Ijosuwa 23:8 - IWE ỌNỊNỊ

⁸ Asị ka ọnọọ, waa mẹ ịzẹyịza ka Ẹnẹyịmavara na anka ụ mẹ vịdị aa yị mẹ̀ pooro va ngụ ajịnị.

Ijosuwa 23:8 Referans Kwoze

Iwe Ọhụhị Imosiisi ana aa hị́ Ọyịvatụrọda 10:20

Wụ̀ chire Ẹnẹyịmavara Ohomorihi awụ nịnị, dị ụ waa hẹkẹ ọnị ịnya kẹnẹ. Mẹ ịzẹyịza ka a na, dị u wee wo oto ịnị ịrẹha anị.

Ijosuwa 22:5

Re ka waa mẹ ọda ọnịrị ịrẹyị ọnị Imosiisi ozi ahụ Ẹnẹyịmavara kà yị wụ nịnị ka: Sì ịrẹyị Ẹnẹyịmavara Ohomorihi awụ nịnị, mẹ̀ ịsa oni o sì, saasa ọda anị nịnị, sị ayị tụra a geri-geri nịnị, dị ụ waa sị avaba ayị awụ nịnị ọnịrị ivehu awụ nịnịị hẹkẹ ẹ.”

Odeyi 11:23

Íbanabasị mè tù ịzọọ, di o re ịsị Ohomorihi mẹ ịzọọ ịnị ayamva anị, ayị anị ô hine. Di o hú wa ụvọ ka ẹ̀ nyị ayị ọnya, dị ẹ̀ yịị sị ayị ẹnịnịị yị Ohomorihi nị.

Iwe Ọhụhị Imosiisi ana aa hị́ Ọyịvatụrọda 13:4

Saasa Ẹnẹyịmavara Ohomorihi awụ, di we hí angwa anị. Wụ́ chire e, dị ụ wa sị ụvọ za avaba ọda anị, dị ụ wa hẹkẹ ẹ, dị ụ wa jẹẹ gere-gere pe e.

Iwe Ọhụhị Imosiisi ana aa hị́ Ọyịvatụrọda 11:22

Imosiisi ka ẹnịnị ẹ̀ẹ sị ịzẹyịza saasa avaba ọda ọnị ọnị aa sị yị wa aanị, èe sì ịrẹyị Ẹnẹyịmavara Ohomorihi ẹnịnị, ẹ̀ẹ sị ụvọ za ịrẹyị anị dị ẹ sị mẹ̀ ebira mẹ nị,

Iwe Ọhụhị Imosiisi ana aa hị́ Ọyịvatụrọda 4:4

Ẹwụ nịnị ana sị ịzẹyịza saasa a kẹnẹ ọ̀ yara ve tù ịhị ọnọọ nị.

Ijosuwa 23:7

Asị ẹwụrị aza ẹnẹnị ana vọ beri ẹwụ nịnị rị vabẹ. Asị ụ kà ịrẹyị ịrẹha ori ẹnịnị, a vị dị ụ wa sị̀ hị́ eku, a vị ka wa hẹkẹ ẹ, dị ụ wa tana tụra ẹtẹ yị wa.

Ijosuwa 23:9

Ẹnẹyịmavara ộ raà dụ anẹkụra nịnị ana banyị, dị ẹ nyị ụkata ụ maa ngụ ẹtẹ ẹnịnị na. Ẹ yị nyị ana hụ ọ gẹ ịrẹkụ tu wu nịnị.

2 Ohinọyị 18:6

Ộ sị ịzẹyịza saasa Ẹnẹyịmavara, ẹ nyị ụmẹ ọnị ọ sị mẹ akamawụ hi ọ. Ama ộ tangwa saasa ọda ọnị Ẹnẹyịmavara mẹ yị Imosiisi.

Iwe Ọhụhị Imosiisi ana aa hị́ Ọyịvatụrọda 8:20

Wẹ̀ẹ yị wụ́ ịrẹyị Ẹnẹyịmavara, ẹwụ nyẹmba vene vee vú ẹtẹ anka anẹkụra ọnị ọ vịdị vú ẹtẹ avọọ.

Iwe Ọhụhị Imosiisi ana aa hị́ Ọyịvatụrọda 13:5

Wụ̀ ọnịsẹ ọnọọ ana ka wa mẹ akamawụ hi Ẹnẹyịmavara Ohomorihi ana dọ wụ ha hụrị Ijipiti ịzị a ya za wụ nịnị ọrịhị. Ẹngụ ọza ọnọọ vị ọza ọhịmị ana a sị vụrị ka ọnị ọ mẹ wụ nịnị nyeeyi hụụnị ẹhẹ ana vọrọ ọnị Ẹnẹyịmavara kà wa ra. Wụ̀ ọ agụvị wa kụ udivi hụrẹ ẹtẹ.