Ijosuwa 19:12 - IWE ỌNỊNỊ

¹² Ẹhwị ẹtẹ ẹnịnị ộ hụrẹ Isaridi zi oze ọsa eyi ọnị ọyịị̄ zị naa ngụ ẹtẹ nọ eyi ọnị ọyịị̄ zịị vẹ, dị ọ na ngụ ẹhwị ẹtẹ ịzị aā hị́ Ikisirọtị-Ịtabọ nị. Dị ọ hụụ ịzọọ na ngụ Idaberati, dị ọ huu ịzọọ và hịrẹ ne tu Ijahwiya nị.

Ijosuwa 19:12 Referans Kwoze

Ahẹ Ụgama 89:12

Ẹwa mẹ oze ẹbẹẹba ọnịrị ụvẹtẹ nị, Átaba Ịtabọ ọnịrị Ihamọnị mẹ̀ wụ́ ịrẹta awụ dị ẹ yaa jẹ, dị ẹ yaa jị ahẹ nị.

1 Ịtọpa 6:72

 sị Ịkẹdẹsị, Ịdaberati

Ọdọvịdị 4:12

Ịjị Isisera wụ́ ka Ịbarakị ộ raà hịrẹ nọ Ataba Ịtabọ,

Ọdọvịdị 4:6

Ẹkụhị ọnya, dị ọ tụ́ hị́ Ịbarakị ozi Abinowami hụrị Ịkẹdẹsị ịnị ẹtẹ Inahwitari, Idebora ka Ẹnẹyịmavara, Ohomorihi Anisirẹrị ô mẹ ọda ka Ịbarakị ọ̀ kụ aza akawụ-akawụ oze ẹẹhị hụrị ịrẹsụ Inahwitari ọnịrị Izeburuni nọ ịrẹsụ ataba Ịtabọ.

Ijosuwa 21:28

Ẹkụra ẹbanyị-ẹbanyị ẹẹna ana a sị yị wa hụụnị ẹtẹ Iisaka ẹ vị Ikisiyoni, Idaberati,

Ijosuwa 19:22

Ẹhwị ẹtẹ ẹnịnị ô tụ Ịtabọ, Isahazuma, ọnịrị Ịbẹtịsẹmẹsị, dị ọ na zẹtẹ tụ Ijodani nị. Ẹtẹ ẹnịnị vị ẹkụra ẹbanyị-ẹbanyị ẹwụrịhịnọnyị beri ẹkụra eweyi-eweyi ene hi ịnị ẹnịnị.

Ijosuwa 19:11

Ẹhwị ẹtẹ anị ộ zị oze ọnị ọyịị̄ zịị naa ngụ ẹtẹ, dị ọ na ngụ ịzị aā hị́ Imara nị; ộ rẹ ngụ ịzị aā hị́ Idabeseti, dị ọ hụụ ịzọọ na ngụ ini okuha ana yà eyi ọnị ọyịị̄ zịị vẹ Íjokineyami nị.

Ijosuwa 19:13

Ộ hụụ ịzọọ zị oze ọnị ọyịị̄ zịị vẹ na ngụ ịzị aā hị́ Igati-Ihehwa, dị ọ rẹ na ngụ Etikazini nị. Ộ há zi oze Ineya, zị avọọ aa nọ Irimoni.