Ijosuwa 23:10 - IWE ỌNỊNỊ

¹⁰ Ọza ịnya awụ nịnị ọ zụ dụ anọrụ akahị ẹnịnị hi avị agụvị ka Ẹnẹyịmavara Ohomorihi awụ nịnị aa vụ ịrẹvụ yị wụ nịnị anka ọ mẹ kà a nị.

Ijosuwa 23:10 Referans Kwoze

Iwe Ọhụhị Imosiisi ana aa hị́ Ọyịvatụrọda 32:30

Sị ẹ vẹ dị ọza ịnya aa dụ aza ẹnị akahị, dị aza ẹnị ẹẹva aa dụ aza ẹnị akawụ-akawụ oze ẹẹhị? Ẹnẹyịmavara Ohomorihi ẹnịnị ộ hụrẹ wa ụvọ ana mẹ ka e huna wa nị.

Ireevi 26:8

Aza ẹnị ẹẹhị ẹnịnị vaa dụ ọnịvị ẹnịnị ẹchẹhị, dị aza ẹnị ẹchẹhị ẹnịnị dụ ọnịvị ẹnịnị akahị-akahị oze ẹẹwụ. Ọnịvị vị ana vaa hyẹdụụ yị wa eyi ịrẹkụ.

Iwe Ọhụhị Imosiisi ana aa hị́ Ọyịvatụrọda 3:22

Asị ẹ hí angwa ẹnịnị agụvị ka Ẹnẹyịmavara ana vị Ohomorihi ẹnịnị vaa kụ́ ịrẹkụ yị wa.

Ọyịkụra 14:14

Ẹnẹyịmavara vụ ịrẹvụụ wụ nịnị. Ama ọzọza ọ̀ jẹẹ hẹẹ.”

Ahẹ Ụgama 35:1

Ẹnẹyịmavara, navọ wa kụ́ ọ tụ̀ aza ana kụ́ ọ tù mị Aza ene ee pè mii kụ̀ ịrẹkụ aanị, navọ we pè wa kụ̀ ịrẹkụ.

Iwe Ọhụhị Imosiisi ana aa hị́ Ọyịvatụrọda 20:4

Ẹnẹyịmavara ana vị Ohomorihi awụ nịnị vaa saasa awụ nị kụ ịrẹkụ dị ụ nyị ẹbẹẹba ọnịvị awụ nịnị.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

Ahẹ Ụgama 46:7

Ẹnẹyịmavara Ochẹtẹẹngụ vị ana sị ọtụ kà yị ịrẹma Ohomorihi Ijekọvụ ee sere yi ka asị a nyị ịsị ẹ mẹ̀ yị nị.

Ijosuwa 23:3

Ọ kà ẹnịnị è re Ẹnẹyịmavara Ohomorihi ẹnịnị mẹmẹ kú ịrẹkụ yị wa, dị ẹ nyị ẹbẹẹba avaba ọnịvị ẹnịnị.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

Ijosuwa 10:42

Agụvị ka Ẹnẹyịmavara ộ vụ ịrẹvụ yị Ijosuwa, dị ọ wụ ohinọyị ẹnẹẹ dị ọ dọ wa ẹtẹ nị.

Ọdọvịdị 15:15

Ịhị ọnọọ dị Ịsamịsịnị kana eyi dị o re ka ẹchụkụ ọwọọwa abamị ẹtẹ ịkẹrịkẹtẹ tịtẹ nị, ọ tana ụvọ sị ọ dị ọ sị wụ̀ aza akahị ịnị Anihwirisiti nịnị nị.

2 Ịsamụwẹrị 23:8

Ịrẹha isoja Idevidi ẹẹta ene eyi yẹ ẹ vị ẹnẹnị nị: Ijosẹbị Ibasebeti ana vị Anitakemoni ọ vị ọga ẹnịnị nị. Ộ sị ọha wụ̀ aza ẹnị akana ẹkụhị ọnya eyi ịrẹkụ.

Ọdọvịdị 3:31

Ọdọvịdị ọsa ọnị Isirẹrị vị ana nyị ọ vị Ịsamịga ozi Anati nị, ọnị ọ sị akokoro ịrẹsụ ụnọ wụ̀ Anihwirisiti akata, dị ọ dọ Anisirẹrị nịnị tụ nị.

Iwe Ọhụhị Imosiisi ana aa hị́ Ọyịvatụrọda 20:3

dị ọ kà a ka; Ẹwụ nị isoja Anisirẹrị sị ụtọ pe ẹtẹ. Wàa nọ ịrẹkụ ajịnị, asị ụ hị́ angwa ọnịvị. Wèe re wa asị ayị hụrẹ ẹwụ ịnẹ.

Iwe Ọhụhị Imosiisi ana aa hị́ Ọyịvatụrọda 28:7

Ọnịvị awụ nịnị ana àa kwẹẹtẹ tu wu nịnị, Ẹnẹyịmavara vee hú wa ẹtẹẹ yị wụ nịnị. Ẹ vaa zi oze ọnyaa kwẹẹtẹ tu wu nịnị, ama oze ịhịmba e vee zwèe zị nị.

Iwe Ọhụhị Imosiisi ana aa hị́ Ọyịvatụrọda 32:20

Agụvị akamawụ awụ nịnị ọnịrị arịmanyị ịzẹyịza awụ nịnị Ẹnẹyịmavara sị yi wu nịnị tịtẹ, di e re ịsa ene vee tu wu nịnị nị.

Ijosuwa 23:11

Agụvị avọọ sị eyi pe ẹtẹ, di u wee sì ịrẹyị Ẹnẹyịmavara Ohomorihi awụ nịnị.

1 Ịtọpa 5:22

Aza otomiroku vị ẹnẹ wụ̀ ha, agụvị ka Ohomorihi ộ sị ụvọ tụ́ ịnị ịrẹkụ ọnọọ yị wa. Ịzọọ ẹnịnị vana ra pooro ne tu ụmẹ ana a sị va za wa ọrịhị ne hi ẹkụra ọsa a mẹ̀ kụ̀ ịrẹkụ nị.

Ayịsaya 30:17

Isoja ikonya vaa dụ aza ana akahị awụ nịnị. Isoja ẹẹhị ọ̀ọ há ẹtẹ hi wu nịnị, avaba awụ nịnị vi ene ee zwe. Ẹ yị nyị isoja awụ nịnị ikonya ana vaa vọ. Uyi ọnị ụ sị gẹ ọchị nịnị kẹnẹ ọ vanaa jẹẹ ịrẹsụ ataba nị.

Ịzakaraya 12:8

Ịnẹ ẹkụhị ọnọọ Ẹnẹyịmavara vaa vị ogonto kú aza ana ra Ijerusarẹmị agụvị ọkụmị ene hi akakana ẹnịnị ẹ ya anka Idevidi, dị ovwoovu Idevidi ẹ ya anka Ohomorihi, anka anggẹẹrị Ẹnẹyịmavara ana aa na ọvịdị ẹnịnị.

Ireevi 26:7

Ẹnẹyịmavara kà ọnịvị ẹnịnị vị ẹnẹ ẹ́ vaa dụ, dị ẹyaa hyẹdụ hi ẹtẹ ọvịdị ẹnịnị eyi ịrẹkụ.

1 Ịtọpa 5:20

Ẹnịnị ệ sị ayị tụra Ohomorihi, dị ẹ mẹ̀ aduwa ka ọ̀ gụ ẹnị ụvọ nị. Ohomorihi ộ wụ́ aduwa ẹnịnị, dị ọ́ mẹ ka ẹnịnị ẹ̀ nyị ẹbẹẹba Anihaga nịnị ẹnịrị avaba aza ana saasa wa nị.