Ijoovu 5:13 - IWE ỌNỊNỊ

¹³ Ọnị ọọ̄ za aza ana da ọbọ ene ro ka eyi ẹnịnị e hweyi, dị ọ kụ wa uruvo hi ẹhẹ.

Ijoovu 5:13 Referans Kwoze

1 Anịkọrịntị 3:19

Ịsị anẹhẹ aa hị́ ịrẹyọyẹ vị ụra ini eyi Ohomorihi. Áa vịdị chẹrẹẹ tụ́ ini Iwe Ohomorihi ka, “Ohomorihi ọ raà za ọyẹrẹyị nịnị ini irikichi ẹnịnị.”

Iruuku 1:51

Ộ sị ụvọ anị mẹ̀ ụkọrọ ẹbanyị-ẹbanyị, dị ọ gara aza ana aa sị ẹngụụ tụ́ ẹbaa ha nị, ọnịrị avaba ariro ẹnịnị.

Ahẹ Ụgama 18:26

Ọza ana àa nyị ayị ọnya, dị waa sị ayị ọnyaa pè e mẹ Ọza aa mẹ irikichi, irikichi ọnọọ ẹwụ re sii pè e mẹ nị.

Ẹsịta 9:25

Ama ịjị Ẹsịta va ha ohinọyị eyi tu ebira odivi Ịhamanị, dị ohinọyị mẹ̀ ọda ana a chẹrẹ ka ịsị odivi oni o ro tụra Aniju ọ̀ vẹ ịrẹsụ anị nị. Di e zu Ịhamanị ọnịrị ezi anị gẹ ọchị nị.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

2 Ịsamụwẹrị 15:31

A va sị ọ kà yi Idevidi ka Ahitohwẹrị yà ịnị aza ọnị ọnịrị Abịsarọmị kụ́ ịrẹkụ tù Idevidi. Di Idevidi mẹ̀ aduwa dị ọ ka, “Ẹnẹyịmavara, aarịhịnị navọ avaba ẹnya ana Ahitohwẹrị jị aanị ọ̀ vara ịrẹyị kẹnẹ-kẹnẹ.”

Ụhịrẹyị 3:32

Ẹnẹyịmavara ọ nyị ịhyẹrẹ ọza ana mẹ̀ ebira odivi, ama ọọ̄ sị ayị tụra ọnịrẹyịzẹyịza.

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ịsamụwẹrị 15:34

Ama wàa vana và nọ ịnị ẹkụra ọnị ọ gụ hụ nị. Wèe tù ịzọọ dị ụ kà a yị Abịsarọmị ka, ‘taarụ, maa yà ahụ awụ.’ Kà a ka ozi ahụ ada amị ụ vịdị vị ịyẹẹyẹ nị, ka u ree sì ka wa rẹ vị ozi ahụ ọnị Abịsarọmị. Wàa vavọọ mẹ, u ve zuu du iwe ana Ahitohwẹrị ee pè e jị.

Ijoovu 15:5

Ịrẹyị irenu anị aa sị ebira odivi anị zụ. Vị a sẹ̀ ịrẹkarenu da ọbọ dọ ẹngụ anị tụ kẹnẹ nị.

Ijoovu 37:24

Agụvị avọọ avaba ọzaā hị́ angwa anị nị. Aza enee vene ẹngụ ẹnịnị ka vị ẹnị yẹ ịrẹyị nị, vị oni Ohomorihi sị eyi ịyẹyẹ re.

Ijeremaya 8:8

Ọ kà, ụ mẹ mẹ zụ kà a ka waa yẹ ịrẹyị nịnị, ọnịrị ka waa yẹ ọda anị nịnị? Re, ọzwọzọda nịnị ẹ raa sị irikichi vara ọda anị.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ịrịka 22:25

Ịkẹrịkẹtẹ ọnọnị mèe re anggẹẹrị Ẹnẹyịmavara, dị ọ zị oze akaha ọnya aa hana ọvọ ka ọnị parahu, dị ộ kụ ahụ Ịbaraamị họ̀rọ ugene nị. Agụvị avọọ, dị Ịbaraamị rẹ nya a ịsa nị.

Ahẹ Ụgama 9:17

Avaba aza edivi ene hi ayị Ohomorihi vi ene vee súu vaa ha.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ayịsaya 44:25

Mâ kụ ịrẹyị onireche nịnị hi ireche, dị mị mẹ ka ịrẹyị ana aza ana ka eniī re ẹtẹ ka, ọ vị osusu nị. Mâ kụ ịrẹyị ọyẹrẹyị nịnị ha, dị mị sị zụ wa ka ụ̀rà kẹnẹ ịrẹyọyẹ ẹnịnị vị nị.”

Ijeremaya 8:9

Ọyẹrẹyị awụ nịnị vị ana a vaa mẹ̀ ụhị nyị. Ẹnịnị vee hi ịnị ayịhụrịnẹ ọnịrị ẹngụkata ọnị ẹnịnị ẹ̀ yị va zụụ tụụ hụụnị anị. Ẹ ka ẹnị ẹ yị dọ ịrẹyị Ẹnẹyịmavara; ịrẹyọyẹ ịsị ẹ va nyị booro aanị?

Ijeremaya 9:22

Ọ kà Ẹnẹyịmavara kà ọnị ọ̀ ka a ka: aza vị ene vee su vaa gwẹtẹ anka ịhyẹrẹ ịsụpa ana a na va hi ịnị aarẹ avọọ. Vị e vee hi ẹtẹ anka akụ ana jị aza anaa mẹ ịsị ịnị aarẹ ụvọ, ọnị ọza ee re ọza kụ gụ avọọ nị.

Ijeremaya 49:7

 nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?