Ijosuwa 22:16 - IWE ỌNỊNỊ

¹⁶ Avaba ịragụ aza Ẹnẹyịmavara họ̀ wa kà sị ẹ vẹ dị ẹ mẹ̀ ebira odivi ọnọnị hi Ohomorihi Anisirẹrị nịnị? Ụ mẹmẹ zụ va ịrẹma Ẹnẹyịmavara ne hi ụta yị ẹngụ awụ nịnị aanị ọyị sị kụ hịrẹ Ẹ?

Ijosuwa 22:16 Referans Kwoze

Ijosuwa 22:11

Anisirẹrị nịnị ana vọ ệ wụ ka ẹnịnị ệ maanị reè hi ụta tụ Igiriyọtị ụtọ ẹtẹ Ikanaani, eyi ọnị ọyịị̄ zị naa ngụ ẹtẹ Írehu Ijodani. Anisirẹrị nịnị ana vọ ẹ nyị ịzọọ nị.

Ijosuwa 22:15

Ẹnịnị ệ vẹ Igiriyadi ve tu Ezi Irubẹnị nịnị, ọnịrị ezi Igadi ọnịrị achẹva ezi Ịmanasẹ nịnị, dị ẹ kà a yị wa ka:

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

Ẹzịra 8:22

Ẹzịra ka ụhị ọ vị yị ọnị ka ọnị ọ̀ varẹma ne tù ohinọyị ka ọ̀ kụ isoja ọnịrị umaata ịrẹkụ sere ẹnị agụvị ọnịvị ẹnịnị nị. Ẹnị ệ vịdị sị ọ kàa yị ohinọyị ka Ohomorihi ẹnịnị vị eneē sere aza ana sị ayị tụra a, ama di ee du ayịị hi aza ene yi ọ tịtẹ.

Ireevi 17:8

Ẹnẹyịmavara kà Imosiisi ọ̀ kà a yị wa ka, Anisirẹrị ọnyọọnyị, à vị anẹkụra ọsa ana ra vahụra wa ọ̀ọ mẹ̀ ịsọvọ ana aā rị ịra, à vị ịsọvọ ọnyọọnyị ọsa aha ọsa,

Ịrịka 32:15

Ẹnịnị ẹ̀ẹ va hụrẹ ịrẹma Ẹnẹyịmavara, dị ọnị rẹ hụrẹ avaba Anisirẹrị nịnị ụvọ tụ ịnị ụnọmị. Ama ẹnịnị ẹ vaa nyị ohuvọ anị nị.

Iwe Ọhụhị Imosiisi ana aa hị́ Ọyịvatụrọda 12:11

Ẹnẹyịmavara vaa nyị aha ọnya ịzị ụ vaa yaa hẹkẹ ẹ nịnị. Ịzọọ ụ vaa sị avaba ịsa ọnị mị mẹ ọda anịị wụ nịnị, vaa yị Ẹnẹyịmavara nịnị nị. Ịsị ẹnị ụ vaa sị vaa yọ nịnị yị: Ịsa ịsọvọ awụ nịnị ana a vaa rị ịra, ọnịrị ịsa ịsọvọ awụ nịnị ana vọ, achehi ẹẹwụ awụ nịnị ọnịrị ẹyịza ana vọ, beri ẹyịza oturenyi oni u wo oto ka ụ vaa sịị vaa yị Ẹnẹyịmavara nịnị.