Ijosuwa 12:1 - IWE ỌNỊNỊ

¹ Ịjị Anisirẹrị nịnị vịdị ya akẹnẹ irehu Ijodani, eyi ịzị ọyị zị hụrẹ vẹ ẹhẹ, ẹ nyị ẹbẹẹba ohinọyị ene hị́ ịzọọ. Dị ẹ dọ wa ẹtẹ ẹnịnị hụrẹ osusu Arinọnị ụvẹtẹ na ngụ ataba Ihamọnị ẹbẹẹba ne beri avaba inozi Araba.

Ijosuwa 12:1 Referans Kwoze

Ọdọvịdị 11:18

Ịjẹhwịta ọ rẹ kà a ka Anisirẹrị nịnị vana zị oze ịnị ụnọmị jesi kara ẹtẹ Edomi ọnịrị ẹtẹ Imowabi dị ẹ va ngụ eyi ọnị ọyị zị hụrẹ ẹtẹ Imowabi nị. Ọ kà ịzọọ e tu dị ẹ jị udi va eyi ka irehu Arinọnị nị. Ịjẹhwịta ka ẹyị nyị ụmẹ ọnị Anisirẹrị sị jị ahụ ngụ ẹhwị ẹtẹ Imowabi ana vị Arinọnị.

Ijosuwa 1:15

pooro dị Ẹnẹyịmavara ọ̀ sị ụhwọtụ yị wa, ọnị mẹ mẹmẹ yị ẹwụ nịnị. Dị ẹnị ẹ rẹ dọ ẹtẹ ẹnịnị ọnị Ẹnẹyịmavara ana vi Ohomorihi ẹnịnị aa sị yị wa. Ọ kà ịjọnọọ dị ẹ̀ va vavẹ ịnị ẹtẹ ana a raà dọ yị wa, dị ọ kụkụ vị ẹẹnịnị. Ọ kà ẹtẹ ọnọọ Imosiisi ọnụtụ Ẹnẹyịmavara sị yị wa tụ́ akẹnẹ Okuha Ịjọdanị oze ọnị ọyịị̄ zịị hụrẹ nị.

Ịrịka 21:24

Dị Anisirẹrị nịnị wụ̀ wa, dị ẹ dọ wa ẹtẹ hụrị Arinọnị na ngụ Ijabọkị huu ne tu ẹtẹ Anamọnị ana nyị ụkata hu Anisirẹrị nị.

Ịrịka 21:13

Dị ẹ hụrị Iwadi Ịzẹrẹdị na ngụ akẹnẹ Arinọnị nị. Ẹkụra ọnọọ vị ẹhwị ẹtẹ Animowabi ọnịrị Anamọrị nịnị nị.

Ayịsaya 16:2

Anyẹnẹẹ Animowabi ana a navọ hi ụtọ okuha Arinọnị vị ana sị mẹẹ anka inomi ana a dụ hụụnị ịrẹngwẹ anị avọọ. Ẹnịnị vị ana aa doodo zị kẹnẹ.

Ahẹ Ụgama 133:3

Vị ọ rẹ sị mẹẹ ka vi eguhi eneē chire hi ịrẹsụ ataba Ihamọnị avọọ ee chire hi ịrẹsụ ataba nị. Ịzọọ Ẹnẹyịmavara yà kà a ka ọnị vaa mẹ ka à ka ọnị vaa mẹ ka ò zee yị aza anị. Ize ọnọọ ọ vị ka ẹnịnị vaa yàra pooro zịna-zịna.

Ijosuwa 22:4

Booro anị, Ẹnẹyịmavara Ohomorihi awụ nịnị ọ raà mẹ ẹngwọọrọ yị anda awụ nịnị anka o mè wo oto yị wa. Agụvị avọọ, varẹma wa nọ eehi awụ nịnị ịnị ẹtẹ ọnị Imosiisi ozi ahụ Ẹnẹyịmavara sị yị wụ nịnị akẹnẹ Ijodani eyi ọsọọ.

Ijosuwa 11:17

Hụrị ịnị ataba Iharaki na ngụ Ịsẹyị huu ne tu Ịbaarị-Igadi inozi Ịrẹbanọnị ụvẹtẹ ataba Ihamọnị. Ijosuwa ộ za ohinọyị ẹnịnị dị ọ wụ̀ wa ha nị.

Ijosuwa 11:3

Ọ hị́ Anikenaani eyi ẹnyị ọsa, Anamọrị, Anihiti, Aniperizi Anijebusi ịrẹsụ ataba, ọnịrị Anihivi akẹtẹ Ihamọnị ịnị ẹtẹ Imizipa.

Iwe Ọhụhị Imosiisi ana aa hị́ Ọyịvatụrọda 4:48

Ẹtẹ ọnọnị ộ hụrẹ ẹkụra ana aā hị́ Aroyeri, ana ya ụtọ irehu Arinọnị. Dị ọ na huuu na ngụ eyi ẹbẹẹba Ataba Isiriyoni nị, ọnị ọ vị ka, Ataba Ihamọnị.

Iwe Ọhụhị Imosiisi ana aa hị́ Ọyịvatụrọda 2:24

Ịrẹma ọnị Anisirẹrị sị para Imowabi hu, dị Ẹnẹyịmavara kà ẹnịnị ẹ kwẹẹtẹ ẹ jịnẹ okuha Arinọnị, ọ ka ọnị ọ raa sị Isihoni, ohinọyị Anihesiboni chire ụvọ. Ẹ na kụ ịrẹkụ dị ẹ dọ wa ẹtẹ.

Ịrịka 32:19

Ẹnị ẹ yị vaa nyị tụ́ ịnị ẹtẹ ana ya akẹnẹ Okuha Ịjọdanị agụvị ka ẹnị ẹ raà nyị ẹnịnị tụ́ eyi akẹnẹ Ijodani ọsa.

Ịrịka 32:33

Ịzẹyịza, dị Imosiisi sị ẹtẹ Isihoni ohinọyị Anamọrị ọnịrị ẹtẹ Ọgị ohinọyị Ịbasanị ne beri avaba ẹtẹ ọnịrị ẹkụra-ẹkụra ana kara wa yị Anigadi ọnịrị Anirubẹnị nịnị ne beri acheva Ịmanasẹ ana vị ezi Ijosẹẹhụ nị.

Ijosuwa 13:8

Ịrẹsụ Irubẹnị ọnịrị Igadi beri achẹva Ịmanasẹ ệ vịdị raà dọ ẹtẹ hụụnị ụvọ Imosiisi ozi ahụ Ẹnẹyịmavara akẹnẹ Ijodani.

Ahẹ Ụgama 89:12

Ẹwa mẹ oze ẹbẹẹba ọnịrị ụvẹtẹ nị, Átaba Ịtabọ ọnịrị Ihamọnị mẹ̀ wụ́ ịrẹta awụ dị ẹ yaa jẹ, dị ẹ yaa jị ahẹ nị.

Ahẹ Ụgama 136:21

Di Ohomorihi sị ẹtẹ ohinọyị ẹnẹẹ yị aza ẹnẹsa nị. Vi óō sì ịrẹyị ọza pooro zịna-zịna nị.

Ịrịka 21:21

Enube ọnọnị Anisirẹrị tụ́ aza anị hi Isihoni ohinọyị yị,

Ịrịka 32:32

Ẹ ka ẹnị vaa jịnẹ Ijodani na akẹnẹ ne beri Anikenaani kụ́ ịrẹkụ, ama asị a dọ ẹnị ẹtẹ ana vị ẹnịnị aanị.

Iwe Ọhụhị Imosiisi ana aa hị́ Ọyịvatụrọda 2:32

Dị Isihoni kụ́ aza jịnẹ nọ ịrẹkụ ẹnịnị ọ gụrị ẹkụra ana a hị́ Ijahazi nị.

Iwe Ọhụhị Imosiisi ana aa hị́ Ọyịvatụrọda 3:1

Ịrẹma ọnị ẹ raà wụ̀ Isihoni ọnịrị aza anị, dị ẹ va ịrẹsụ ka ẹtẹ Ịbasanị, dị Ọgị ana vị ohinọyị ẹkụra ọnọọ ọnịrị aza jịnẹ tụ ẹhẹ gẹ ịrẹkụ tu wa ẹkụra ana gụrị Edireyi nị.

Iwe Ọhụhị Imosiisi ana aa hị́ Ọyịvatụrọda 4:44

Imosiisi ộ sị ọda Ohomorihi ọnịrị ịrẹyị anị zụ Anisirẹrị.

Iwe Ọhụhị Imosiisi ana aa hị́ Ọyịvatụrọda 4:46

na ngụ ịnị upoporo ana gụrị Ịbẹtịpowa eyi ịzị ọyịị̄ zịị vẹ akẹnẹ Ijodani, ịnị Isihoni ohinọyị Anamọrị ana ya Ịhẹsịbọnị aa mẹ̀ ịjọva. Imosiisi ọnịrị Anisirẹrị nịnị ẹ nyị ẹbẹẹba ẹnịnị ẹ mẹ jịnẹ tụ ẹhẹ hụrị Ijipiti.

1 Ohinọyị 4:19

Igeberi ozi Uri. Ọnị vị ana jẹẹ yị okokooro Anigiriyadi. Isihoni ohinọyị Anamọrị ọnịrị Ọgị ohinọyị Anibasanị ẹ vịdị aa mẹ ọda tụ́ ịrẹsụ ẹtẹ ọnọọ nị. Ịgọvọnọ ọnya o si eyi pè ẹtẹ ọnọọ nị.