Ijosuwa 1:7 - IWE ỌNỊNỊ

⁷ Ẹnẹyịmavara ô hu Ijosuwa ọvụ ka ọ̀ jẹẹ gere-gere, dị ọ̀ nyị ọtụtụrụma ẹtẹẹtẹrẹ, di o re ka ọnị óo si eyi pè avaba ịrẹyị oni Imosiisi ozi ahụ anị ka yị ọ, dị ọ̀ saasa a. Ộ kà asị o jesi hụụnị ịrẹyị aanị zị oze ọnyọọnyị. Asị ọ ha zị eyi ụvọrị, a vị eyi ụvọha. Ọ kà ẹ̀ẹ vavọọ mẹ, ọnị ọ vaa mẹ ka ò re mẹ, o ve re mẹ ịnị ịsa tụra ịsa tụra ịsa ọnị ọ̀ọ sị ụvọ tụra ka ọnị aa mẹ.

Ijosuwa 1:7 Referans Kwoze

1 Ịtọpa 22:13

Ọ kà Isoromọnị ọ̀ọ saasa avaba ọda ọnị Ẹnẹyịmavara sị tu Imosiisi hi Anisirẹrị nịnị, vị o vee zee yọ nị. Ọ̀ sị tụ ọtụtụrụma, dị ayị anị ọ̀ nẹtẹ. A sị ọ zẹẹ ka ịsa ọnyọọnyị o chire ọnị angwa.

Iwe Ọhụhị Imosiisi ana aa hị́ Ọyịvatụrọda 5:32

Sị eyi pe ẹtẹ dị ụ wa mẹ ịsị Ẹnẹyịmavara raa mẹ ọda yị wa. Asị ẹ mẹ akamawụ.

Ijosuwa 1:8

Di Ẹnẹyịmavara rẹ ka asị ọ zẹẹ ka Iwe ọda ọnị ọnị sị yị ọ avọọ, ọ hụrẹ ẹ ụvọ o! Ọ kà ọ̀ sịị tụ́ irenu jị ahẹ pooro, ọọdụ ọnịrị ịrahụ, agụvị di ò si eyi pè e, dị ọ mẹ avaba ịsa ana a chẹrẹ hi ịnị anị. Ọ kà ịjọnọọ o vee ree mẹ ịnị ịsa ọnị ọ̀ọ ka ọnị aa mẹ nị, di ee zee yọ.

Ụhịrẹyị 4:27

Asị ụ há hụrẹ oze nọ eyi ụvọrị a vị eyi ụvọha. Va hụụnị ebira odivi.

Ijosuwa 11:15

Ẹnẹyịmavara mẹ mẹ̀ ọda yị Imosiisi, avọọ ọnị mẹ rẹ mẹ̀ yị Ijosuwa, dị Ijosuwa vavọọ saasa a nị. Avaba ọda Ẹnẹyịmavara vị ọnị ọ sị ahụ ku.

Iwe Ọhụhị Imosiisi ana aa hị́ Ọyịvatụrọda 12:32

Re ka wa tangwa saasa avaba ịsa ọnị mẹ ọda yị wụ nịnị aanị. A sị ụ dà tụ ọ, dị a sị ụ rẹ da hụụnị anị nịnị.

Iwe Ọhụhị Imosiisi ana aa hị́ Ọyịvatụrọda 31:7

Ịjọnọọ, dị Imosiisi hị́ Ijosuwa eyi avaba Anisirẹrị nịnị, dị ọ̀ kà yọ ka ọ̀ nyị ọtụtụrụma, dị ọ̀ sị ayị vị ọnya ẹtẹẹtẹrẹ; ka ọnị ọ vaa kụ Anisirẹrị nịnị na dọ ẹtẹ ọnị Ẹnẹyịmavara hị́ eku anị yị ohiku ẹnịnị nị.

Iwe Ọhụhị Imosiisi ana aa hị́ Ọyịvatụrọda 29:9

Avọọ ẹnịnị ẹ saasa avaba ịrẹyị oto ọnọọ, dị ò zee yị wa ịnị ịsa tụra ịsa ọnị ẹ yaa mẹ̀.

Iwe Ọhụhị Imosiisi ana aa hị́ Ọyịvatụrọda 28:14

Ama a sị ụ na mẹ akamawụ, dị ụ wa ha hụụnị zi oze ọnyọọnyị ọsa, ọ̀ọ vị eyi ụvọrị, ọ̀ọ vị eyi ụvọha.

Ụhịrẹyị 8:20

Oze ana vọrọ dị ọ vị ịzẹyịza ọnịị̄ zị nị.

1 Ohinọyị 2:3

Sị eyi pè ọda ẹnị Ẹnẹyịmavara Ohomorihi awụ ka à sị eyi pè, dị wa va tụra oze anị, dị wa sị eyi pè ọda anị ọnị ọ mẹ ọnịrị ọ mẹmẹẹ mẹ̀ ọkarẹyị ọnịrị avaba ịsa ọnị ọ sị mẹ ivenu anka a mẹ̀ chẹrẹ wa tụ́ ini iwe Imosiisi ana aā si oze zụ̀ ọza. Vavọọ sị ụvọ za a agụvị aha tụra aha ọnị wàa nọ, ịsị waa na mẹ ịzọọ ò zụ zoza; dị Ẹnẹyịmavara ọ̀ zụ sị ịrẹyị anị jẹẹ anka ọ mẹ̀ ka ẹ yị mị.

Ịrịka 27:23

dị ọ sị ịrẹsụ, dị ọ sị ọ jẹẹ ka ọ vị ọdọvịdị anka Ẹnẹyịmavara mẹ ka nị.

Ijosuwa 1:1

 nyị ụmẹ ọnya aanị, ịnị ụmẹ ọnọọ Imosiisi ana vị ozi ahụ Ẹnẹyịmavara ó wusu.  nyị ọnọrụ ọnya aanị ana vị ọnọgụvọ anị ana aā hị́ Ijosuwa. Ịrẹha ada anị ọ rị Inuni nị. Ẹkụhị ọnya Ẹnẹyịmavara ô pe e kà ịrẹyị.

Iwe Ọhụhị Imosiisi ana aa hị́ Ọyịvatụrọda 11:8

Imosiisi kà a sị ụvọ za avaba ọda ọnị ọnị aa sị yị wa ajịnị agụvị ẹ nyị ụkata na dọ ẹtẹ ana ya akẹnẹ enyi,

Ijosuwa 1:9

Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.

Ijosuwa 23:6

Agụvị avọọ, re ka waa jẹẹ geri-geri, dị ụ wa si saasa avaba ịsa ana a chẹrẹ tụ́ ịnị iwe ọda Imosiisi. Waa mẹ avaba ịsa ana a chẹrẹ tụ́ ọ. Asị ụ há hụụnị anị zị eyi ụvọrị a vị eyi ụvọha.

1 Ohinọyị 2:2

“Ee vee tù ka ma nọ ịda ohiku amị. Re ka wâ nyị ụkata dị wa vị ọnọrụ.

2 Ohinọyị 22:2

Ộ mẹ̀ ebira ene hine Ẹnẹyịmavara ayị. Ộ saasa ebira ọyịza Idevidi ana vị ohiku anị. Ộ nyayịnẹ sị ahụ ku avaba ọda Ohomorihi.

2 Ịtọpa 15:7

Ọ kà Asa ọ̀ sị tụ ayọvị, à sị ọ hụrẹ ayịnẹ ka ọ vaa rị ọgụ ụkọrọ ana aa mẹ aanị

Ijoovu 1:8

Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ịdanịyẹrị 10:19

Dị ộ ka, Ohomorihi ọ da sị ịrẹyị anị kẹnẹ, agụvị avọọ a sị ọnị hí angwa, ẹngwọọrọ ọ̀ sị vị aanị. Ộ ka, ọnị ọ sị tụ ọtụtụrụma dị asị ọnị va ẹngụ hi ẹtẹ. Ịdanịyẹrị ka ịjị ọ maanị sị ka yị ọnị, dị ọnị sị ụkata nyị huna avọọ nị. Dị ọnị ka, aarịhịnị ịsị ọ̀ọ nyị ọ yị ka ọ̀ kà a yị ọnị agụvị ka ọ ra mệ ka ọnị ọ nyị ụkata booro aanị nị.

Iwe Ọhụhị Imosiisi ana aa hị́ Ọyịvatụrọda 4:2

Asị ụ da tụ́ ịnị ọda ọnọọ, asị ụ da hụụnị anị, saasa avaba ọda anị ọnị mị ra ka yị wụ.

Iwe Ọhụhị Imosiisi ana aa hị́ Ọyịvatụrọda 29:8

dị ẹnị dọ wa ẹtẹ ẹnịnị, dị ẹnị ga yị Evere Iruveni ọnịrị Igadi ne beri Ịmanasẹ nị.

2 Ịtọpa 26:5

Ịzakaraya ọ vị anajuwe anị nị. Pooro di o ve su, Uzaya vị ana sị ịzẹyịza hẹkẹ Ẹnẹyịmavara. Ẹnẹyịmavara ộ mẹ̀ ka o zee yọ ịnị ụmẹ ọnọọ nị.

Ahẹ Ụgama 80:19

Ẹnẹyịmavara, Ohomorihi Ochẹtẹẹngụ, navọ wa và yị vẹ udi ayị ịyẹẹyẹ. Navọ wa vayị ayị dị ya zụ ha.