Ijosuwa 10:13 - IWE ỌNỊNỊ

¹³ Avọọ gẹdẹ-gẹdẹ ọyị ọnịrị ụhwẹ mẹẹ jẹẹ pooro dị Anisirẹrị huna ọnịvị ẹnịnị nị. A sị ịrẹyị jị ahẹ ana chẹrẹ tụ ịnị iwe Ijasarị ka ọyị ô jẹẹ dị ẹ yị ngụ ẹtẹ ịnị ẹkụhị ọyịvụrụ ịhị ọnọọ.

Ijosuwa 10:13 Referans Kwoze

Ihabaku 3:11

Dị ọyị ọnịrị ụhwẹ za ku jẹẹ, dị ọpa ọnịrị ọha e yaa za ẹtẹ anka inyaanya nị.

Ayịsaya 38:8

Ụmọmọ vaa nọ ọvịdị ahụ ẹẹwụ, dị ọ rẹ va nọ ịrẹma ahụ ẹẹwụ.

Ijosuwa 10:14

E yị vịdị nyị dị ọza ẹ yị vene re ẹngụ ẹkụhị ọnọọ, ọnị Ẹnẹyịmavara wụ́ ọngwẹ ọzarẹyịrẹsụ mẹ ịrẹyị. Ẹnẹyịmavara ọ kụ́ ịrẹkụ yị Anisirẹrị nịnị ịhị ọnọọ nị.

Ọdọvịdị 16:28

Ụmẹ ọnọọ dị Ịsamịsịnị mẹ̀ aduwa hi Ẹnẹyịmavara nị dị ọ ka Ẹnẹyịmavara ana nyị avaba ẹhẹ ọ tamayị anị, ọ ka, Ohomorihi kwogwo ọ navọ ọ varẹma sị ụkata yị ọnị ụpẹ ọnya dị ọnị ọ zụ si atọ eyi anị ẹyịva ẹnẹ tụ.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Ijowẹrị 3:15

Ọyị ọnịrị ụhwẹ vee hozi, dị ụzọmị nịnị ẹ yị kụkụ za ẹtẹ.

Ijowẹrị 2:10

Dị ẹtẹ ọnịrị ẹbẹẹba ee ziizi; dị ọyị ọnịrị ụhwẹ ẹ yị re oze sị ẹtẹ hweyi, dị ụzọmị nịnị ẹ yị kụkụ zẹtẹ nị.

Ahẹ Ụgama 148:3

Ẹwụ ọyị ụhwẹ ọnịrị avaba ẹwụ nịnị ụzọmị ana aa zẹtẹ ọ̀ọ kụ́ ọ avọ.

Ahẹ Ụgama 19:4

Ama ịrẹyị ẹnịnị ê tù ịzị ẹhẹ tù Mị ka avaba ẹhẹ ệ wụ́ ọ ịsa ẹnị ẹ yaa kà

Ẹsịta 8:13

Ịsa ana a chẹrẹ tụ́ ịnị iwe ẹnẹẹ vị ana a mẹ ọda tụ ịnị avaba ẹtẹ ọnọọ. Dị a kà a yị aza irenyi-irenyi ene hi ịnị ẹtẹ ọnọọ ka à sị oze yị Aniju ka è tenyi ẹngụ tù ọnịvị ẹnịnị nị.

2 Ịsamụwẹrị 1:18

Ahẹ ọkịta aā hị́ ahẹ ọnọnị nị. Idevidi ka à sị kọ Anijuda. Â chẹrẹ ahẹ ọnọnị tụ́ ini iwe Ijasari.

Ayịsaya 24:23

Ụhwẹ ọ yị kụkụ vaa zẹtẹ ịnị ụmẹ ọnọọ. Ọyị ọnị ọ yị rẹ kụkụ vaa ha. Ẹnẹyịmavara Ochẹtẹẹngụ ọ vaa vị ohinọyị nị. Ọ vaa yà ịnị ataba ini Ijerusarẹmị dị aa mẹ ịjọva. Ọdọvịdị aza nịnị vee re ụbanyị anị.

Ọdọvịdị 5:2

Ga Ẹnẹyịmavara! Anisirẹrị nịnị ê tenyi ẹngụ ịrẹkụ; Ịnị ayohine aza hụrẹ ẹngụ ẹnịnị ụvọ nị.

Ijosuwa 10:11

Anamọrị nịnị mẹ vavọọ e zwe hụrẹ Ịbẹtị-Ihoroni, dị Ẹnẹyịmavara zụ ịrẹta ọdẹngụ-ọdẹngụ hụrẹ ẹbẹẹba va wụ̀ wa ha nị. Isoja ẹnị ịrẹta wụ̀ ẹ rụrụ hụụnị aza ọnị Anisirẹrị sị ụ̀hwọ̀ wụ̀ nị.

Ịrịka 31:2

o re ka ọnị ọ họ̀ oponu ịsị Animidiya nịnị mẹ Anisirẹrị dị o vee su.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ẹtore 8:12

Dị anggẹẹrị ọhụna oni re hú ọpanyị anị nị, dị a sị ịsa nya achẹta ọyị ọnịrị achẹta ụhwẹ ne beri achẹta ụzọmị nịnị, dị achẹta ẹtohweyi ẹnịnị sị hozi nị. Achẹta ụmẹ ọọdụ ọnịrị achẹta ịrahụ ẹnị ẹ yị rẹ kụkụ nyị ẹtohweyi.

Ẹtore 6:12

Di mi re re, ọ mẹ̀ hụ̀ ịsa ọhụhịnọnyị ana a sị vá iwe ọnọọ nị. Dị ẹtẹ henyi jigi-jigi, dị ọyị kuku ee mine anka ịta ojooji avọọ nị. Dị ụhwẹ ọnị ee ví pooo anka anya avọọ nị.

Ẹtore 6:10

Di e yee nowu booboro, dị ẹ ka: Ananyị yị ana vị ọnịrẹyịzẹyịza dị ẹ̀ yị nyị ẹngụ anị, ịhị ọ vaa mẹ̀ ọkarẹyị yị anẹhẹ di ò sí wa atọ ọyịwụ̀ ẹnẹ ẹ wụ̀ ẹnị?

Odeyi 2:20

Ọyị vee hozi, dị ụhwẹ ee ví anka anya avọọ, dị ẹkụhị ọnọọ ò ve tù oni Ohomorihi Ananyị yị vaa sị vaa mẹ̀ ịsa ọbanyị ọnị ọza vee re.

Imatiwu 5:45

Wa vavọọ mẹ agụvị dị è re ka ezi Ada awụ ẹbẹẹba ụ vị nịnị nị, agụvị ka aa mẹ ka ọyị anị ọ̀ọ háa yị aza edivi ọnịrị aza ọyịza. Ọ raa zụ̀ orihii yị ọnịzẹyịza ọnịrị aza ẹnẹ ẹ̀yị nyị ịzẹyịza.

Ịrịka 21:14

Aanị a mẹ ka tụ ịnị ịtọpa iwe ịrẹkụ Ẹnẹyịmavara nị. Ẹkụra ana hị́ Iwahebu vị ana ya ịnị ẹtẹ Ịsụpa ọnịrị inozi irehu Arinọnị.

Imatiwu 24:29

“Ịjị ụmẹ ụyọrị ẹnẹnị ọ̀ọ ta kẹnẹ, ọyị vee hozi, ụhwẹ ọ yị kụkụ vaa vwẹtẹ, dị ụzọmị nịnị jị hụụnị ihinẹba, dị ụkata ẹbẹẹba re henyi.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

2 Ohinọyị 20:10

Ihezekaya ô tụ́ ohi kà ụmọmọ ọ zụ nọ ọvịdị ahụ ẹẹwụ ama ọ nyị akanya dị ọ vavẹ ịrẹma ahụ ẹẹwụ.

Ijoovu 9:7

Ọnị ọ nyị ụkata ana zụ za ọyị ka asị ọ ha dị asị ụzọmị zẹtẹ ịrahụ nị.