Ijoovu 9:8 - IWE ỌNỊNỊ

⁸ Nyị ọza ana gụ ọ ụvọ gana ihinẹba ku. Ọnị ọọ̄ za oku ana jị ayị dị aa da ẹgangguu jẹẹ nị.

Ijoovu 9:8 Referans Kwoze

Ayịsaya 44:24

Ẹnẹyịmavara ana dọ wụ nịnị ha ka; ọza ana mẹ wụ nịnị tụ́ ịnị ịnẹ ọnyị awụ nịnị ka, “Ẹma vị Ẹnẹyịmavara ana ma avaba ịsa nị. Ẹmị ịnyara ọ mẹ ẹbẹẹba ịzị ọ gana na za nị. Ẹmị ọnọọ ọ rẹ mẹ ẹhẹ ịzị ọ gana na za nị.

Ayịsaya 40:22

Ohomorihi ana mẹ̀ ẹhẹ ộ yaatẹ ịrẹsụ ude ohinọyị anị ẹbẹẹba ẹteesu ọnịrị eguhi. Ẹyị aza ana ya ịrẹsụ ẹtẹ vi ene weyi anka ihine avọọ. Ọnị ọ́ gana eguhi anka ịta anaā sịị jị oze avọọ nị. Ọ gana a anka ajẹngụ ana aā ra ịnị anị avọọ nị.

Ịzakaraya 12:1

Ọsọnị ọ vị ụtụ ọnị Ẹnẹyịmavara tụ́ hi Anisirẹrị nịnị. Ẹnẹyịmavara ana gana eguhi ku ẹbẹẹba, dị ộ mè ẹtẹ, dị ọ sị ụhwẹ ka ọ sị ra kà,

Ijoovu 37:18

Wáá nyẹngụ tana eguhi ẹbẹẹba, anka Ohomorihi mẹ̀ mẹ, dị ụ wa mẹ̀ ẹ katẹngụ anka enyusẹ?

Ijeremaya 10:11

Kà ẹ yị wa nịnị ka, ori ẹnẹnị, ẹ yị vị ẹnị ọ mẹ ẹbẹẹba ọnịrị ẹhẹ ọnọnị. Ẹnịnị vị ene e vee vú ẹtẹ hụụnị ẹhẹ. Ọza, e me vene re wa ịnị ẹhẹ.

Ahẹ Ụgama 33:6

Irenu kẹnẹ ọ sị ka ịrẹyị dị ọ sị mẹ ẹbẹẹba ọnọnị. Ọ mẹ̀ tụ́ ụhwẹ hụụnị irenu, dị ọ sị mẹ avaba ịsị e hi ịnị anị nị.

Ịjọọnụ 6:19

Ezirẹma Ijeesu ệ họ̀ ẹpa, ẹ́ zị ụsẹ ẹhụụ ịmẹẹrị ẹẹta na ngụ ẹhụụ ẹẹna avọọ, di e vene re ka Ijeesu aa zị ụsẹ ị́rẹsụ enyi, dị aa ká ẹpa ẹnịnị vẹ nị. Angwa ô hí wa ẹtẹẹtẹrẹ.

Ayịsaya 42:5

Ohomorihi ộ mẹ avaba ịsa ene hi ẹbẹẹba, dị ọ gana wa nị. Ọnị ộ mẹ̀ ẹhẹ ọnịrị avaba ịsa ene hi ịnị anị nị. Ọnị ộ mẹ̀ ka aza ene hi ịnị ẹhẹ ẹ̀ yara, dị ẹẹ tụ́ ụhwẹ nị. Ẹnẹyịmavara, Ohomorihi ọ kà a yị ozi ahụ anị ọyaanị ka;

Ijoovu 38:16

Ẹnẹyịmavara kà Ijoovu ọ́ọ́ zị ụsẹ ini eteesu ana ya iruvo oku da?

Ijoovu 38:11

Dị ộ ka yị oku ịzị ẹ vị ẹhị ọnị ọ zụ tu jẹẹ nị. Ẹhụ ẹhị ọnọọ ẹganggu zị tu jẹẹ nị.

Ahẹ Ụgama 77:19

Wâ zị oze ini òkū, ana aa dà vụụ-vụụ dị ụ vavọọ há a na para hu nị, ama ọza o yi re ịpa ahụ awụ.

Oyinyima 1:1

Ịjị Ohomorihi nyima aa tụ́ ẹhẹ ộ tụ́ ẹbẹẹba ọnịrị ẹtẹ.

Ijoovu 26:7

Ohomorihi vị ana gana ihinẹba ku oze eyi ẹbẹẹba, Ẹ́ yị nyị ịsị ọ sị ẹhẹ gẹ ịnị anị.

Ijoovu 26:13

Ọ̀ọ tụ ụhwẹ kẹnẹ dị avaba ẹtẹ hweyi ịnị ihinẹba; ụvọ anị ọ̀ sị wụ̀ ẹ́wụ́ ene e zwe nị.

Ayịsaya 51:13

Ayị ô hi wa ka Ẹnẹyịmavara ana tụ wa, ộ gana ẹbẹẹba ku tụ ịzị ọ ya, dị ọ sị eteesu hi ẹtẹ nị. E yee hí angwa agụvị ka aza ana mẹ ẹvaya yị wa aa kụ ayị ka ẹnị a wụ̀ wa. Ịzị aza ẹnẹẹ hi booro aanị?

Ijeremaya 10:12

Ama Ohomorihi ọ sị ụkata anị tụ ẹhẹ ọnọnị nị. Ọnị ọ sị ịrẹyọyẹ anị nyima ẹhẹ ọnọnị nị. Ịrẹyọyẹ anị ọ sị tana ẹbẹẹba nị.

Ijeremaya 51:15

Ẹnẹyịmavara ọ sị ụkata anị mẹ ẹhẹ ọnọnị nị. Ịrẹyọyẹ anị ọ sị mẹ avaba ịsị e hi ẹhẹ, dị ọ́ gana ẹbẹẹba nị.

1 Ịtọpa 16:26

Avaba ori anẹhẹ nịnị vị ọchị kẹnẹ ana a bẹ, ama Ẹnẹyịmavara ọ mẹ ẹbẹẹba nị.