Ijosuwa 23:1 - IWE ỌNỊNỊ

¹ Ẹnẹyịmavara ọ̀ navọ Anisirẹrị nịnị ka ẹ ra ịnị ẹngwọọrọ ịnị ụmẹ ọgọdọ. Ịjọnọọ, Ijosuwa o si bo ẹtẹẹtẹrẹ.

Ijosuwa 23:1 Referans Kwoze

Ijosuwa 13:1

Ịnị ụmẹ ọnọọ, Ijosuwa ô si bo, dị Ẹnẹyịmavara kà yị ọ ka ô sị vịra ama ẹtẹ ọ vọ dẹngụ ọnị ẹnị ẹ yị dọ:

Ijosuwa 21:44

Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.

Ahẹ Ụgama 46:9

Ọ raà mẹ ka asị anẹhẹ rẹ kụkụ kụ̀ ịrẹkụ Dị ọ za ọkịta ọnịrị ọha ẹnịnị, di o che wa và ha nị Dị ọ kụ́ ogonto ẹnịnị, dị ọ rị wa ịra và ha nị.

Ijosuwa 22:4

Booro anị, Ẹnẹyịmavara Ohomorihi awụ nịnị ọ raà mẹ ẹngwọọrọ yị anda awụ nịnị anka o mè wo oto yị wa. Agụvị avọọ, varẹma wa nọ eehi awụ nịnị ịnị ẹtẹ ọnị Imosiisi ozi ahụ Ẹnẹyịmavara sị yị wụ nịnị akẹnẹ Ijodani eyi ọsọọ.

Iwe Ọhụhị Imosiisi ana aa hị́ Ọyịvatụrọda 31:2

Ọ kà ọnị ọ sị gụ ịrayị ẹchẹhị tụra oohu. Ọnị ẹ yị kụkụ zụ vị ọdọvịdị ẹnịnị. Ẹnẹyịmavara ọ kà a yị ọnị ka ọnị ẹ yị vaa jịnẹ irehu Ijodani na akẹnẹ.

Oyinyima 25:8

Abụrahamị vị ana nyayịnẹ bo di o ve sú. Ó ku orubo ẹtẹẹtẹrẹ, dị ẹhẹ anị zoza nị. Ộ vaa ụhwẹ ha dị o ne tu ohiku anị nịnị ene vịdị su nị

Ayịsaya 63:14

Ọnị ọ sị ụkata anị sị ụhwọtụ yị wa anka imaaru ana kụ nọ ịnị ozi na tụ́ ụhwọ́ avọọ nị. Ộ mẹ̀ ka aa ga Ẹnẹyịmavara.

1 Ịsamụwẹrị 12:2

Wa sị ohinọyị nyị nịnị booro aanị ana vaa vị ọdọvịdị awụ nịnị. Wâ yẹ ka eme si bo, ịrẹsụ amị kụkụ vị ẹwa-ẹwa. Ezi emi u wee re nịnị aanị nị. Ozweyi mị vị dị mị hụrẹ vị ọdọvịdị awụ nịnị pooro ve tù ajịnị nị.

1 Ohinọyị 1:1

Ịnị ụmẹ ọnya ohinọyị ana aā hị́ Idevidi ọ sị vịra ẹtẹẹtẹrẹ, ộ ta bo. Ahị aa za a, ịta kẹnẹ ẹ yị kú ọ ahị.

1 Ịtọpa 23:25

Idevidi ka: Ẹnẹyịmavara Ohomorihi Anisirẹrị ọ raà sị ẹngwọọrọ yị aza anị. Ọnị ụvọta vaa ra Ijerusarẹmị pooro.

1 Ịtọpa 27:1

 nyị ohirẹsụ ovwoovu nịnị, ọnịrị ọdọvịdị ịrẹsụ-ịrẹsụ nịnị beri ọdọvịdị Anisirẹrị nịnị ene pe ohinọyị sị eyi pe a mẹmẹ mẹ̀ ụkọrọ yọ ịnị ẹtẹ anị. Ịrẹha ẹnịnị yị. Ụhụụhwẹ ịnị ịrayị, ogu irenyi-irenyi aa vaa mẹ̀ ụkọrọ nị. Ogu ikonyi-ikonya vị aza ẹnị akawụ-akawụ oze ẹwụrẹva, dị ọza ana a nyị mẹ ọdọvịdị ịnị ụhwẹ ọnọọ si eyi pe wa.

2 Ịtọpa 14:1

Ohinọyị Ahija me su, di ene e tụ́ ịzị eē ne ohinọyị nịnị ịnị ẹkụra Idevidi nị, dị ozi anị ana a hị́ Asa a sị rị ohinọyị tụ́ udi ada anị nị. Ịnị ụmẹ anị ẹkụra ộ nyị ẹngwọọrọ mẹ ịrayị ẹẹwụ.

2 Ịtọpa 14:5

Ka ộ kụ́ ahẹkẹ ori ọnịrị ụta ẹnẹẹ̄ sị rị eturare ịra kwooze hụrẹ avaba ẹkụra ene hi Ijuda, â nyị ẹngwọọrọ ịnị ụmẹ ohinọyị anị.

2 Ịtọpa 20:30

Avọọ Ijehosahwati mẹ̀ ịjọva ịnị ẹngwọọrọ, dị Ohomorihi sere e ẹngụ ọmọọma.