Ijoovu 42:12 - IWE ỌNỊNỊ

¹² Dị Ẹnẹyịmavara mẹ ka o zee yị Ijoovu huni ộ mẹ̀ vịdị ya nị. Ijoovu ô varẹma nyị atẹmẹ ịrịka akawụ-akawụ oze ịhịmba (14,000), ịnyaakụmị ịrịka akawụ-akawụ oze ẹẹta (6,000) imaaru ịrịka akawụ (2,000) ọnịrị ịkẹrịkẹtẹ ịrịka akahị (1,000).

Ijoovu 42:12 Referans Kwoze

Ijoovu 8:7

Ogu ọnị ọ vanaa nyị o vee hụụnị ịhị ana mẹ aanị nị.

Ịrẹyị Ọzwọzịsa 7:8

Ẹzẹtẹ ịrẹyị ọ nyị ụbanyị huni oyi nyima anị nị. Avọọ usuuru ọyị nyị me zoza huni ka ọza ọọ sị ẹngụ tụ ẹba nị.

Ụhịrẹyị 10:22

Ẹnẹyịmavara ọ ga ize tu ọza, ọ mā nyị ayodu.

Oyinyima 24:35

Ẹnẹyịmavara ọ raà mẹ ka ò zee yị ọga anị ẹtẹẹtẹrẹ. Ọ kà ọga anị ọ sị vara ọzọbanyị. Ohomorihi ộ kụ́ ịsụpa mẹ̀ ẹ ẹyịza: atẹmẹ, ẹvụ ọnịrị imaaru. Ọ rẹ nyị ịnyaakụmị ọnịrị ịkẹrịkẹtẹ. Avọọ ọ mẹ̀ rẹ nyị igooru, isiriva, ezi ahụ ọnọrụ ọnịrị anẹẹ vị ọnị ọ rẹ nyinyi.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

Ahẹ Ụgama 107:38

Ohomorihi ộ mẹ̀ ka ò zee yị wa, ẹnịnị ệ rụrụ ẹtẹẹtẹrẹ. Ọ yị hyakụ zẹẹ ka ịsụpa ẹnịnị ẹ̀ jị ha.

Iwe Ọhụhị Imosiisi ana aa hị́ Ọyịvatụrọda 8:16

Ọnị ọ sị ịsọyịrị ọnị ohiku ẹnịnị ẹ yị rị dị yị wa ịnị ụnọmị nị. Ọnị ọ̀ ku ẹngụkata tu wa dị ọ sị zama wa re nị. Ọvavẹ ịrẹma vị ọnị ọ vana sị ịsa ọyịza-ọyịza yị wa.

Ijemiisi 5:11

Yâ yẹ ka ẹnịnị ệ jẹ ịrajẹ, agụvị ka ệ jẹẹ geri-geri ne tù ọdịrẹma. Wa rẹ wụ́ nịnị, Ijoovu mẹmẹ jẹẹ geri-geri ne tù ọdịrẹma. Wê re ịsị Ohomorihi Ananyị yị sì ka ọnị ọ̀ mẹ, ka ộ vayị anị ẹtẹẹtẹrẹ.

Ijoovu 1:10

Wee sere ọnịrị aza anị ne beri ogu ọnị ọ nyị. Dị ụ mẹ ka ẹhẹ anị oo zee yọ nị. Dị ọ ka Ẹnẹyịmavara ò re ogu ọnị Ijoovu nyị aanị.

Ezikẹẹrị 36:11

Ẹnẹyịmavara kà, ọnị vaa mẹ ka aza ẹnịrị ịsụpa ẹẹ rụrụ. Ẹwụ nịnị Anisirẹrị vaa rụrụụ huni ụ mẹ vịdị yà, dị ụ mà ezi va gwẹtẹ nịnị. Ọnị va navọ ka wa rá hi ịzọọ nịnị anka ịyẹẹyẹ, dị ọnị mẹ ka òo zé yị wụ nịnị hu avọọ. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.

Oyinyima 32:14

Ộ kụ́ ọnyẹvụ ịrẹka beri ịdẹ oohu, dị ọ rẹ kụ atẹmẹ ịrẹka beri ịdẹba oohu nị.

Ijoovu 1:2

Ezi anị vị ẹẹwụ, ịhịmba vị anọrụ dị ẹẹta ana vọ vị anẹẹ nị.