Ijoovu 5:8 - IWE ỌNỊNỊ

⁸ Erihwazi ka ọnị ọ̀ọ vị Ijoovu, ọnị aa ka Ohomorihi na, dị ọnị sị ịrẹyị anị chire Ohomorihi ụvọ nị.

Ijoovu 5:8 Referans Kwoze

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ijoovu 22:21

Erihwazi ka Ijoovu ọ dọ beri Ohomorihi dị ọ nyị ẹngwọọrọ, di o zee yọ.

Ahẹ Ụgama 37:5

Sị avaba ẹhẹ awụ chire Ẹnẹyịmavara ụvọ dị wa sị ayị tụra a ka ọ vaa mẹ ọgụvọ.

1Ipita 4:19

Agụvị avọọ aza ana aa rị ụya agụvị ka Ohomorihi ọ́ọ vavọọ sì ọ, ẹ̀yịị mẹ ọyịza, dị ẹ̀ sị ẹngụ ẹnịnị chire Ohomorihi ụvọ! Ohomorihi ana tụ́ wa vẹ ẹhẹ vị ọnịzẹyịza.

2 Itimoti 1:12

Agụvị avọọ m maanị aa rị ụya aanị nị. Ama ụhị ẹ yị hụ agụvị avọọ nyị mị, agụvị ka mâ yẹ ọza ọnị mị sị ayị tụra. Mâ yẹ kaakara ka ịsị o si chire mị ụvọ, o zụ si eyi pee pooro ne tù ẹkụhị ọkarẹyị.

Ijoovu 22:27

Ọ̀ọ mẹ̀ aduwa, Ohomorihi vaa sị ohi yị wụ, ụ vaa zụ́ sị ụvọ za avaba ịsa ọnị ụ wo oto anị.

1Ipita 2:23

Aza mẹ̀ kụ̀ ọ́ ụhụ ẹ́ yị và ụhụ yị wa. Aza mẹ̀ raa sị ụyaa rị ọ, ô yi wo hi wa, ama ô si chire Ohomorihi ụvọ, anaā sịị ịzẹyịzaa mẹ̀ ọkarẹyị.

Ijoovu 8:5

Avọọ Ijoovu o ro ịnẹ dị pà ẹvagu hụụnị ụvọ Ohomorihi Ochẹtẹẹngụ yị wa.

Ijoovu 13:2

Ọnị ộ yẹ avaba ịsị ẹnịnị yẹ. Ẹ́ yị nyị ịsị ẹ sị huna ọnị.

Ijoovu 13:3

Ama Ohomorihi Ochẹtẹẹngụ ọnị ee si ka ọnị ọ̀ kà ịrẹyị ẹngụ anị zụ nị.

Ijoovu 11:13

Dị Izohwa ka Ijoovu o ro ịnẹ dị ọ da ịpẹ yị Ohomorihi.

Ijeremaya 11:20

Dị Ijeremaya ka, ẹwụ Ẹnẹyịmavara Ochẹtẹẹngụ, ẹwụ aa mẹ̀ ọkarẹyị ọ mẹ vọrọ nị. Ẹwụ zama ayị ọza ọnịrị ivehu ọzaa re nị. Ọ̀ na ọ̀ họ̀ oponu ịrẹyị anị ịrẹsụ aza ẹnẹnị dị ọnị ò ree, Ẹnẹyịmavara ọnị sị ịrẹyị anị chire ụvọ nị o.