Ijosuwa 23:9 - IWE ỌNỊNỊ

⁹ Ẹnẹyịmavara ộ raà dụ anẹkụra nịnị ana banyị, dị ẹ nyị ụkata ụ maa ngụ ẹtẹ ẹnịnị na. Ẹ yị nyị ana hụ ọ gẹ ịrẹkụ tu wu nịnị.

Ijosuwa 23:9 Referans Kwoze

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Iwe Ọhụhị Imosiisi ana aa hị́ Ọyịvatụrọda 11:23

ọ vaa dụ avaba anẹkụra ana nyị ụkata hu wa ene hi ịnị ẹtẹ ọnọọ eyi ẹnịnị, dị ọ sị ẹtẹ ẹnịnị yị wa.

Ijosuwa 23:5

Ẹnẹyịmavara Ohomorihi awụ vaa dụ wa jịnẹ hụrẹ oze awụ nịnị. Ọ vaa tụ́ wa ụvọ jịnẹ eyi awụ nịnị, dị ụ dọ ẹtẹ ẹnịnị anka Ẹnẹyịmavara Ohomorihi awụ nịnị mẹ wo oto anị yị wụ nịnị.

Ọyịkụra 23:30

Agụvị avọọ mị tangwa vaa dụ wa cheechee kwooze yị wụ nịnị nị, pooro dụ wa rụrụ hi ịnị ẹtẹ ọnọọ dụ wa dọ avaba anị nịnị.

Ijosuwa 15:14

Ịkarẹbị ộ dụ ezi Anaki nịnị hụụ ịzọọ. Abara ezi Anaki ẹnẹẹ ẹ rị Isesayi, Ahimanị, ọnịrị Itarimayi nị.

Iwe Ọhụhị Imosiisi ana aa hị́ Ọyịvatụrọda 7:24

Ọ rẹ vaa sị ohinọyị ẹnịnị chere wụ ụvọ, dị ụ wụ̀ wa, dị ayị ẹnịnị hi ịnị ẹhẹ.

Odeyi 7:45

Ịrẹma ọnọọ, ada ayị ệ rẹ vana dọ ajẹngụ ọnọọ hụụnị ụvọ ohiku ẹnịnị. Dị ẹ za a, ẹ màa saasa Ijosuwa nị. Dị ẹ na dọ ẹtẹ hụụnị ụvọ aza irenyi-irenyi oni Ohomorihi sị dụ jịnẹ yị wa nị. Dị ajẹngụ ọnọọ yà ịzọọ pooro ne tù ụmẹ Idevidi nị.

Ọyịkụra 23:23

Anggẹẹrị amị vaa tụ́ ọvịdị awụ nịnị dị ọ kụ́ wụ nịnị na ngụ ịnị ẹtẹ anị Anamọrị ọnịrị Anihiti ne beri Aniperizi ọnịrị Anikenaani na vaka Anihivi ọnịrị Anijebusi ra hi ịnị anị. Ẹnị vị ẹnị ẹmị vaa dụụ hụụ ịzọọ.

Ijosuwa 23:8

Asị ka ọnọọ, waa mẹ ịzẹyịza ka Ẹnẹyịmavara na anka ụ mẹ vịdị aa yị mẹ̀ pooro va ngụ ajịnị.

Ijosuwa 24:18

Ịrẹkụ mẹẹ chị yị ẹnịrị Anamọrị ọnịrị Anẹkụra ana vọ, Ẹnẹyịmavara ọ dụ wa jịnẹ kwooze yị ẹnị nị. Dị ẹ Ẹnẹyịmavara ọ vị Ohomorihi ẹnịnị ọnị ẹnị vaa saasa dị ẹnị aa hẹkẹ ẹ.

1 Ohinọyị 21:26

Ahabị ộ mẹ̀ ebira odivi ẹnẹmẹhị, ọnị ọ hyakụ hẹkẹ ori huna Anamọrị ẹnị Ẹnẹyịmavara dụ kwooze yị Anisirẹrị.

2 Ịtọpa 20:7

Ọnị ọ vị Ohomorihi ẹnịnị ịjị aza anị Anisirẹrị ngụ ịnị ẹtẹ ọnọọ dị ộ dụ aza ene hi ịzọọ jịnẹ tụ́ ẹhẹ yị evere Abụrahamị ana vị ọta anị, dị ụ sị yị wa ka ọ vị ẹnịnị pooro zịna-zịna.