Ijosuwa 10:6 - IWE ỌNỊNỊ

⁶ Adonizedeki me re wa kẹnẹ, ô tụ́ ụtụ eyiha-eyiha ne tu Ijosuwa Ígirigari ịzị e hi nị. Dị ọ da ịpẹ ka Ijosuwa ọ va dọ ẹnị ha hụụnị ụvọ ohinọyị Anamọrị ẹẹhị ana gẹ tu ọnị aanị. Dị ọ ka Ijosuwa ọ navọ asị ụhị nyị ẹnị ana vị Ezi ahụ anị aanị. Aarịhịnị ụsẹ ọ hụụ ọ ịra.

Ijosuwa 10:6 Referans Kwoze

Ijosuwa 9:6

Dị ẹnịnị ne tu Ijosuwa ọnịrị anọrụ Anisirẹrị ịzị ẹ kụ udi Igirigari, dị ẹ ka aha onoze ẹnị hụrẹ vẹ nị. Ẹnịnị e si ka ẹnịrị wa ẹ hị́ eku yị ẹngụ.

Ijosuwa 5:10

Dị Anisirẹrị kụ́ udi tu Igirigari ana vị inozi Ijeriko. Ịzọọ Anisirẹrị ya rị eche ọyịparahu oruva ẹkụhị ẹwụrẹna ịnị ụhwẹ ọnọọ nị.

Iruuku 1:39

Ẹkụhị ọnya, dị Imeri kwẹẹtẹ, dị ọ wụsẹ hịrẹ nọ Ijuda ana yà ịrẹsụ ataba nị.

Ayịsaya 33:22

Avaba ẹnya ana aā kụ́ụ hi ini ẹpa ẹnẹẹ vị ana vaa vi osusu. Ọchị ọgọdọ ana a mẹ jẹẹ ịnị ẹpa vị ana vaa ma. Ọza ọ yị rẹ vaa gana ịta ana a sịị dọ ahị. Ogu ọnịvị ayị vị ọnị ị vaa kụ́. Ogu vaa gwẹtẹ, di oswahụ nịnị ẹnị re re kụ́ bẹẹ. Ọ vavọọ vaa yà agụvị ka Ẹnẹyịmavara ọnị ụvọta ọ vaa vị ohinọyị ayị, dị aa mẹ ịjọvaa tụra yị nị. Ọnị aa sị ọdaa yị nị ọnị ọ rẹ vaa dọ yịị há nị.

Ahẹ Ụgama 125:2

Anka ataba mẹ̀ kara Ijerusarẹmị okiri-okiri avọọ, avọọ Ẹnẹyịmavara mẹ̀ yà kara aza anị hụrẹ ọyaanị pooro zịna-zịna nị.

2 Ohinọyị 4:24

Ộ tụ́ ịsa tụra ịkẹrịkẹtẹ ọnọọ, dị ọ tụra a nị. Ọ sị ọ tụra, dị ọ kà a yị ozi ahụ ọva anị ka, ọ̀ mẹ ka ịkẹrịkẹtẹ ọnọnị ọọ zị ụsẹ eyiha-eyiha. Ẹ̀ yị vị ọnị kà a yọ ka ọ̀ jẹẹ, asị ọ zẹẹ ka ọ̀ jẹẹ.

Ijosuwa 21:11

A sị ẹkụra ana a hị́ Ikiriyati-Arịba (ịrẹha ohiku Anaki nịnị) ana a raa hị́ Ihebirọnị ịrẹsụ ataba Ijuda vaka ịzị ịsụpa rị ana kara wa.

Ijosuwa 9:15

Dị Ijosuwa hị́ eku beri Anigibiyọnị ka ẹnị vaa beri wa za ọta dị ẹnị navọ wa ka ẹ ra. Ọdọvịdị Anisirẹrị wo oto ka ẹnị vaa sị́ ụvọ za eku ọnị ẹnịrị wa hị́ yị ẹngụ nị.

Iwe Ọhụhị Imosiisi ana aa hị́ Ọyịvatụrọda 1:15

Dị Imosiisi sị aza ẹnẹ ẹ nyị aanị mẹ ọdọvịdị ẹnịnị nị. Aza ẹnyị ịnị ẹnịnị vị ọga tụra aza akahị ịrẹsụ nị, ẹnyị aza ẹchẹhị, a vị ẹvarẹwụ, a vị aza ẹnị ẹẹwụ.

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ijosuwa 10:5

Dị ohinọyị ẹyịịhị ẹnẹẹ kụ isoja ẹnịnị vabẹ dị ẹ nọ ịrẹkụ Anigibiyọnị nịnị nị.

Ijosuwa 10:7

Ịzẹyịza, dị Ijosuwa vavọọ kụ avaba isoja anị kụ ịrẹma na gụ Anigibiyọnị ụvọ nị.

Ijosuwa 9:8

Dị ẹnịnị kà yị Ijosuwa ka ezi ahụ anị ẹnị vị nị. Dị Ijosuwa họ̀ wa use ka ịzị ẹ hụrẹ vẹ? Anị ịzị ẹ vị?