Ijosuwa 23:16 - IWE ỌNỊNỊ

¹⁶ Wẹ̀ẹ sị ụvọ za oto ọnị ộ mẹ̀ ọda anị yị wụ nịnị ka wa sị ụvọ za, dị ụ na hẹkẹ ori nịnị, ayị vaa kụ́ ọ, dị ọ sị ụya anị rị wụ nịnị. Ẹ yị jẹẹ, dị avaba awụ nịnị o vu ẹtẹ, dị ẹ yị nyị ọza ana vọ tụ́ ịnị ẹtẹ ozoza ọnị ọ raà sị yị wụ nịnị.

Ijosuwa 23:16 Referans Kwoze

2 Ohinọyị 24:20

Ẹnẹyịmavara ô du ayị ẹtẹẹtẹrẹ agụvị avaba ịsa ọnị aza ene hi Ijerusarẹmị ọnịrị Ijuda mẹ̀, dị ọ dụ wa hụrẹ ọvịdị anị nị.

1 Ohinọyị 14:15

Ẹnẹyịmavara vee tụ́ Anisirẹrị, di o henyi wa anka a mèe henyi ịkẹ ana yà ini enyi. Dị ọ hụ́ Anisirẹrị hụụnị ẹtẹ ozoza ọnọnị ọnị ọ sị yị ohiku ẹnịnị, dị ọ sì wa na va ha akẹnẹ okuha. Iruvo ọnị ọ vavọọ vaa sị mẹ wa ọ vị ka ệ mẹ ori ana aā hi Asẹra nịnị ka ẹnị ẹ̀ sị mẹ ayị kụ́ Ẹnẹyịmavara.

2 Ohinọyị 17:7

 maanị nyị ẹbẹẹba ẹkụra Ịsamarịya, agụvị Anisirẹrị nịnị ệ rị ịvị Ẹnẹyịmavara, Ohomorihi ẹnịnị, Ohomorihi ọnọnị ọ dọ wa hụrị ụvọ ohinọyị Ijipiti, dị ọ kụ wa hụrị ẹtẹ Ijipiti nị. Ẹnịnị ẹ́ naa hẹkẹ ori,

Ijeremaya 32:24

Wee re, Anibabironi nịnị ẹ sị kwẹẹtẹ tu yị, dị ẹ họ̀ kara Ijerusarẹmị ka ẹnị aa vaa za wa anị nị. Ịrẹkụ, ụngwẹ ọnịrị ụkụ, aza ẹnẹnị vị anaa za Ijerusarẹmị. Wee re ka vị avaba ịrẹyị ọnị ụ ka sị gẹ aanị nị.

Ịrịka 33:56

Ẹnẹyịmavara kà ọnị vaa mẹ̀ ịsa ọnị mẹ eto anịị yị wa.

Iwe Ọhụhị Imosiisi ana aa hị́ Ọyịvatụrọda 6:15

Wàa vavọọ mẹ Ẹnẹyịmavara ana vị Ohomorihi awụ vaa kụ́ ayị hi wu ẹtẹẹtẹrẹ. Ọ vaa vu wu hụrẹ ịrẹsụ ẹtẹ agụvị ka ọnị ana ya pe wu vị Ohomorihi anaā kụ́ ụhị.

Iwe Ọhụhị Imosiisi ana aa hị́ Ọyịvatụrọda 17:3

naa hẹkẹ ori, a vị ọyị, a vị ụhwẹ, a vị ụzọmị nịnị nị.

Iwe Ọhụhị Imosiisi ana aa hị́ Ọyịvatụrọda 28:15

Ama wàa mẹ akamawụ hi Ẹnẹyịmavara Ohomorihi awụ nịnị, dị wẹ yị sị ịzẹyịza saasa ọda anị ẹnẹnị, ọnị maa mẹẹ yị wụ nịnị ajịnị aanị nị, avaba ozirenu ẹnẹnị vaa vẹ ịrẹsụ awụ nịnị.

Ọdọvịdị 2:14

Ebira odivi ẹnịnị, dị Ẹnẹyịmavara kụ ayị dị ọ hụrẹ wa ụvọ yị ọnịvị ẹnịnị, dị ẹ kụ wa ẹnya nị. Dị ọ navọ wa chire ọnịvị ẹnịnị ụvọ ka ẹ nyị ẹbẹẹba ẹnịnị dị asị ẹ zụ sị ụvọ jị nị.

Ọdọvịdị 2:20

Agụvị avọọ, Ẹnẹyịmavara ộ kụ ayị hi Anisirẹrị nịnị ka ẹ ra sị ahụ jịnẹ ọda eku ọnị ọnịrị ohiku hị́ yị ẹngụ. Ẹnịnị ẹ yị wụ́ ịrẹyị anị.

1 Ịsamụwẹrị 12:25

Ama wàa ka wẹ yị hụụnị ebira odivi nịnị, ẹwụrị ohinọyị awụ nịnị vị ọnị Ohomorihi vaa kụụ hụrẹ oze.

1 Ohinọyị 9:6

Ama ẹnị beri ezi ẹnịnị ẹ̀ẹ na và ịrẹma amị, dị ẹnịnị ẹ̀ yị si eyi pè ọda amị ọnị mị mẹ yị wa nị, ẹ̀ẹ na saasa ori dị ẹ yaa hẹkẹ ori, di eyee kú ẹtẹ yị wa nị,

1 Ohinọyị 9:7

yẹ ka Anisirẹrị vị ọnị maa kụ́ hụụnị ẹtẹ ọnị mị si yị wa. Irehi ọnọnị ọnị mị sị yị ẹngụ amị aanị vị ọnị maa tụ́ ụvọ kwooze hụụnị ọvịdị amị. Avaba aza vị ana vana sị ịrẹyị Anisirẹrị che ụhị ịrẹyị di e re yee nyị ọ unyi.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Ijeremaya 32:23

Ama ịjị ẹ́ va sị ra ịnị ẹtẹ ọnọnị, ẹnịnị ẹ́ yị saasa ọda awụ. Ẹnịnị ẹ́ yị mẹ ịsị ụ kà yị wa. Avaba ịsị ụmẹ ọda anị yị wa ka ẹẹ mẹ, ẹ́ yị nyị ẹnẹ ẹ mẹ. Agụvị avọọ ụ maanị kụ odivi ọnọnị tù wa aanị nị.