Ijosuwa 13:5 - IWE ỌNỊNỊ

⁵ ẹtẹ Anigebari; avaba ẹtẹ Ịrẹbanọnị na ngụ eyi ịzị ọyịị̄ zịị vẹ hụrẹ Ịbaarị-Igadi ana ya eyi ụvẹtẹ ataba Ihamọnị na ngụ oze Ihamati.

Ijosuwa 13:5 Referans Kwoze

1 Ohinọyị 5:18

Aza Isoromọnị ọnịrị aza Ihirami ne chire Anigebari ẹ bẹ ịrẹta ẹnẹẹ nị. Avọọ a mẹ̀ mẹ tenyi ọchị ọnịrị ịrẹta ana a vaa sị dà irehi ọnọọ tịtẹ nị.

Ijosuwa 12:7

Ọ vavẹ ịrẹma ọnọọ Ijosuwa ọnịrị Anisirẹrị nịnị rẹ nyị ẹbẹẹba aza ana ra eyi ịzị ọyị zị ngụ ẹtẹ akẹnẹ ọsa irehu Ijodani nị. Ẹtẹ ọnị ẹ dọ ọ hụrẹ Ịbaarị-Igadi ana ya ịnị inozi Ịrẹbanọnị na ngụ ataba Iharaki ana va eyi ka Ịsẹyị. Dị Ijosuwa ga a ịrẹsụ-ịrẹsụ yị Anisirẹrị nịnị nị.

Ezikẹẹrị 27:9

Aza ana kọsẹ ụkọrọ ẹtẹẹtẹrẹ hụrị ẹtẹ Ịgẹba ẹ vị ikahunta ana mẹ̀ ụkọrọ ịnị ẹpa awụ nịnị. Avaba aza ana aa ngụ ẹpaa jịnẹ vị anaā haa vẹ ịdị awụ nịnị vaa sẹ̀ ohu.

Ahẹ Ụgama 83:7

Anigebari, Anamọnị ọnịrị Anamarẹkị yà ịnị ẹnịnị. Ẹnị ana vọ ẹ vị Anihwirisiti ya, ne beri anẹkụra Ịtaya.

Ijosuwa 11:17

Hụrị ịnị ataba Iharaki na ngụ Ịsẹyị huu ne tu Ịbaarị-Igadi inozi Ịrẹbanọnị ụvẹtẹ ataba Ihamọnị. Ijosuwa ộ za ohinọyị ẹnịnị dị ọ wụ̀ wa ha nị.

Ịrịka 34:8

Dị ẹtẹ ọnọọ hụrị ịzọọ na ngụ Irebo Ihamati, di o che parahu na ngụ Izedadi.

Emọsị 6:2

Ẹnẹyịmavara kà ẹnịnị e ne re ịsẹ tu ẹkụra ọzọza ịnị ẹtẹ Ikarine, ọnịrị Ihamati ẹkụra ọbanyị ne beri Anigati ịnị ẹtẹ Ihwirisiti. Ẹnịnị wáá nyị ụkata hụụnị Anẹkụra ẹnẹẹ nị?

Ayịsaya 10:9

Ẹ rẹ ka ẹnị mè huna Ikakemisi ịnị ẹtẹ Aripadi nị. Ẹ ka ẹnị ệ kụ́ ịrẹkụ na rị anẹkụra Ịsamarịya ọnịrị Ịdamasịkọsị.

Iwe Ọhụhị Imosiisi ana aa hị́ Ọyịvatụrọda 3:25

Ọ kà Ohomorihi ọ navọ ọnị ọ jịnẹ nọ akẹnẹ irehu Ijodani ne re ẹtẹ ozoza ene hi ịrẹsụ Ịrẹbanọnị ẹnẹnị.

Iwe Ọhụhị Imosiisi ana aa hị́ Ọyịvatụrọda 1:7

Dị ọ ka ẹnịnị ẹ kara ajẹngụ ẹnịnị, dị ẹẹ nọ ẹkụra Anamọrị ene hi ịrẹsụ ataba. Ẹ ngụ ẹkụra ene hi inozi, ọnịrị ịrẹsụ ataba ne beri iruvo ataba ne tu Ịnẹgẹvị ọnịrị avaba ẹkụra eni hi utenyi ana vị ẹtẹ Anikenaani. E avọọ va hịrẹ na ngụ Ịrẹbanọnị dị ẹ̀ hi ịzọọ na ngụ irehu Iyuhwuretisi.

Ịrịka 13:21

Ịzẹyịza dị ẹnịnị re ẹtẹ ọnọọ hụrị ụnọmị Izini na ngụ ẹhwị ẹtẹ Anihamati nị.

Ijosuwa 11:3

Ọ hị́ Anikenaani eyi ẹnyị ọsa, Anamọrị, Anihiti, Aniperizi Anijebusi ịrẹsụ ataba, ọnịrị Anihivi akẹtẹ Ihamọnị ịnị ẹtẹ Imizipa.

1 Ohinọyị 8:65

Ụmẹ ọnọọ vị ụmẹ oni Isoromọnị sị rị eche. Dị avaba Anisirẹrị wara gụ pè e tatarata nị. Ẹnịnị ệ wara hụrẹ Irabohamati huu na ngụ ini okuha Ijipiti va gụ ọvịdị Ẹnẹyịmavara Ohomorihi ayị. Ẹnịnị ệ vavọọ hi ịzọọ mẹ ẹkụhị ịhịmba. Ịrẹma ẹkụhị ịhịmba ọnọọ, dị ẹ rẹ mẹ ẹkụhị ịhịmba ọsa nị. Avaba ẹkụhị ẹnị ẹ mẹ ịzọọ vị ẹkụhị ẹwụrẹna.

Ijeremaya 52:9

Ịjị ẹ sị Ịzẹdẹkaya zá, dị ẹ sị ọ ne tu ohinọyị Inebukadineza nị. Ọnị vị ana yà ẹkụra ana aā hị́ Iribira ịnị Ihamati ịjị ọnọọ. Dị Inebukadineza mẹ̀ ọkarẹyị yị Ịzẹdẹkaya ịzọọ nị.