Ijosuwa 21:44 - IWE ỌNỊNỊ

⁴⁴ Ẹnẹyịmavara ộ mẹ̀ ẹngwọọrọ yị wa ịnị avaba ọnọọ anka ọ mè wo oto anị yị ohiku ẹnịnị. Ẹ yị nyị ọnịvị ẹnịnị ana zụ va eyi ka wa agụvị ka Ohomorihi ộ sị wa nyị ẹbẹẹba avaba ọnịvị ẹnịnị.

Ijosuwa 21:44 Referans Kwoze

Ijosuwa 11:23

Ijosuwa ộ dọ avaba ẹtẹ anka Ẹnẹyịmavara mẹ ọda yị Imosiisi. Dị Ijosuwa sị ẹtẹ ọnọọ yị Anisirẹrị ka ọ vị ẹẹnịnị nị. Dị ọ ga yị wa ịrẹsụ. Agụvị avọọ ẹnịnị tụ́ ụhwọ́ hụụnị ịrẹkụ ọyị kụ nị.

Anihiburu 4:9

Ọnọọ ọ́ọ sị zụ̀ ka a nyị nyị ụhwọtụ ana aza Ohomorihi va naa tụ́.

Ọyịkụra 23:31

Ẹhwị ẹtẹ awụ nịnị vaa nyima hụrẹ Oku ịkẹ-ịkẹ na ngụ Oku Anihwirisiti nị Ẹwụ nịnị ọ vavọọ vaa nyị ọ hụụnị ụnọmị na ngụ ini Oku nị. Mị vaa navọ ka aza ana vịdị ra hi ịnị ẹtẹ ọnọọ wa dụ wa kwooze nịnị.

Ijosuwa 22:9

Ịzẹyịza, ezi Irubẹnị nịnị, ezi Igadi, ọnịrị achẹva ezi Ịmanasẹ nịnị ệ varẹma aa nọ eehi ẹnịnị. Ẹnịrị Anisirẹrị nịnị ana vọ ệ hahi Isiro ịnị ẹtẹ Ikanaani, dị ẹyaa nọ ẹtẹ Igiriyadi nị. Ịzọọ ọ vị ẹtẹ ẹnịnị nị. Ẹnẹyịmavara ọ mẹ ọda yị Imosiisi ka ọ̀ sị ịzọọ yị wa nị.

Ijosuwa 22:4

Booro anị, Ẹnẹyịmavara Ohomorihi awụ nịnị ọ raà mẹ ẹngwọọrọ yị anda awụ nịnị anka o mè wo oto yị wa. Agụvị avọọ, varẹma wa nọ eehi awụ nịnị ịnị ẹtẹ ọnị Imosiisi ozi ahụ Ẹnẹyịmavara sị yị wụ nịnị akẹnẹ Ijodani eyi ọsọọ.

Ijosuwa 1:15

pooro dị Ẹnẹyịmavara ọ̀ sị ụhwọtụ yị wa, ọnị mẹ mẹmẹ yị ẹwụ nịnị. Dị ẹnị ẹ rẹ dọ ẹtẹ ẹnịnị ọnị Ẹnẹyịmavara ana vi Ohomorihi ẹnịnị aa sị yị wa. Ọ kà ịjọnọọ dị ẹ̀ va vavẹ ịnị ẹtẹ ana a raà dọ yị wa, dị ọ kụkụ vị ẹẹnịnị. Ọ kà ẹtẹ ọnọọ Imosiisi ọnụtụ Ẹnẹyịmavara sị yị wa tụ́ akẹnẹ Okuha Ịjọdanị oze ọnị ọyịị̄ zịị hụrẹ nị.

Ijosuwa 1:13

ẹ̀ tamayị ịrẹyị oni Imosiisi ọnụtụ Ẹnẹyịmavara kà yị wa. Ọ kà Imosiisi ọ́ọ kà a ka Ẹnẹyịmavara ana vi Ohomorihi ẹnịnị vaa sị ẹtẹ ọnọnị yị wa, dị ọ yị zẹẹ ka à nyị ịsị ẹ kanyị wa.

Ọyịkụra 33:14

Dị Ẹnẹyịmavara tụ́ ohi dị ọ ka, “Ẹnị ụvọta vaa saasa wụụ na, mị vaa mẹ ka ayị awụ ọ̀ nẹtẹ.”

Iwe Ọhụhị Imosiisi ana aa hị́ Ọyịvatụrọda 21:10

Ịhị ụ waa nọ ịrẹkụ ọnịvị awụ nịnị, dị Ẹnẹyịmavara sị ụ nịnị nyị ẹbẹẹba, dị ụ za ọnịvị awụ nịnị ọrịhị nị,

Ijosuwa 23:1

Ẹnẹyịmavara ọ̀ navọ Anisirẹrị nịnị ka ẹ ra ịnị ẹngwọọrọ ịnị ụmẹ ọgọdọ. Ịjọnọọ, Ijosuwa o si bo ẹtẹẹtẹrẹ.

Ayịsaya 63:14

Ọnị ọ sị ụkata anị sị ụhwọtụ yị wa anka imaaru ana kụ nọ ịnị ozi na tụ́ ụhwọ́ avọọ nị. Ộ mẹ̀ ka aa ga Ẹnẹyịmavara.

Iwe Ọhụhị Imosiisi ana aa hị́ Ọyịvatụrọda 2:36

Dị Ẹnẹyịmavara mẹ ka ẹ rị avaba ẹkụra ẹnẹẹ hụrị Aroyeri huu va ngụ Igiriyadi.

Ijosuwa 1:5

Ẹnẹyịmavara rẹ kà a yị nyị ọza ana va nyayịnẹ và eyii kà Ijosuwa pooro dị ọ̀ sị ẹhẹ tịtẹ. Ộ kà ọnị mẹ̀ yà pè Imosiisi, avọọ ọnị mẹ̀ rẹ vaa yà pè Ijosuwa nị. Ọ kà ọnị ọ yị vaa mẹ̀ ụhị nyị ọ, ọnị ọ yị vaa hụrẹ ẹ ụvọ.

Ijosuwa 2:24

Dị Ijosuwa ka ịzẹyịza, Ẹnẹyịmavara ọ raa sị ẹtẹ ọnọọ yị ẹnị nị. Agụvị avọọ angwa ẹnịnị e hi aza ẹnẹ ya ịzọọ nị.

Ijosuwa 11:8

Ịzẹyịza, dị Ẹnẹyịmavara za isoja ẹnẹẹ chire Anisirẹrị ụvọ, Ẹnịnị e huuna wa, dị ẹ dụ wa na ngụ oze Ịsịdọnị ọbanyị ọnịrị oze Imisirehwoti-Imayimi, huu na ngụ inozi Imizipe; va nyị ọza ana ha ịnị ẹnịnị vụrụ-vụrụ.

Ijosuwa 11:12

Avaba ẹkụra ẹbanyị-ẹbanyị ẹnịnị ẹnịrị ohinọyị ẹnịnị vị ọnị Ijosuwa vú ẹtẹ anka Imosiisi ọnụtụ Ẹnẹyịmavara mẹ vịdị ka tịtẹ. Ẹ yị nyị ịsa ana vọ ọnị Ijosuwa ẹ yị mẹ.

2 Ịtọpa 13:16

Isoja Anisirẹrị nịnị vi ene zwe kwooze yị isoja Anijuda nịnị, dị Ohomorihi mẹ̀ ka Anijuda nịnị e huna wa nị.