Ijosuwa 10:16 - IWE ỌNỊNỊ

¹⁶ Ụmẹ ọnị ịrẹkụ ọ sị jị odo, dị isoja ọnịvị nịnị e zwe, dị ohinọyị ẹnịnị ẹẹhị ẹnẹẹ zwe na tẹ̀ ịnị ụtẹha ana gụrị Imakeda nị.

Ijosuwa 10:16 Referans Kwoze

Ẹtore 6:15

Di ohinọyị nịnị ẹnịrị azẹbanyị beri ọnyẹkẹhị nịnị ẹnịrị ọga ịrẹkụ nịnị beri aza ana nyị ụkata, beri avaba ọrịhị ẹnịrị ezi kụ́ ẹngụ ẹnịnị na tẹ̀ ịnị ụtẹha ọnịrị ịnị anaha ịrẹta ene hi ịnị ataba nị.

Imika 7:17

Vị ẹ vaa ba ẹtẹẹ rị anka ẹ́wụ́ mẹ̀ẹ ba ẹtẹẹ rị nị. Ịzị ẹnịnị ẹ̀ẹ na na tẹ̀ tụ́, angwahi ẹ vá sịị vẹ nị. Ẹnịnị vee hí angwa ẹwụ Ẹnẹyịmavara Ohomorihi ayị. Ẹnịnị vee hí angwa awụ dị ẹ si và aa ka wụụ vẹ.

Emọsị 9:2

Ẹnẹyịmavara kà ẹnịnị ẹ daka chị ẹtẹ dị ẹ ngụ ọ na yaa nị, ọnị vaa tụ́ wa hị́ ẹhẹ. Ẹnịnị ẹ hịrẹ na ẹbẹẹba, ọnị vaa tura wa chi vẹ ẹtẹ.

1 Ịsamụwẹrị 24:8

Di Idevidi ọnị rẹ jịnẹ hụụnị ụtẹha ọnọọ, dị ọ hị́ Ịsọọrụ nị, dị ọ ka, “Taarụ, ohinọyị!” Dị Ịsọọrụ kana eyi sì Idevidi nị. Di Idevidi tana tụra ẹtẹ kụ́ ọ nị.

1 Ịsamụwẹrị 24:3

Ẹ maà na ózee, e ne tù ịzị aā kụ́ atẹmẹẹ hi. A nyị ụtẹha ọnya aanị ịzọọ. Dị Ịsọọrụ ngụ ọ ka ọnị ọ̀ na vara ahụ nị. Idevidi ọnịrị aza anị ẹnị hi ịrẹma-ịrẹma ụtẹha ọnọọ.

1 Ịsamụwẹrị 13:6

Ịjị Anisirẹrị re ka ịrẹyị ọkatẹngụ ộ vẹ, dị ọnịvị ee vee huna isoja ẹnịnị, di e si zwe na te ịnị ụtẹha ọnịrị ịnị ẹchịchị nị. Aza ẹnyị vị ene zwe na tẹ̀ ịnị anaha ịrẹta ọnịrị imisi.

Ọdọvịdị 6:2

Agụvị ka Animidiya nịnị aa chamayị yị wa di e zwe na tẹ̀ ịnị ataba ọnịrị ụtẹha nịnị nị.

Ijosuwa 10:5

Dị ohinọyị ẹyịịhị ẹnẹẹ kụ isoja ẹnịnị vabẹ dị ẹ nọ ịrẹkụ Anigibiyọnị nịnị nị.

Ijosuwa 10:15

Ịjị ịrẹkụ sị jị, dị Ijosuwa ọnịrị aza anị varẹma nọ ịzị e chi Igirigari nị.

Ijosuwa 10:17

Ijosuwa mẹ wụ́ ka isoja anị e re wa ịnị ụtẹha ọnọọ.

Ahẹ Ụgama 68:12

Ohinọyị ọnịrị isoja nịnị ệ va tụ́ echi, e yee zwe, dị anyẹnẹẹ ene hi udi kụ́ ogu isoja ẹnẹẹ dị ẹ yaa gà a nị.

Ahẹ Ụgama 68:13

Di e hi ẹtẹ pè atẹmẹ ẹnịnị ẹngwọọrọ-ẹngwọọrọ nị. Ệ hara igooru ozoza-ozoza rụrụ ẹnẹmẹhị anka asịsẹ mè kú avaka arivadi avọọ.