Ijoovu 42:11 - IWE ỌNỊNỊ

¹¹ Avaba ẹyịnyara Ijoovu, anọrụ ọnịrị anẹẹ ne beri ọta anị nịnị ê ve pe e jẹ ịrajẹ ịda anị di e dudu rị ịsa vabẹ nị. Dị ẹ yaa zị ẹngụ yi ọ ịnị avaba odivi ọnị Ẹnẹyịmavara kụ́ tu ọ. Dị ọzọza sị ẹkẹhị ọnịrị igooru mẹ̀ ẹ ẹyịza nị.

Ijoovu 42:11 Referans Kwoze

Ijoovu 2:11

Ijoovu ọ̀ nyị ọta ẹẹta ẹnị ịrẹha ẹnịnị rị Erihwazi ana vị Anitemani ọnịrị Ibiridadi ana vi Anisuhi ne beri Izohwa ana vi Aninaama. Ịjị ọnị ẹnịnị wụ́ ịrẹyị ene tu Ijoovu, ẹnịnị ê gẹ eyi ka ẹnị ẹ̀ va kụ ọ, dị ẹnị ẹ̀ sị ayị nẹtẹ.

Ụhịrẹyị 16:7

Ọza ọ̀ọ mẹ̀ ebira ana ngụ Ẹnẹyịmavara eyi, dị ọ mẹ̀ ka ọnịrị ọnịvị nịnị e zee.

Oyinyima 24:22

Ịjị ịnyaakụmị ẹnẹẹ sị enyi hú, dị ozi ahụ ọnọọ sị ochirigege aahị ọkatarihi ọnya ana a sị igooru mẹ ne beri ịsụvọ ẹẹva ana a rẹ si igooru mẹ yọ nị. Ẹnya ẹnẹẹ vị ẹkẹhị-ẹkẹhị.

Anihiburu 12:12

Ụvọ awụ nịnị ana sị kata, re ka wáa sị ụkata yọ nịnị! Idinku awụ nịnị ana rẹ sị kata, re ka wáa mẹ ka ọ̀ rẹ nyị ụkata nịnị!

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

1 Anịkọrịntị 12:26

Ọchẹngụ ọnya àaa rị ụya, avaba ana vọ e ree beri ọọ rị ụya nị. Àa sị ụbanyị yị ọnya, avaba ana vọ ee pee jẹ nị.

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

Ijoovu 16:5

Ama àa vị ọnị yọ nị, ọnị aa tụ ọ ọtụtụrụma dị ọnị ka ịrẹyị ana vaa sị ayị nẹtẹ.

Ijoovu 4:4

Ịrẹyị ọnị ọọ ka yị aza vị ana hụ aza ayọvị, dị ọ tụ ọkụmị ụka nị.

1 Ịsamụwẹrị 10:27

Ama a va nyị aza ẹnyị aanị ịzọọ, ana ahịka enebira kẹnẹ-kẹnẹ ẹ vị nị. Dị ẹnịnị ka, “Aanị ka Ịsọọrụ ọnọnị ọnị ọ zụ̀ dọ ẹyị tụ́?” Ẹnịnị ệ sị eyi oweyi re Ịsọọrụ, ẹ yị nyị ịsị ẹ sị va yọ. Dị Ịsọọrụ mẹ anka vị ọ̀ yị sị ayị nọ ịnị ịrẹyị aza ẹnẹẹ nị.

Ijosuwa 24:32

Oku Ijosẹẹhụ ọnị Anisirẹrị nịnị sị hụrẹ, Ijipiti vi ene e ne tụ́ Ịsẹkẹmị ịnị ẹtẹ ọnị Ijekọvụ raà hị́ hụrị ụvọ ezi Ihamọ ana vị ada Ịsẹkẹmị. Ijekọvụ vị ana hị́ ẹtẹ ọnọọ isiriva ẹchẹhị. Ezi Ijosẹẹhụ ộ kụ́ ogu ẹtẹ ọnọọ nị.

Oyinyima 37:35

Avaba ezi anọrụ anị ọnịrị ezi anẹẹ anị ệ sị vụrị ka ẹnị è ji ọ ùnè, ama ọ yị zẹẹ ka oni ò kú irenu. Ọ kà, “Aanị ọnị maa jị òrèrè ozi anị pooro di ọnị ò ne tù o ini eku nị.” Avọọ ada Ijosẹẹhụ mè jị òrèrè anị nị.

Oyinyima 24:53

Di ozi ahụ ọnọọ kụ́ ịsa ọ̀vị hị́ ẹhẹ, igooru ọnịrị ọmọ beri ịta dị ọ kụ́ ọ yị Irebeka nị. Dị ọ rẹ kụ́ ịsa akàaka dị ọ kụ ọ mẹ Ịrabanị ọnịrị ọnyị Irebeka ẹyịza nị.

Ịjọọnụ 11:19

Aniju ọrụrụ-ọrụrụ ệ vẹ ịdị Ịmata ọnịrị Imeri ka ẹnị ẹ̀ na sị ayị ẹnịnị nẹtẹ agụvị ẹnẹbẹnị ẹnịnị ene sú.

Ụhịrẹyị 14:20

Onosiye vị ọnị ọzọza nyị ịhyẹrẹ anị ama opisa vị ana nyị ọta tuturutu.