Ijosuwa 21:1 - IWE ỌNỊNỊ

¹ Aza ana vị ọdọvịdị Anireevi nịnị ệ kụ ẹngụ ve tu Eriyaza ohirẹsụ irehi Ohomorihi ọnịrị Ijosuwa ozi Inuni ne beri ọdọvịdị Anisirẹrị nịnị.

Ijosuwa 21:1 Referans Kwoze

Ijosuwa 14:1

Ịnị ụmẹ ọnọọ, avaba ẹtẹ Ikanaani ọnị Anisirẹrị nịnị dọ wa vị ogu ẹnịnị. Dị Eriyaza, ohirẹsụ irehi Ohomorihi, ọnịrị Ijosuwa ozi Inuni ne beri ohi-ohi ịrẹsụ Anisirẹrị ga ẹtẹ ọnọọ yị Anisirẹrị nịnị nị.

Ijosuwa 19:51

Ẹtẹ ẹnẹnị ohirẹsụ irehi Ohomorihi ana aā hị́ Eriyaza, ọnịrị Ijosuwa ozi Inuni, beri azọkụ-azọkụ abara-abara Anisirẹrị nịnị ga nị. Dị ẹ va gà a, ẹnịnị ệ si iruvo anị hụụnị ụvọ Ẹnẹyịmavara, enoze ajẹngụ Ẹnẹyịmavara Isiro. Aanị ẹ mẹmẹ gà ẹtẹ ọnọọ ta nị.

Ijosuwa 17:4

Dị ẹnịnị vẹ tu Eriyaza, ohirẹsụ Irehi Ohomorihi ọnịrị Ijosuwa, ozi Inuni ne beri ọdọvịdị nịnị, dị ẹ kà Ẹnẹyịmavara ộ mẹ̀ ọda yị Imosiisi ka ọ sị ẹtẹ yị ẹnị beri anda ẹnịnị anọrụ. Ịzẹyịza, dị Ijosuwa sị ẹtẹ yị wa beri anda ẹnịnị anọrụ anka ọda Ohomorihi mẹ kà a.

Ọyịkụra 6:25

Eriyaza ana vi ozi Eerọnị ọ na nyị ọnya ini ezi Iputiyeri. Ose anị ọnọọ ọ ma Ihwinehasi yọ nị. Ẹnẹ ẹ vị ohivihyẹ ohweje Anisirẹrị nị. Ịrẹsụ-ịrẹsụ a hị́ wa nị.

Ọyịkụra 6:14

Ịrẹha ohivihyẹ ohweje ọnya-ọnya m maa vaa hị́ aanị nị. Ezi Irubẹnị ana vi ozi ọzọkụ Isirẹrị ẹ vị Ịhanọkị, Iparu, Ihezironi ọnịrị Ikami. Ẹnẹẹ ẹ vị ịrẹsụ Irubẹnị nị.

Oyinyima 49:7

Ohomorihi vaa sị ụyaa rị wu nịnị agụvị ọyịkụ awụ nịnị ọnọọ, agụvị ka ọyịkụ awụ nịnị vi ịrịịra ọnịrị ọyịkụ odivi. Ohomorihi vị ana ha wụ nịnị hị́, dị ọ gara evere awụ nịnị hị́ ịnị ẹtẹ Isirẹrị.

Ịrịka 35:1

Ẹnẹyịmavara ộ kà yị Imosiisi ịnị inozi Imowabi akẹnẹ Okuha Ịjọdanị ana va eyi ka Ijeriko ka,

Ịrịka 35:8

Ẹkụra ẹnẹnị vị ana vaa sị hụụnị ẹtẹ Anisirẹrị nịnị. Ịrẹsụ ana nyị ẹtẹ ọbanyị a vaa sị ẹkụra rụrụ hụụnị ẹtẹ anị nị. Ẹtẹ ene weyi vị ana vaa da ẹkụra che hụụnị anị yị wa.