Ijoovu 8:6 - IWE ỌNỊNỊ

⁶ Òo nyima aa mẹ ịzẹyịza, Ohomorihi Ochẹtẹẹngụ vaa gụ ọ ụvọ dị ọ vaa avaba ịsị ẹ jị ọ ha aanị ịrẹma yọ.

Ijoovu 8:6 Referans Kwoze

Ayịsaya 51:9

Anisirẹrị nịnị ka Ẹnẹyịmavara ọ kwẹẹtẹ ọ gụ ẹnịnị ụvọ! Ọ sị ụkata dọ ẹnị ha anka ọ mẹ kwẹẹtẹ tu ọnịvị ẹnịnị ịnị ụmẹ ịyẹẹyẹ. Ọnị ộ gara Anijipiti, uye odivi ana aā hị́ Ịrahabị nị.

Ayịsaya 3:10

Kà a ka vi o vee zee yi ọza ana aa mẹ̀ ebira ana vọrọ nị, agụvị ka ẹ vaa rị ọgụ ebira ẹnẹ ẹ̀ẹ mẹ.

Ụhịrẹyị 15:8

Ẹnẹyịmavara ọ nyị ịhyẹrẹ ịsọvọ ọza ọhịmị ama ọọ̄ wụ́ aduwa ọza ọyịza.

Ijoovu 5:24

Ụ vaa yẹ ka irehi awụ ọ nyị ẹngwọọrọ. Wèe re ịsụpa awụ, ẹnịnị ẹ yị vaa jị ha.

Ahẹ Ụgama 7:6

Ẹnẹyịmavara, navọ wa jị ayị kwẹẹtẹ tù ọnịvị ana aa kụ ayị amị. Ohomorihi amị, navọ wa kwẹẹtẹ dị wa mẹ ka ịzẹyịza ịrẹyị ọ̀ tụ́ ẹhẹ.

Ijoovu 16:17

Ama ọnị ẹ yị mẹ̀ ebira odivi ọnyọọnyị. Ayị ọnyara ọnị a sị mẹ̀ aduwa hi Ohomorihi.

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

Ayịsaya 1:15

Wàa kụkụ kụ́ ụvọ hi ẹba dị waa mẹ̀ aduwa nịnị nị, di mi jesi eyi kwooze. Òo zee e eyi wa mẹ̀ aduwa nịnị pooro, me yi vee tụ́ ohi, agụvị ka wa sị aza wụ̀ ha baaba.

Ahẹ Ụgama 44:23

Ẹnẹyịmavara, vị waa sụ ara nịị? Navọ wa kwẹẹtẹ kwogwo 2 Navọ asị ụ maanị hi ayị pooro dê!

Ijoovu 1:8

Dị Ẹnẹyịmavara họ̀ ọ use ka o meme re Ijoovu kẹ? Ijoovu vị ọnịrẹyịzẹyịza ana nyị angwahi anị. Ọ yị mā mẹ̀ ebira odivi.

Ijoovu 34:28

Ẹnịnị ệ sị ụkata-ụkata za onosiye ka ẹ nowu na za Ohomorihi, dị ọ wụ́ owu ẹnịnị nị.

Ụhịrẹyị 3:33

Ozirenu Ẹnẹyịmavara va ya ịrẹsụ ovwoovu ọza odivi ama ọọ̄ mẹ̀ ka o zee yị ọza ana mẹ̀ ọyịza nị.

Ijoovu 11:14

Dị ọ̀ va hụụnị ebira odivi anị, dị asị ọ zẹ ka aza ene hi ini eehi anị ẹẹ mẹ̀ ebira odivi.

Ahẹ Ụgama 18:25

Ọza aa mẹ ịzẹyịza, di Ohomorihi ọnị raa sị ịzẹyịzaa pè e mẹ Ọza ẹnẹ ẹ̀ yị mā mẹ akụvị, wẹ yị vaa sị ebira akụvị kanyị ọ.