Ijosuwa 18:16 - IWE ỌNỊNỊ

¹⁶ Dị ọ vavọọ chi na ngụ ahẹtẹ ataba ana va eyi ka inozi Ihinọmị ẹtaha eyi ẹbẹẹba inozi Irehwayimi. Ẹtẹ ọnọọ ộ hụrị ịzọọ va chi zị oze inozi Ihinọmị, eyi ụvẹtẹ ụhwakọọrọ Ijebusi va ka eyi Enirogeri.

Ijosuwa 18:16 Referans Kwoze

2 Ohinọyị 23:10

Ohinọyị Ijosaya ô du aha ori ana ya ịnozi Ihinọmị ana aā hị́ Itohwẹtị ẹngụ. Ộ vavọọ mẹ̀ agụvị asị ọza kụkụ sị ozi ọnọrụ a vị ọnẹẹ anị na mẹ̀ ịsọvọ anaā rị ịra yị ori Imorẹkị ịzọọ.

Ayịsaya 30:33

O si ku eni e hụrẹ tenyi aha tịtẹ ịzị a vaa yàa rị Itohwẹtị ohinọyị Anasiriya ịra. Ahata anị vị ana a chị nyịnẹ, dị ọ rẹ gana. Avọọ a mẹ̀ rẹ kụ́ ọkụ hi ọ nị. Ẹnẹyịmavara ọ vaa tụ́ ụhwẹ kú ọ, dị ọ dá ịra, dị aa rị ịra anka ohuru avọọ nị.

Ijeremaya 32:35

Ọ kà ẹnịnị e ne hi ụta tụ Ihimoni ẹnẹ ẹ yaa mẹ̀ ịsọvọ ịnị anị yị Ịbaarị. Ịnị anị ẹyaa sị ezi ẹnịnịị mẹ̀ ịsọvọ yị ori Imorẹkị nị. Ẹnẹyịmavara kà ọnị ẹ́ yị kà a yị wa ka ẹ̀ maanị mẹ; ọnị é yị rò o bẹẹ ka ẹnịnị ẹ́ zụ vavọọ mẹ, dị ẹ̀ mẹ ka Anijuda ẹ̀ mẹ ịvị.

Ijeremaya 19:11

Ọ kà ọnị ọ̀ kà a yị wa ka, anka ụnọkọ ana a sị ụmọpa mẹ aanị mẹ gara ha dị ọza ẹ yị kụkụ zụ kụ ọ gẹ aanị, avọọ ọnị mẹ vaa gara Ijerusarẹmị ọnịrị aza ene hi ịnị anịị ha nị. Ẹtẹ Itohwẹtị aza venee ne oku ẹnịnị nị agụvị ka ẹnịnị ẹ yị me vene re aha ọsa ene e vee ne okuu tụ.

Ijeremaya 19:6

Avọọ, ụmẹ aa vẹ ọnị ọza ẹ yị ma vana hị́ ịzị ẹnị Itohwẹtị à vị inozi Ihinọmị. Inozi ana a yaa wụ̀ ọza á vanaa hị́ ọ nị.

Ijeremaya 19:2

Ọ kà ọnị ọ zị oze ana a zịị̄ ngụ eehi ịzị aā kụ ururaa hi, dị ọnị ọ̀ nọ inoze ẹtẹ ọnọrụ ana aā hị́ Ihinọmị. Ọnị òo tu ịzọọ dị ọnị ọ̀ ka ụtụ ọnị ọnị tụ ọnị.

2 Ịtọpa 33:6

Ezi anọrụ anị vị ọnị ộ rị ịra mẹ̀ ịsọvọ ịnozi Ihinọmị. Ộ ha ẹva, ô re ẹtẹ, ộ mẹ̀ avọkumeyi, ô pe arịjẹnụ ka ịrẹyị. Ộ nyayịnẹ mẹ̀ ebira odivi ana kụ́ Ẹnẹyịmavara ayị ẹtẹẹtẹrẹ nị.

2 Ịtọpa 28:3

Ịnị ozi Ihinọmị ọ ya aa rị eturare ịra yị ori ẹnẹẹ nị. Ezi Anọrụ anị vị ọnị ọ hyakụ rị ịra ịnẹ ịsọvọ yị ori ẹnẹẹ. Ebira enyisi ọnị aza ọnị Ẹnẹyịmavara dụ kwooze yị Anisirẹrị nịnị aa saasa nị.

1 Ịtọpa 14:9

Anihwirisiti nịnị ệ va ngụ inozi ịzị aā hị́ Irehwayimi, dị ẹyaa kụ́ wa ẹnya nị.

1 Ohinọyị 1:9

Di Adonija kụ́ atẹmẹ ọnịrị ụnọ ne beri ịsụpa ana a pá dị ẹ banyị, dị ọ kụ́ na mẹ̀ ịsọvọ ịnị ịrẹta Izohẹrẹtị ana yà ịnị aha enyi ịzị aā hị́ Ẹnị-Irogeri. Dị ọ hị́ avaba ezi ohinọyị ana vị ẹyịnyara anị nị ne beri avaba Anijuda ana vị, ezi ahụ ohinọyị.

2 Ịsamụwẹrị 17:17

Ijonatani ọnịrị Ahimaazị ẹnị vi ene hi ịzị aā hị́ Enirogeri. Dị a ka à tụ́ ozi ahụ ọnya ana vị ọnẹẹ hi wa, dị ẹnị ẹ̀ na kà a yị Idevidi ana vị ohinọyị nị. Ijonatani ọnịrị Ahimaazị ẹ yị nyayịnẹ nọ ịnị ẹkụra ka e ve re ẹnị.

Ọdọvịdị 19:10

Ama ọnọrụ ọnọọ ọ yị kụkụ dọ ka ọnị ọ sụ ịzọọ, dị ọ kwẹẹtẹ dị ẹ va ngụ Ijebusi ana aā hị́ Ijerusarẹmị. Ọ sị ịkẹrịkẹtẹ ẹyịva ene kune ẹnya za ne beri onyeehi anị.

Ọdọvịdị 1:21

Ama Anịbẹnjamịnị nịnị ẹ rẹ vaa zụ dụ Anijebusi nịnị ana ra Ijerusarẹmị. Agụvị avọọ ẹnịnị ra vabẹ ịzọọ pooro ve tu ajịnị nị.

Ọdọvịdị 1:8

Ịnị ọnọọ ọnyọọnya ezi Ijuda rẹ kụ́ ịrẹkụ ne tu Anijerusarẹmị dị rị ẹkụra ọnọọ nị. Dị ẹnịnị ệ sị ụ̀hwọ̀ wụ̀ aza ene hi ịzọọ ha, dị rị ẹkụra ẹnịnị ịra nị.

Ijosuwa 18:28

Ịzẹra, Ịharẹhwị, Ijebusi (Ijerusarẹmị), Igibeya, ọnịrị Ikiriyati-Ijeyarimi; Ẹkụra ẹbanyị-ẹbanyị ẹwụrẹna beri ẹkụra ana vọ ana kara wa. Ẹtẹ ọnọnị abara-abara ịrẹsụ Ịbẹnjamịnị dọ mẹ ogu ẹnịnị nị.

Ijosuwa 15:63

Ama Anijuda nịnị ẹ rẹ va nyẹngụ dụ Anijebusi nịnị; ọnị ọ mẹ̀ ka Anijebusi nịnị ẹ̀ ra beri Anijuda pooro tu ajịnị hi Ijerusarẹmị nị.

2 Ịsamụwẹrị 5:18

Anihwirisiti mè tụ́ ịzọọ, dị ẹ̀ chaka hi ini ozi Irehwayimi nị.