Ijosuwa 1:15 - IWE ỌNỊNỊ

¹⁵ pooro dị Ẹnẹyịmavara ọ̀ sị ụhwọtụ yị wa, ọnị mẹ mẹmẹ yị ẹwụ nịnị. Dị ẹnị ẹ rẹ dọ ẹtẹ ẹnịnị ọnị Ẹnẹyịmavara ana vi Ohomorihi ẹnịnị aa sị yị wa. Ọ kà ịjọnọọ dị ẹ̀ va vavẹ ịnị ẹtẹ ana a raà dọ yị wa, dị ọ kụkụ vị ẹẹnịnị. Ọ kà ẹtẹ ọnọọ Imosiisi ọnụtụ Ẹnẹyịmavara sị yị wa tụ́ akẹnẹ Okuha Ịjọdanị oze ọnị ọyịị̄ zịị hụrẹ nị.

Ijosuwa 1:15 Referans Kwoze

Anihwiripi 2:4

Asị ọzọza rè sì ọyịza yị ẹngụ anị kẹnẹ, ama wee sì ọyịzaa yị ẹngụ nịnị.

Anigaratiya 5:13

Ẹwụ nịnị anda ayị, Ohomorihi vị ana hị́ wụ ka wa nyị ẹngụ awụ nịnị (hụụnị ụvọ ọda Aniju nịnị). Ụ mẹ̀ sị ẹngụ awụ nịnị nyị aanị, asị ụ kụkụ kà a ka ịsị e zé wu nịnị eyi kẹnẹ, ụ waa mẹ nị. Ama sì ịrẹyị ẹngụ nịnị, dị waa zị ẹngụ ụtụ nịnị!

1 Anịkọrịntị 13:5

Ọza ene sì ịrẹyị ọza, ọ mā mẹ̀ ebira ẹnẹ ẹ̀ yị vọrọ, o mē re sì ọyịza yị ẹngụ anị ịnya kẹnẹ, ọ mā hụra kụ́ ayị, ọ mā rẹ sị ịrẹyị ọza tụ́ ịnị ịnẹ.

1 Anịkọrịntị 12:26

Ọchẹngụ ọnya àaa rị ụya, avaba ana vọ e ree beri ọọ rị ụya nị. Àa sị ụbanyị yị ọnya, avaba ana vọ ee pee jẹ nị.

Anigaratiya 6:2

Wee pe ẹngụụ za ẹnya ẹngụ nịnị! Wàa vavọọ aa mẹ nịnị, waa saasa ọda Ijeesu nịnị avọọ nị.

Iwe Ọhụhị Imosiisi ana aa hị́ Ọyịvatụrọda 3:20

Isoja ẹnịnị vaa saasa Anisirẹrị ana vọ pooro dị ẹnịnị ẹ dọ avaba ẹtẹ ọnị Ẹnẹyịmavara ana vị Ohomorihi ẹnịnị àa sị yị wa akẹnẹ irehu Ijodani eyi ọsa. Ịrẹsụ ọzọza ọ sị ẹtẹ nyị, dị isoja ọzọza vavẹ ịnị ẹtẹ anị.

Ijosuwa 1:1

 nyị ụmẹ ọnya aanị, ịnị ụmẹ ọnọọ Imosiisi ana vị ozi ahụ Ẹnẹyịmavara ó wusu.  nyị ọnọrụ ọnya aanị ana vị ọnọgụvọ anị ana aā hị́ Ijosuwa. Ịrẹha ada anị ọ rị Inuni nị. Ẹkụhị ọnya Ẹnẹyịmavara ô pe e kà ịrẹyị.

Ijosuwa 1:14

Ọ kà Imosiisi ọ́ kà a ka ose ẹnịnị ẹnịrị ezi beri ogu ẹnịnị ẹ va yà ịnị ẹtẹ ọnị ọnị Imosiisi sị yị wa tụ́ akẹnẹ Ijodani oze ọnị ọyịị̄ zị hụrẹ vẹ. Dị Ijosuwa ka ama ẹnị ana vọ ne beri isoja nịnị ẹ̀ kụ ẹnya ịrẹkụ obobooro, dị ẹ jịnẹ nọ akẹnẹ ọsa anka isoja nịnị aa nọ ịrẹkụ avọọ. Ọ kà ẹ̀ yà ọvịdị anda ẹnịnị ana vọ dị ẹ̀ gụ wa ụvọ,

Ijosuwa 1:16

Dị aza ẹnẹẹ tụ́ Ijosuwa ohi dị ẹ ka avaba ịsị Ijosuwa ọ̀ọ kị kà yị ẹnị kẹnẹ, ẹnị vaa mẹ̀ ẹ, aha tụra aha ọnị ọ̀ọ tụ̀ ẹnị nọ, ẹnị aa na.

Iwe Ọhụhị Imosiisi ana aa hị́ Ọyịvatụrọda 3:18

Imosiisi me re jị uwe ẹtẹ ọnọọ ta, dị ộ ka yị evere Irubẹnị ọnịrị Igadi ne beri achẹva Ịmanasẹ ka: Ẹnẹyịmavara ana vị Ohomorihi ẹnịnị ộ raa sị ẹtẹ ọnọnị yị wa. Avaba Isoja ẹnịnị e tenyi ẹngụ zi ịrẹkụ ẹnịnị ẹ jịnẹ irehu Ijodani, Isoja nịnị e hi ọvịdị.

Iwe Ọhụhị Imosiisi ana aa hị́ Ọyịvatụrọda 9:1

“Imosiisi kà Anisirẹrị nịnị e batọ. E vee tu ka ẹ jịnẹ irehu Ijodani ajịnị, dị ẹ na dọ anẹkụra ene hi ịzọọ ẹtẹ ẹnịnị. Ẹkụra ẹbanyị-ẹbanyị ana jị ọvọ ọgọdọ kara ẹ vị nị. Ẹnịnị ẹ nyị ụkata ẹtẹẹtẹrẹ.

Ijosuwa 22:1

Ijosuwa ộ hị́ Ezi Irubẹnị nịnị, ezi Igadi, ọnịrị achẹva ezi Ịmanasẹ nịnị gụ,