irehu Ovivi ọnịrị pooro mẹ ịrayị ẹbẹẹva ịnị ụnọmị.
Ẹma kụ́ wụ nịnị hụrẹ ẹtẹ Ijipiti vẹ nị, dị mị kụ́ wụ nịnị hụụnị udi ọrịhị nị. Ẹma tụ́ Imosiisi ọnịrị Eerọnị beri Imeriyamị ka ẹ gụ nịnị ụvọ nị.
Ô che ẹngụ hi ẹẹva dị ọ mẹ ka enyi ẹ̀ kụ́ jẹẹ anka ọvọ avọọ nị, dị ọ kụ́ aza ẹnẹẹ zi oze ini òkū na para hu nị.
Ô che oku hi oze ẹẹva, dị ezi Anisirẹrị zị ụsẹ ịnị ẹtẹ ọyịwụ nị, ama dị ọ mẹ ka oku ọ̀ mụnẹ aza anaa dụ wa anka ịrẹta ene hí uruvo enyi avọọ nị.
Ịhị ọnọọ gẹdẹ-gẹdẹ dị Ẹnẹyịmavara kụ́ Anisirẹrị ogu-ogu jịnẹ hụrẹ Ijipiti nị.
Anisirẹrị nịnị vị ana aa na anka isoja anaā sịị ahụ zị. Oze Iramesisi ẹ zi jịnẹ, di e zi oze Isukoti aa na nị. Ẹnị ana na vị akahị-akahị oze akata (600,000). Ẹnị anọrụ ana sị hụ ọmụha kẹnẹ ọ vị ọnọọ nị. Ọza ọ yị za anyẹnẹẹ ọnịrị ezweyi tụ́ ọ.