Ijoovu 7:1 - IWE ỌNỊNỊ

¹ Ẹhẹ ọnị ọza vẹ ịnị anị vị ẹhẹ akanya. Ịrẹvụrẹkụ yọ pooro nị. Ọ sị mẹẹ anka ọza anaa dọ ụkọrọ avọọ nị.

Ijoovu 7:1 Referans Kwoze

Ahẹ Ụgama 39:4

Ẹnẹyịmavara, navọ wa sị ọzarẹyịrẹsụ ẹhẹ amị zụ̀ mị Navọ ma yẹ òkèékéré ẹhẹ amị kà a mị ịhị ẹhẹ amị aa ta.

Ijoovu 5:7

Ẹ́ yị nyị ọza ọnị akanya èe mē tù. Ọọ̄ vẹ anka akịna meē che vaa hịrẹ avọọ nị.

Ayịsaya 40:2

Sị ụmẹnụmẹnẹ kà ịrẹyị yị Anijerusarẹmị. Kà yị wa ka ẹkụhị ayodu ẹnịnị ọ sị parahu, Ẹnẹyịmavara kà ọnị ọ raà vagu wa ịnị ịvị ẹnịnị. Ẹnịnị ẹ raà rị ụya ana ngụ ajẹ agụvị ebira odivi ẹnịnị.”

Ayịsaya 21:16

Ananyị yị ộ kà a mị, ọ ka pooro dị ọ̀ naa mẹ ịrayị ọnya, anka ọnụkọrọ mẹ̀ẹ za ịrayị ịrịka, avaba ụbanyị Anikeda vaa ta.

Ịrẹyị Ọzwọzịsa 8:8

Ẹ yị nyị ọza ana zụ za ụhwẹ anị jẹẹ isu ọọ vẹ, dị ẹ̀ yị rẹ nyị ọza ana zụ vara ẹkụhị isu anị nị. Ịrẹkụ ọnị ọza ọnyọọnyị ẹ yị zụ ha hụụnị anị ọ vị ọnọọ nị. Ebira odivi ọnị ọza aa mẹ̀ ẹ yị zụ dọ ọ ha isu ọọ vẹ.

Iwe Ọhụhị Imosiisi ana aa hị́ Ọyịvatụrọda 15:18

Asị ọza re ẹngụkata ụmẹ ọnị aa sị hụrẹ ọrịhị anị ụvọ agụvị ka ọ raà mẹ̀ ụkọrọ ene huna ọnịbaro yọ ịrayị ịhịnọnyị. Ẹnẹyịmavara Ohomorihi vaa mẹ̀ ka o zee yọ ịnị ịsa tụra ịsa ana aa mẹ̀ nị.

Ireevi 25:50

Anisirẹrị ọnọnị ọnịrị ọza ana hị́ ọ vaa geyi, dị ẹ za ịrayị ịrịka hụrị ịrayị ọnị ọ́ sị ná ẹngụ anịị yị ọ na ngụ ịrayị ọnị ọ́ sị ná ẹngụ anịị yị ọ na ngụ ịrayị ana a vana sịị và ịsa ịrẹmaa yị aza ana nyị. O vee sí ụta ọpa ịrayị ana vọ, dị ịrayị ana a sịị và ịsa ịrẹmaa yọ tù. Ọpa ụta ene eē si ọza ana á dọ ụkọrọ a vaa sị jị irihi ụta ọnị Anisirẹrị ọnọọ vee sí nị.

Ayịsaya 38:5

Ọ kà ọ na ka yị Ihezekaya ka, Ẹnẹyịmavara Ohomorihi ada anị Idevidi ka ọnị ọ raà wụ́ aduwa anị, di oni reè re orere anị nị. Ọnị vaa da ịrayị ẹwụrẹhị tụ́ ịnị ẹhẹ anị yọ.

Ijoovu 7:2

Ọ sị mẹẹ anka ọnụkọrọ ene zi ụmẹ ana na tụ́ ụhwọ́, a vị ụmẹ ana a dọ ẹkẹhị anị avọọ nị.

Ijoovu 10:17

Ẹ yị nyị ụmẹ ọnị Ẹnẹyịmavara e yi me re odivi anị ka. Ọ nyayịnẹ aa sị ọyịkụ-ọyịkụ sị ụya rị ọnị nị.

Ijoovu 14:1

Ẹhẹ ọnị ọza vẹ ẹ yị nyị ọ ya, dị ọ rẹ vị ọnịrị akanya-akanya kẹnẹ nị.

Ayịsaya 16:14

Ẹnẹyịmavara rẹ ka ịnị ịrayị ẹẹta tụ́ ọ, avaba ogu Animowabi vaa ta. Aza chẹkẹẹ aanị ọ vaa vẹtẹ ịnị aza otomiroku ene hi ịzọọ nị. Ọkụmị-ọkụmị aza ana vọ vaa vị bẹẹ nị.