Ijosuwa 15:11 - IWE ỌNỊNỊ

¹¹ Ẹhwị ẹtẹ ọnọọ ộ na ngụ ịnị ataba Ekironi eyi ẹbẹẹba. Dị ọ zị oze Isikeroni, para Ataba Ịbaara hu, dị ọ na ngụ ịzị aā hị́ Ịjabịnẹẹrị nị; dị a hịka ịnị Òkū Imeditareniya ọ na zẹtẹ tụ nị.

Ijosuwa 15:11 Referans Kwoze

2 Ohinọyị 1:16

Ộ kà a yi ohinọyị ka: Ẹnẹyịmavara kà, agụvị ka ộ tụ́ aza nọ ịdị Ịbaarị-Izebubi, ori Anekironi ne họ̀ use ịrẹyị, anka vị ẹ̀ yị nyị ori ịnị ẹtẹ Isirẹrị ana vọrọ ka ò họ̀ use ịrẹyị nị; ẹngụ anị ẹ yị vaa nịya, vị o vee su nị.

2 Ohinọyị 1:6

Dị ẹnịnị ka, â nyị ọza ẹnẹ ẹnịrịị gẹ. Ọza ọnọọ ọ ka ẹnị ẹ̀ varẹma dị ẹnị ẹ̀ va kà a yị wụ ka, Ẹnẹyịmavara kà: Sị ẹ vẹ dị ụ tụ́ aza aa nọ ịdị Ịbaarị-Izebubi, ori Anekironi nịnị? Ọ kà, agụvị ka wê roo ka ẹ yị nyị ori ịnị ẹtẹ Isirẹrị waa yọ? Ọ kà wẹ yị vaa rị ụnava ọnị ụ tọ̀ aanị o; u vee sú nị.

1 Ịsamụwẹrị 7:14

Ẹkụra Ekironi na ngụ Igati ana Anihwirisiti nịnị vịdị dọ hụụnị ụvọ Anisirẹrị vị ẹnẹ ẹ varẹma yị Anisirẹrị. Dị Anisirẹrị rẹ dọ ẹkụra ana kara ẹkụra ẹnẹẹ hụụnị ụvọ Anihwirisiti nịnị nị. Anisirẹrị ẹnịrị Anamọrị ệ za ụvọ jẹẹ ịnị ịrẹkụ.

1 Ịsamụwẹrị 5:10

Dị Anigati ẹnị rẹ sị apoti oto Ohomorihi ọnọọ, dị ẹ ka à sị ọ na tụ́ ịzị aā hị́ Ekironi nị. Anekironi mè re ka aā sị apoti ọnọọ aa ngụ ịnị ẹkụra ẹnịnị, di e nowu za ẹtẹ dị ẹ ka, “A raà sị apoti oto Ohomorihi Anisirẹrị vẹ ka à sị va wụ ẹyịrị aza ayị và ha ộ!”

Ijosuwa 15:45

Ekironi, beri ẹkụra ana vaka wa ọnịrị ẹkụra eweyi-eweyi,

Ijosuwa 15:9

Hụrị ịrẹsụ otutu ọ vavọọ sị ịrẹsụ ka apasị Inehwitowa jịnẹ tụ ẹhẹ ẹkụra ene hi ataba Ehwironi, chi na zi eyi Ibaara ọnị aa rẹ hị́ Ikiriyati-Ijeyarimi.

Ijosuwa 15:10

Ẹhwị ẹtẹ anị ô jesi kara eyi ọnị ọyịị̄ zị naa ngụ ẹtẹ ịzị aā hị́ Ibaara, ọ̀ sị gụrị ataba Ịsẹyị. Ộ zị oze ẹkụra ana aā hị́ Ikesaroni. Ikesaroni vị ana yà ọkahi eyi ẹbẹẹba ataba Ijerimi. Ẹhwị ẹtẹ ẹnịnị ọnọọ ộ và chi na ngụ ịzị aā hị́ Ịbẹtị-Isemesi, dị ọ rẹ na ngụ Itimina nị.

Ijosuwa 15:12

Ụtọ Òkū Imeditareniya ọnọnị ọ vị ẹhwị ẹtẹ eyi ọnị ọyịị̄ zị naa ngụ ẹtẹ nị. Ẹhwị ẹtẹ ẹnẹnị Anijuda nịnị ra hi nị. Ẹhwị ẹtẹ ẹnẹnị Anijuda nịnị ra hi nị.

1 Ịsamụwẹrị 17:52

Di Anisirẹrị ọnịrị Anijuda ana vọ kwẹẹtẹ, di e nowu, dị ẹ yaa dụ Anihwirisiti nịnị nị. Ệ dụ wa pooro na ngụ ịzị aā hị́ Igati, dị ẹ vavọọ na ngụ ini oze Ekironi nị. Oku Anihwirisiti vi ene hi oze huu na ngụ Igati ọnịrị Ekironi.

Ịrịka 34:6

Ẹtaha ẹtẹ ọnọọ eyi ịzị ọyị zị ngụ ẹtẹ ọ vị utenyi Òkū Imeditareniya nị.

Ọdọvịdị 1:18

Ịrẹma ọnọọ, ezi Ijuda vana rẹ rị ẹtẹ Igaza ọnịrị Asikeroni ne beri Ekironi ọnịrị ẹkụra eweyi-eweyi ana kara wa nị.

1 Ịsamụwẹrị 5:8

Dị ẹ va hị́ ọdọvịdị Anihwirisiti nị gụ, dị ẹ họ̀ wa ka ẹnị mẹ̀ vaa mẹ Apoti Ohomorihi Anisirẹrị aanị kẹ. Dị ọdọvịdị Anihwirisiti nị tụ́ ohi, dị ẹ kà a yị wa ka ẹ̀ sị apoti ọnọọ na tụ́ ịzị aā hị́ Igati nị. Ịzẹyịza dị ẹ sị apoti ọnọọ na tụ́ Igati nị.

2 Ịtọpa 26:6

Uzaya ộ nọ ịrẹkụ Anihwirisiti nịnị, dị ọ wú avaba ẹkụra ene hi ẹtẹ Igati, Ijamina, ọnịrị Asidodi. Dị ọ varẹma dà ẹkụra ọnị ọ jị ọvọ kara hi ọ gụrị Asidodi ọnịrị ẹtẹ Anihwirisiti ana vọ nị.