Ijoovu 8:3 - IWE ỌNỊNỊ

³ Ohomorihi Ochẹtẹẹngụ ọ mā mẹ irikiti.

Ijoovu 8:3 Referans Kwoze

2 Ịtọpa 19:7

Avọọ ẹnịnị ee hí angwa Ẹnẹyịmavara, di e si eyi pe ẹtẹ. Ẹnẹyịmavara e yi si irikiti, a vị dị ọza ọ dọ ochirerenu.

Iwe Ọhụhị Imosiisi ana aa hị́ Ọyịvatụrọda 32:4

Ẹnẹyịmavara aa sị ụkata anị dọ ọnị tụ nị. Avaba oze ọnị ọ zị mẹ ịrẹyị anị vana gụ dị ọ vọrọ. Ọnịzẹyịza ene mee cheeche ọ̀ vị nị.

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

Ịdanịyẹrị 9:14

Avọọ Ẹnẹyịmavara tenyi ẹngụ dị ọ sị ụya rị ẹnị nị, ka Ẹnẹyịmavara ana vị Ohomorihi ẹnịnị vị anaā mẹ̀ ịsa ana vọrọ ọnịrị ka ẹnị ẹ yị saasa ịrẹyị anị.

Ẹtore 16:7

Dị mị rẹ wụ́ ọngwẹ ọsa hụụnị ụta ọnọọ vẹ, dị ọ tụ́ ohi ka, “Ohomorihi Ananyị yị Ochẹtẹngụ, ịzẹyịza ụ waa sịị mẹ̀ ọkarẹyị nị, ẹ yị nyị ireche ịnị anị.”

Ẹtore 15:3

Dị ẹyaa jị ahẹ Imosiisi, ozi ahụ Ohomorihi, ọnịrị ahẹ Ozi Atẹmẹ ọnọọ, dị ẹ ka: Ananyị yị, Ohomorihi Ochẹtẹngụ, ụkọrọ awụ ộ banyị, di o re hí ọza irenu nị. Ẹwa vị ohinọyị anẹhẹ nị, oze awụ vị ịzẹyịza, ẹ yị nyị ireche ịnị anị.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

Ezikẹẹrị 33:20

Ama ẹwụ nịnị Anisirẹrị ka ịsị ọnị mẹ ẹ́ yị vọrọ. Ọnị vaa sị ụyaa rị ọza-ịnya-ọza-ịnyara awụ nịnị anka ịsị ụ mẹ nịnị.

Ezikẹẹrị 33:17

Ẹwụ nịnị aa kà a ka ịsị ọnị Ẹnẹyịmavara aa mẹ ẹ́ yị vọrọ. Eyiye de, ẹwụ nịnị ọ vanaa mẹ̀ ịsa ẹnẹ ẹ̀ yị vọrọ nị.

Ezikẹẹrị 18:25

Ama ẹwụ nịnị ka, ịsị Ananyị yị aa mẹ aanị ẹ́ yị vọrọ. Ẹnẹyịmavara kà avaba ẹwụ nịnị Anisirẹrị ẹ̀ sị ụtọ pe ẹtẹ. Vi wéé ro nịnị ka oze ọnị ọnị zịị mẹ ịrẹyị ẹ́ yị vọrọ nị? Ẹwụ nịnị aa mẹ ịsị ẹnẹ ẹ̀ yị vọrọ nị.

Ahẹ Ụgama 99:4

Ohomorihi ohinọyị vị ana nyị ụkata, oō sì ka asị a mẹ apẹ. Ọ raà sị ịzẹyịza hi ẹtẹ ini Isirẹrị, ịsa ana vọrọọ mẹ nị.

Ahẹ Ụgama 89:14

Ịsa ana vọrọ ọnịrị ịzẹyịza ụ jẹẹ ịrẹsụ anị aa mẹ ohinọyị nị. Ọza vị oni ụụ̄ sì ịrẹyị anị, wẹ mā mẹ ọza apẹ.

Ijoovu 40:8

Ijoovu wáá vị ana kụ ịzẹyịza anị ha nị? Ọ́ọ́ vị anaa jị ịvị yị ọnị dị ọ sị ịhị rị nị?

Ijoovu 40:2

vị́ Ijoovu wáá hị́ Ochẹtẹẹngụ ịrẹkụ tu ẹngụ anị, di e si ohuvọ ana a tụ ọnị nị? Ọ̀ọ ka ọnị ee pe Ohomorihi nyị ahankata o tụ ohi kẹ?

Ijoovu 35:13

Ịzẹyịza, Ohomorihi ẹ́ ma wụ orere kẹnẹ-kẹnẹ, Ohomorihi Ochẹtẹẹngụ.

Ijoovu 34:5

Ijoovu kà ọnị ẹ yị rị ịvị ka Ohomorihi yi kẹnẹ dị ẹ yị hụrẹ ọnị ụvọ nị.

Ijoovu 21:20

Navọ wa ẹnị ụvọta ẹ rị ụya, dị ẹ yẹ Ohomorihi Ochẹtẹẹngụ mẹẹ kụ ayị hi ọza.

Ijoovu 21:15

E ro ka ẹ yị nyị ọgụ ana ya ịnị ka ọza ọ hẹkẹ Ohomorihi, dị ọọ mẹ̀ aduwa bẹẹ.

Ijoovu 19:7

Mâ jị òrèrè ka ịsị aa mẹ mị aanị ẹ yị vọrọ, me yi re ọza tu mi ohi. Mâ hị́ aza ka ẹ̀ va gụ mị ụvọ, ẹ yị nyị ọza ana sị ịzẹyịza tu mi ohi.

Ijoovu 10:3

Sị ẹ vị ayohine anị ka oo du ọza ọnị ọ sị ụvọta anị mè? Ayị anị wéé vi ene hine ka aza edivi aa ka tụ ọvịdị nị?

Ijoovu 9:2

avaba ịrẹyị ọnị Ibiridadi kà vị ịzẹyịza. Ẹ yị nyị ọzarẹyịrẹsụ ana zụ rị ịhị ọvịdị Ohomorihi.

Ijoovu 4:17

Dị ọngwẹ ka, “Áá nyị ọza ana zụ rị ịhị ọvịdị Ohomorihi ana tụ ọ vẹ ẹhẹ?”

Ijoovu 36:3

Ọnị vaa sị ịsa ọnị ọnị yẹ hụrẹ aha ene noze dị ọnị ọ sị zụ Ijoovu ka Ohomorihi ana mẹ̀ ẹyị ọza vị ọnịrẹyịzẹyịza.

Ijoovu 36:23

Ẹnẹ nyẹngụ zụ ọ oze ana vọrọ ka ọ zị? Ẹnẹ zụ kà a yọ ka ô mẹ̀ akụvị.

Ijoovu 37:23

Ochẹtẹẹngụ ộ nyị ụkata ẹnẹmẹhị ana ahịka yẹ yị hyakụ zụ ka pe e. Oze ana vọrọ ọnịrị ịzẹyịza ọ sịị mẹ ebiraa hi yi nị.

Ijoovu 19:6

yẹ ka Ohomorihi ọ maanị mẹ mị nị. Ọnị ọ và ịrẹpa dị ọ sị za mị nị.