Ijoovu 42:5 - IWE ỌNỊNỊ

⁵ Dị Ijoovu ka vị ọnị vịdị aa tana ụtọ wụ́ ịrẹyị anị nị. Ama ọnị ọ raa sị eyi anị re e booro aanị.

Ijoovu 42:5 Referans Kwoze

Aniroomi 10:17

Enube Ikirisiti ọyịkà ọọ̄ mẹ̀ ka aza ẹ̀ wụ́ ọọ nị. Ye si oo re aanị ka enube ọyịza ọyịwụ ọ rẹẹ̄ mẹ ka aza ẹ̀ sị ayị tụra Ijeesu nị.

Ịjọọnụ 12:45

Ọza ene èe re mi, ọ sị Ọza ana tụ́ mị vẹ ẹhẹ re bẹẹ.

Ịjọọnụ 12:41

Ayịsaya ộ vịdị kà ịrẹyị ẹnẹẹ, agụvị ka ô re igirima Ananyị yị, dị aa kà ịrẹyị ini oze anị nị.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ayịsaya 6:5

Di mi nowu za ẹtẹ, dị mị ka, “Ma sị dà, ịrẹyị ô tù mị. Ịsị mịị̄ si irenu amịị ka e yi zoza. Avọọ aza ẹnị ẹmịrị ra vabẹ ẹnị mẹ̀ rẹẹ kà ịrẹyị ene è yi zoza nị. Ẹmị ọnọọ ọ raà sị eyii re ohinọyị aanị nị. Ọnị ọ vị Ẹnẹyịmavara Ochẹtẹẹngụ nị.”

Ayịsaya 6:1

 nyị ẹkụhị ọnya ịnị ịrayị oni ohinọyị ana aā hị́ Uzaya sú. Di mi re Ananyị yị ka ộ yaayịtẹ ịrẹsụ ode ohinọyị nị. Ịzị ọ yà ộ nẹba dị ọ nyayịnẹ nyị ụbanyị nị. Ụtọ-ụtọ ịta anị vi ene hi avaba irehi Ohomorihi.

Ijoovu 33:16

Ọ̀ọ mẹ̀ ka ẹ wụ́ ịrẹyị anị, dị ọ̀ ka wa ọnọ ene chire wa angwa nị.

Ijoovu 4:12

Erihwazi ka ee were-were jị ahị hi ọnị ụtọ.

Ijoovu 28:22

Iswọọza ọnịrị ịsị e du ịsa ka ẹnị ệ wụ ọ akaaka ịzị ẹ zụ ya re ịrẹyọyẹ.

Ijoovu 26:14

Avaba ịsa ẹnịnị aa kiiki ịnị ụkata anị anka o rere hu ohi kẹnẹ avọọ nị. Ẹnẹ zụ yẹ ịzị Ohomorihi banyị na za.

Ijoovu 42:6

Ịrẹyị ọnị ọnị vịdị ka ộ sị vara ụhị yị ọnị. Agụvị avọọ ọnị kụ́ atịtọ ọnịrị edudu ku ẹngụ aa pa ẹvagu aanị nị.

Ihabaku 3:2

Dị ọ ka ọnị ọ wụ́ ịtọpa ịsị ẹbanyị-ẹbanyị ọnị Ẹnẹyịmavara mẹ̀ ịnị ịyẹẹyẹ, di o hi ọnị irenu nị. Dị ọ da ịpẹ ka ọ navọ ọ rẹ mẹ̀ yị ẹnị ịnị ụmẹ ẹnịnị anka ọ mẹẹ mẹ̀ ịyẹẹyẹ, dị ọ sị ụkata anị dọ ẹnịnị tụ́. Aarịhịnị ọ va hụụnị ọyịkụ anị, dị ọ vayị ẹnịnị.