Ijosuwa 13:13 - IWE ỌNỊNỊ

¹³ Ama Anisirẹrị nịnị ẹ yị dụ Anigesuri nịnị ọnịrị Animaaka nịnị hụụnị ẹtẹ ẹnịnị. Ẹnịnị vị ana ra chire Anisirẹrị ịnẹ pooro ve tu ajịnị.

Ijosuwa 13:13 Referans Kwoze

Ijosuwa 13:11

Ẹtẹ ọnọọ ộ za Igiriyadi ẹtẹ Anigesuri ọnịrị Animaaka, avaba ataba Ihamọnị beri avaba Ịbasanị huuu na ngụ Isareka.

Ịrịka 33:55

Ama ẹnịnị ẹ̀ yị dụ aza ana ra hi ọ jịnẹ, ịhyọsịhyọsa vị aza ẹnẹẹ vaa kụ́ ẹngụkata tụ́ wa anka akọkọ òo che hi ọza eyi avọọ nị. Dị ẹ vị igegenechi aa tụ́ wa ẹngụ ọmọọma, dị e yee beri wa kụ́ pooro kẹnẹ.

2 Ịsamụwẹrị 3:3

Ọgụ ọhụva Amịnọnị ọ rị Ikireyabi nị. Abigẹrị osoku Ịnabarị ana vị Anikamẹrị ọ ma ọnọọ yọ nị. Ọhụta ọ rị Abịsarọmị nị. Ọnyị Abịsarọmị ọ rị Imaaka nị, ana vị ozi ohinọyị Anigesuri ana aā hị́ Itarimayi.

Iwe Ọhụhị Imosiisi ana aa hị́ Ọyịvatụrọda 3:14

Abara Ija ana vị evere Ịmanasẹ ệ si avaba ẹtẹ Arigobi huu na ngụ ẹgẹ Igesu ọnịrị Imaakati. Ịzị ẹ̀ ra ịnị Ịbasanị anaā hi Ihavoti Ịjarị vị ẹnẹ ẹ̀ sị ịrẹha ada ẹnịnị Ịja yị. Avọọ a kụkụ aa hị́ ịzọọ pooro ve tụ́ ajịnị nị.

Ijosuwa 12:5

Ọgị ọ nyị ẹtẹ hụrẹ ataba Ihamọnị ẹbẹẹba va ngụ Isareka, ọnịrị avaba ẹtẹ Anịbasanị na ngụ ẹgẹ Anigesuri ọnịrị Animaaka neberi Ịhẹsịbọnị ẹtẹ Igiriyadi.

Ijosuwa 13:12

Avọọ ẹ mẹ yịị dọ ẹtẹ na ngụ ẹtẹ Ịbasanị ịzị Ọgị vị ohinọyị anị ọnị Asịtarọtị ọnịrị Edireyi. Ọnị ịnya kẹnẹ ọ ha ịnị Irehwayimi. Ẹtẹ ẹnẹnị Imosiisi huna anẹkụra ẹnẹẹ, dị ọ sị ụkata-ụkata dụ wa hụrẹ ẹkụra ẹnịnị.

Ijosuwa 13:14

Imosiisi ộ yị sị ẹtẹ yị Anireevi nịnị anka Ẹnẹyịmavara mẹ̀ kà yọ. Ịsa ịsọvọ ana aā rị ịra ana aā sị va yị Ẹnẹyịmavara ọ vị ogu ẹnịnị.

1 Ịsamụwẹrị 27:8

Ẹkụhị ọnya di Idevidi ọnịrị Igirizite ne beri Amarẹkị nị. Dị ẹ kụ́ ogu hụụ ịzọọ nị. Ịnị ịyẹẹyẹ, aza ẹnẹẹ vị ana ra na ngụ ịnị ẹtẹ Isuri ọnịrị Ijipiti.

Oyinyima 35:22

Ijekọvụ mẹ̀ vavọọ ra ịzọọ, ẹkụhị ọnya di Irubẹnị ozi anị na sị ose ada anị ana aā hị́ Ibiriha nị. Ose ada anị ọnọọ vị ozi ahụ Irechẹrị oni Ijekọvụ vara eyi nyị. Ọ mẹ̀ vavọọ mẹ, Ijekọvụ ọ sị wụ́.

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.