Ijosuwa 12:8 - IWE ỌNỊNỊ

⁸ Ẹtẹ ọnọọ ọ za ịrẹsụ avaba ataba iruvo ataba ẹnẹẹ inozi ẹnịnị, okahi, ịnị ụnọmị ọnịrị ụvẹtẹ (Ịnẹgẹvị) Ijosuwa ọnịrị Anisirẹrị vị ana dọ ẹtẹ Anihiti, Anamọrị, Anikenaani, Ịpẹrẹzị, Ihivi ọnịrị Ijebusi. Aza ẹnịnị e vị ohinọyị ẹkụra irenyi-irenyi ene hi ịnị ẹtẹ Isirẹrị nị.

Ijosuwa 12:8 Referans Kwoze

Ijosuwa 11:16

Avọọ Ijosuwa mẹ dọ avaba ẹkụra ene hi ịrẹsụ ataba ọnịrị avaba Ịnẹgẹvị beri Igoseni ọnịrị inozi beri Araba huu na ngụ ịnị ataba ọnịrị inozi ẹtẹ Isirẹrị nị.

Ijosuwa 10:40

Avọọ Ijosuwa mẹ vu avaba ẹkụra ene hi ịrẹsụ ataba va chi va ngụ Ịnẹgẹvị ọnịrị ẹkụra ene hi inozi. Ẹ yị nyị ọza ana ha anka Ẹnẹyịmavara mẹ mẹ ọda anị yị wa.

Ijosuwa 9:1

Ịnị ụmẹ ọnọọ avaba ohinọyị anẹkụra nịnị ene hi ịrẹsụ ataba ọnịrị iruvo ataba akẹnẹ irehu Ijodani nịnị ệ wụ́ ọ Ijosuwa mẹmẹ aa nyị ehuna. Ẹkụra ẹnẹẹ ẹ vị Anihiti, Anamọrị, Anikenaani, Aniperi, Anihivi ọnịrị Anijebusi.

Iwe Ọhụhị Imosiisi ana aa hị́ Ọyịvatụrọda 9:1

“Imosiisi kà Anisirẹrị nịnị e batọ. E vee tu ka ẹ jịnẹ irehu Ijodani ajịnị, dị ẹ na dọ anẹkụra ene hi ịzọọ ẹtẹ ẹnịnị. Ẹkụra ẹbanyị-ẹbanyị ana jị ọvọ ọgọdọ kara ẹ vị nị. Ẹnịnị ẹ nyị ụkata ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 7:1

“Imosiisi ka, Ẹnẹyịmavara Ohomorihi ẹnịnị vaa sị wa na ngụ ịnị ẹtẹ ana vaa vị ẹnịnị. Ọ vaa dụ anẹkụra ọrụrụ-ọrụrụ ana ra ịzọọ jịnẹ kwooze yị wa. Eyi ẹnịnị ọ vaa dụ Anẹkụra ẹbanyị-ẹbanyị ana nyị ụkata huna wa ịhịmba. Anẹkụra ẹnẹẹ ẹ vị Anihiti, Anigirigasi, Anamọrị, Anikenaani, Aniperizi, ọnịrị Anihivi ne beri Anijebusi.

Ọyịkụra 23:23

Anggẹẹrị amị vaa tụ́ ọvịdị awụ nịnị dị ọ kụ́ wụ nịnị na ngụ ịnị ẹtẹ anị Anamọrị ọnịrị Anihiti ne beri Aniperizi ọnịrị Anikenaani na vaka Anihivi ọnịrị Anijebusi ra hi ịnị anị. Ẹnị vị ẹnị ẹmị vaa dụụ hụụ ịzọọ.

Ọyịkụra 3:8

Ọ kà ọnị o reè chi vẹ ka ọnị ọ vaa dọ waa ha hụụnị ụvọ Anijipiti nịnị. Ọ kà ọnị aa kụ́ waa hụụnị ẹtẹ ọnọọ dị ọnị ọ̀ kụ́ wa nọ ịnị ẹtẹ Ikanaani. Ẹtẹ Ikanaani ô zoza ẹtẹẹtẹrẹ. Ộ nyị avị ana vọrọ ka ịsụpa ẹ̀ rị, avọọ ọ mẹ̀ rẹ zụ mẹ̀ ịsa nị. Aza ana vịdị ra hi Ikanaani ẹ vị Anihiti, Anamọrị, Aniperizi ọnịrị Anihivi ne beri Anijebusi.

Oyinyima 10:17

Anihivi, Anaakị, Anisini.

Oyinyima 12:9

Dị Abụramị aa yịị na, pooro, dị ọ na ngụ eyi ụvẹtẹ ịnị ẹtẹ Ịnẹgẹvị nị.

Oyinyima 13:7

Di aza ana aa kụ́ ịsụpa Abụramị rị ọnịrị aza ana aa kụ́ Ịrọọtị rị kụkụ aa zyaazị nị. Ụmẹ ọnọọ Anikenaani ọnịrị Aniperizi nịnị ẹnị re hi ịnị ẹtẹ ọnọọ.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

Ọdọvịdị 1:9

Ịrẹma ọnọọ, Anijuda nịnị va chi kụ ịrẹkụ ne tu Anikenaani nịnị ana ra ịnị ẹkụra ene hi ịrẹsụ ataba ọnịrị ẹtẹ Ịnẹgẹvị ne beri inozi.