Ijoovu 6:4 - IWE ỌNỊNỊ

⁴ Ohomorihi Ochẹtẹẹngụ o reè che ọnị ọpa na za ọzị. Ẹchịpa anị ọ raà ha hịrẹ ọnị ẹngụ. Ohomorihi o reè tenyi ẹngụ ka ọnị ọ ka ọnị enyi ụya. Ayị vị ana nyayịnẹ aa hụrẹ ọnị ịnẹ.

Ijoovu 6:4 Referans Kwoze

Ahẹ Ụgama 38:2

Wéē re ka u mè che mị ọpa, ọ na sị hụrẹ hi Vị ụ nyayịnẹ tana ụvọ za mị ẹtẹẹtẹrẹ nị.

Ijoovu 30:15

Ijoovu ka angwa e hi ọnị booro aanị, avaba ụbanyị anị ọ ta anka ahị avọọ. Avaba ogu anị ộ ta anka ahị mẹẹ̄ kụ eguhi avọọ.

Ụhịrẹyị 18:14

Ẹngụ aa zị ọza dị ọ sị tụ́ ọtụtụrụma nị, e yi vee su ama ọza ana ka ọnị ọ rẹ zụ, ọnị òo horo yị nị.

Ahẹ Ụgama 143:7

Ẹnẹyịmavara, navọ we juntu tụ́ mi ohi, ka eyi awụ ộ tụra mị pooro, o kú du mị eyi. Navọ asị ụ sị ẹngụ awụ tẹ yị mị ka à yị vị avọọ m me wusu.

Ịmaakị 15:34

Ịnị ụmẹ agogo ẹẹta, dị Ijeesu nowu tụ́ ẹba, dị ọ ka, “Ohomorihi amị, Ohomorihi amị, sị ẹ vẹ dị ụ sị ayị hụụnị ịrẹyị amị?”

Ijoovu 9:17

Ijoovu ka Ohomorihi jị ayị ee wure ọnị kẹnẹ-kẹnẹ aanị nị.

2 Anịkọrịntị 5:11

Ya sị yẹ, a mẹmẹẹ̄ nyị angwahi Ananyị yị. Agụvị avọọ ị yaa da ịpẹẹ yị aza ka ẹ̀ va saasa a nị. Ohomorihi ộ yẹ yị ẹtẹẹtẹrẹ. Mee ro ka ẹwụ nịnị ọ rẹ yẹ yị ini ivehu awụ nịnị.

Ahẹ Ụgama 45:5

Ọpa awụ ệ rẹ huye-huye Ọnị ụ ve sii che anẹkụra ana vị ọnịvị awụ dị ẹ hyẹdụ và hi ẹtẹ nị.

Ahẹ Ụgama 21:12

Ịjị wèe ne wa ọpa ẹnịnị vaa va ịrẹma tụ́, di e yee zwe.

Ahẹ Ụgama 18:14

Ịjị o ne ọpa anị, dị ịnyanya rị vee-vee ọ kụ́ ọnịvị anị gara hi, ẹnịnị ệ và tụ́ echi.

Ahẹ Ụgama 7:13

Ọ raà kụ́ ẹnya ịrẹkụ anị ana zụ wụ̀ ọza; ọpa anị vị ọnị ọ nyayịnẹ kụ́ eyi.

Ijoovu 31:23

Mẹ yị nyayịnẹ vavọọ mẹ̀ ebira, agụvị ka angwa ọkarẹyị Ohomorihi ee hí mi.

Ijoovu 21:20

Navọ wa ẹnị ụvọta ẹ rị ụya, dị ẹ yẹ Ohomorihi Ochẹtẹẹngụ mẹẹ kụ ayị hi ọza.

Iwe Ọhụhị Imosiisi ana aa hị́ Ọyịvatụrọda 32:42

Ọpa anị vee hú anyị ọnịvị anị, dị ụhwọ anị vaa wụ̀ avaba aza ana va eyi ịrazị ka ọnị. Ẹ yị nyị ọza ana va eyi ịrazị ka ọnị ana vaa ha Ọnị vee vu aza ana tọ̀ ụnava ọnịrị anịnẹngwa nịnị ẹtẹ.

Iruutu 1:20

Di Inawomi tụ́ wa ohi dị ọ ka, “Asị ụ rẹ kụkụ hị́ mị́ Inawomi nịnị. Waā hị́ mị Ọnyịrẹyị agụvị ka Ohomorihi Ochẹtẹẹngụ ọ raà mẹ ẹhẹ amị nyịrẹyị.

Ijoovu 20:16

Ịsa aza edivi rị sị mẹẹ anka ọza o hu ẹchịpa avọọ nị. Ẹchịpa ọnọọ a wụ̀ wa anka ẹwụ ana hị́ ibe o rere mẹ ọza avọọ nị.

Ijoovu 34:6

Ọ kà a ẹ yị nyị ịsị ọnị mẹ̀ dị aa hị́ ọnị onireche. A raà tọ̀ ọnị ụnava divi-divi ama ọnị ẹ yị rị ịvị.

Ayịsaya 28:19

Avọọ ịrẹyị odivi mè vee tù wu ẹnẹnẹ-ẹnẹnẹ ọnịrị oruva-oruva nị. Ịrẹyị ọnọọ vị ana vaa rị wụ. Wàa yẹ iruvo ụtụ oni Ohomorihi tụ́ hi wu, ẹgahị vị ana vaa ngụ wụ ẹngụ.

Arụwẹ 2:4

Ộ sị ọpa gẹ ọ́za anka ọnịvị ọza avọọ, dị ộ wụ̀ avaba aza ọnị ị sị eyi ka nị. Ộ raa sị ọyịkụ pa ịva yị ẹnị ẹtẹẹtẹrẹ.

Ijoovu 7:20

Màa mẹ ịvị, m máá sị zama wụ nị, ẹwụ ana kụ eyi pe aza? Sị ẹ vẹ di u wee bè mi? Sị ẹ vẹ dị mị sị vara ẹnya ọrata yị wụ?

Ijoovu 16:9

Ohomorihi vi ana sị eyi ayamụkụ re ọnị. Ộ sị ọyịkụ-ọyịkụ gara ọnị chẹkẹ va ha nị.

Ijoovu 19:12

Isoja anị ệ sị ụkata-ụkata vẹ. Ẹnịnị ệ chị́ ụsị kara irehi amị, dị ẹ tẹ̀ hi ịnị anị nị.

Ahẹ Ụgama 38:3

Ụ mẹ̀ kụ́ ayị hi mi, avaba ẹngụ vị ana kụkụ aa zị mị Ebira odivi ọnị mị mẹ vị ana mẹ ka avaba ẹngụ amị bemi ọ̀ọ zị mị.

Ụhịrẹyị 14:10

Ọzọza ọ yẹ enee re nị, ọ vị ọyịza ọ vị odivi ẹ yị nyị ọza anaa gụ ọ ụvọ ẹnya anị.

Arụwẹ 3:3

Ộ tana ụvọ za ọnị ẹtẹẹtẹrẹ, dị ee tụ́ ọnị pooro kẹnẹ nị.