Ijosuwa 19:9 - IWE ỌNỊNỊ

⁹ Agụvị ka ẹtẹ Ijuda nịnị ộ banyị huna ọpa ene sì, â dà hụụnị ẹtẹ anị yị ezi Isimiyọnị nịnị.

Ijosuwa 19:9 Referans Kwoze

Ọyịkụra 16:18

Ịjị a sị ẹnya ana vi achẹva ịgarọọnị ngọ ọ, ọọza ana kụ́ rụrụ ọ yị vọ ẹtẹ; ọọza ana kú kiiki ọ yị rẹ jị ha. Ọpa ana hụ ọzọza rị ọzọza kụ́ nị.

Oyinyima 49:7

Ohomorihi vaa sị ụyaa rị wu nịnị agụvị ọyịkụ awụ nịnị ọnọọ, agụvị ka ọyịkụ awụ nịnị vi ịrịịra ọnịrị ọyịkụ odivi. Ohomorihi vị ana ha wụ nịnị hị́, dị ọ gara evere awụ nịnị hị́ ịnị ẹtẹ Isirẹrị.

Ijosuwa 19:8

Avaba ẹkụra ana kara ẹkụra ẹbanyị-ẹbanyị ẹnẹnị huuu na ngụ Ịbaaratị-Ịbẹẹrị ana a raa hị́ Irama Ịnẹgẹvị vị ana yà ịnị ẹtẹ anị. Ẹtẹ ọnọnị a dà yị ezi Isimiyọnị nịnị abara-abara nị.

Ijosuwa 19:10

Izeburuni ọ vị ọnị ọhụta a na da ẹtẹ yị nị. Abara-abara a dà ẹ yị wa nị. Ẹtẹ ẹnịnị ô tu ịzị aā hị́ Isaridi.

Ezikẹẹrị 48:7

di o ve tu Ezi Ijuda nịnị nị. Ẹtẹ avaba ẹnịnị vị ana hụrẹ eyi ọnị ọyịị̄ zị vẹ na ngụ eyi ọnị ọọ̄ zị naa ngụ ẹtẹ.

Ịrịka 26:54

Ọ kà ọ̀ sị ẹtẹ banyị yị ịrẹsụ ẹnị aza ẹnịnị rụrụ, dị ịrẹsụ ene weyi ẹ nyị ẹtẹ oweyi.