Ijosuwa 22:11 - IWE ỌNỊNỊ

¹¹ Anisirẹrị nịnị ana vọ ệ wụ ka ẹnịnị ệ maanị reè hi ụta tụ Igiriyọtị ụtọ ẹtẹ Ikanaani, eyi ọnị ọyịị̄ zị naa ngụ ẹtẹ Írehu Ijodani. Anisirẹrị nịnị ana vọ ẹ nyị ịzọọ nị.

Ijosuwa 22:11 Referans Kwoze

Ịjọọnụ 1:28

Avaba ịsa ẹnẹnị vị ana mẹ ẹkụra Ịbẹtanị, ana yà akẹnẹ Okuha Ịjọdanị ịzị Ịjọọnụ yà aa mẹ ọyịhwenyii yị aza.

Ijosuwa 2:7

Dị ọnụtụ ohinọyị ẹnẹẹ kụ chire wa ee si wa na nị, obobooro ọnị ẹ jịnẹ tụ́ ẹhẹ ée gu oze ọbanyị ẹkụra nị. Dị ẹnịnị vavọọ sị wa oze na ngụ aba gẹrẹ-gẹrẹ ana zị jịnẹ irehu Ijodani nị.

Ịjọọnụ 20:12

Di o re ka anggẹẹrị ẹẹva ene chire awuru ọvwọọvụ sẹnẹ-sẹnẹ yaayịtẹ ịzọọ nị. Ọnya yà eyi ịrẹsụ, dị ọsa rẹ yà eyi ahụ ịzị oku Ijeesu vịdị yà nị.

Ịjọọnụ 20:1

Ẹnẹnẹ viri-viri, ịnị ẹkụhị ọsẹ, ẹtẹ oò yi hweyi, dị Imeri Anịmagịdara nọ ini ikuta, di o ne tù ka a sị ịrẹta zina hụụnị enoze ikuta ọnọọ nị.

Ọdọvịdị 12:5

Ịnị ịrẹkụ ọnọọ Anigiriyadi ya dọ oze ana a zị jịnẹ irehu Ijodani nị, dị Anehwireemi nịnị ẹyị kụkụ re oze parahu nị. Ịjị Anehwireemi nịnị e ne zwe ẹ kụkụ tu ịzọọ dị ẹ ka ẹ naa parahu nị, dị Anigiriyadi họ̀ wa ka Anehwireemi ẹnịnị wa vị nị. Dị ẹnịnị ka eyiye.

Ijosuwa 22:10

Ịjị ezi Irubẹnị nịnị ẹnịrị ezi Igadi, beri achẹva ezi Ịmanasẹ nịnị ve tu ịzị aā hị́ Igiriyọtị, ọ̀ sị gụrị Ijodani ịnị ẹtẹ Ikanaani, ẹnịnị ê hi ụta ọnya nyanggada aanị tụ ụtọ irehu ịzọọ.

Ijosuwa 22:16

Avaba ịragụ aza Ẹnẹyịmavara họ̀ wa kà sị ẹ vẹ dị ẹ mẹ̀ ebira odivi ọnọnị hi Ohomorihi Anisirẹrị nịnị? Ụ mẹmẹ zụ va ịrẹma Ẹnẹyịmavara ne hi ụta yị ẹngụ awụ nịnị aanị ọyị sị kụ hịrẹ Ẹ?

Ijosuwa 22:19

Booro aanị, wèe ro nịnị ka ẹtẹ awụ nịnị ẹ yị wụra hẹkẹ Ohomorihi ịnị anị, wa vẹ ịnị ẹtẹ Ẹnẹyịmavara nịnị, dị à dà ẹtẹ yị wụ nịnị ịdị ayị. Ama navọ asị ụ kụ̀ hịrẹ Ẹnẹyịmavara, dị asị ụ rẹ kụ̀ hịrẹ yị, ịnị ụta ọnị ụ da yị ẹngụ awụ nịnị beri ụta Ẹnẹyịmavara Ohomorihi awụ nịnị aanị.

Iwe Ọhụhị Imosiisi ana aa hị́ Ọyịvatụrọda 12:11

Ẹnẹyịmavara vaa nyị aha ọnya ịzị ụ vaa yaa hẹkẹ ẹ nịnị. Ịzọọ ụ vaa sị avaba ịsa ọnị mị mẹ ọda anịị wụ nịnị, vaa yị Ẹnẹyịmavara nịnị nị. Ịsị ẹnị ụ vaa sị vaa yọ nịnị yị: Ịsa ịsọvọ awụ nịnị ana a vaa rị ịra, ọnịrị ịsa ịsọvọ awụ nịnị ana vọ, achehi ẹẹwụ awụ nịnị ọnịrị ẹyịza ana vọ, beri ẹyịza oturenyi oni u wo oto ka ụ vaa sịị vaa yị Ẹnẹyịmavara nịnị.