Ijoovu 32:8 - IWE ỌNỊNỊ

⁸ Ama a nyị ụhwẹ ịnị ẹngụ aza, ụhwẹ Ohomorihi Ochẹtẹẹngụ ana mẹ̀ ka ọza ọ nyị ịrẹyọyẹ yọ nị.

Ijoovu 32:8 Referans Kwoze

Ijoovu 38:36

Ẹnẹ sị ịrẹyọyẹ tụ ọza ayị dị ọ yẹ ịsa anaa na?

Ijoovu 33:4

Ohomorihi ọ nyị ụkata ọnị ọ sị mẹ̀ ọnị nị. Ọnị ọ sị ụhwẹ yị ọnị nị.

2 Itimoti 3:16

Ohomorihi ọ mẹ ka à chẹrẹ avaba Iwe anị tịtẹ nị. Iwe ọnọọ ọ zụ sị sị ịzẹyịza zụ̀ aza, ọ rẹ zụ tụ́ ọza ohuvọ, ọ zụ vọrọ ọza zị oze, a rẹ zụ sị pe ọza juwe, a mẹmẹ vọrọ ka ọza ọ̀ọ mẹ̀ ebira ana vọrọ.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Ịrẹyị Ọzwọzịsa 2:26

Ọza ana ayị Ohomorihi oo hine tù ọọ̄ sị ịrẹyọyẹ ọnịrị ayohinee yị, dị ọ mẹ ka ọ̀ yẹ ịsa nị, ama ọza odivi vị ọnị Ohomorihii mẹ ka ọọ kụ oguu gụ, dị ọ̀ va hụrẹ wa ụvọ yị ọza ene zee ọnị eyi. Ọsọnị bẹẹ rẹ vị osusu, vị ọza aa dụ ahị kẹnẹ nị.

Ụhịrẹyị 2:6

Ẹnẹyịmavara ọọ̄ mẹ̀ ka ọza ọ yẹ ịrẹyị, dị ọ nyị eyohweyi nị.

1 Ohinọyị 3:12

Re! Ịsị u họ̀ use aanị, maa mẹ̀ ẹ wụ. Mị vaa sị ịrẹyọyẹ ọnịrị eyohweyi yị wụ. Ụ vaa yẹ ịrẹyị ana ahịka ẹ yị nyị ẹngụ awụ da. Ịrẹma awụ, ẹ yị mā rẹ vana nyị ẹngụ awụ.

Ịdanịyẹrị 2:21

Ọnị ọọ̄ jị ụmẹ ọnị avaba ịsa sịị mẹ ịnị ẹhẹ nị. Ọnị ọọ̄ sị ohinọyị nịnị rị nị. Ọnị o reē chi waa hụrị udi ẹnịnị nị. Ọnị ọọ̄ sị ịrẹyọyẹ yị aza ana yẹ ịrẹyị nị. Ọnị ọọ̄ mẹ̀ ka aza ana yẹ ịsa ẹ̀ yẹ ẹ nị.

Ịdanịyẹrị 1:17

Ohomorihi ộ mẹ̀ ka ezwọọmụha ẹẹna ẹnẹnị ẹ̀ yẹ ịrẹyị ẹtẹẹtẹrẹ, dị ẹ rẹ zụ kọsẹ ịsa irenyi-irenyi. Dị ọ rẹ sị ụkata yị Ịdanịyẹrị ka ọ̀ zụụ ka iruvo etore ọnịrị ụra nị.

Ijoovu 35:11

Ẹnịnị e yi si Ohomorihi ana sị ịrẹyọyẹ yị, dị ọ mẹ ka ya yẹ ịrẹyị hu ịsụpa ọnịrị inomi nịnị.

Ijoovu 33:16

Ọ̀ọ mẹ̀ ka ẹ wụ́ ịrẹyị anị, dị ọ̀ ka wa ọnọ ene chire wa angwa nị.

1 Ohinọyị 3:28

Avaba Anisirẹrị mẹ wụ̀ ọkarẹyị ọnị ohinọyị mẹ̀, di o hi wa eyi agụvị ka ê re ka Ohomorihi ọ sị ịrẹyọyẹ yọ ana aā sịị mẹ̀ ọkarẹyị nị.

1 Anịkọrịntị 12:8

Ụhwẹ Ohomorihi sị ịrẹyị ịrẹyọyẹẹ yị aza ẹnyị, dị ọnị ọnyọọnya rẹ mẹ ka aza ẹnyị ẹ̀ yẹ ịsa nị.

Oyinyima 41:39

Di Ihwarawo va hị́ Ijosẹẹhụ dị ọ ka, “A mẹ̀ hị́ ka ọnị Ohomorihi maanị sị ịsa ẹnẹnị zụ̀ aanị nị, ẹ yị nyị ọza ẹnẹsa ana maanị nyị ịrẹyọyẹ ọnị ọ nyị aanị.

1 Ohinọyị 4:29

Ohomorihi ộ sị ịrẹyọyẹ yi Isoromọnị ẹtẹẹtẹrẹ. Ộ yẹ ịrẹyị obodaasụ ana ahịka ẹ yị nyị ẹngụ anị.

Oyinyima 41:38

Di Ihwarawo hị́ ezi ahụ anị dị ọ ka, “Ẹnị ẹẹ kụkụ zụ maanị re ọza ẹnẹsa ana maanị nyị ịrẹyọyẹ Ohomorihi.”

Ijoovu 12:13

Ohomorihi ọ vị uruku ịrẹyọyẹ ọnịrị ụkata ana a sị mẹ̀ ẹ nị.

Ijoovu 27:3

Ohomorihi ò sere ọnị, dị ọnị e yi su nị.

1 Ohinọyị 5:9

Ezi ịda amị vaa kụ́ ọchị ẹnẹẹ chii nọ Ịrẹbanọnị dị ahịka mị kụkụ mẹ wa di enyi ọ̀ zụ kụ́ wa ve hi aha ọnị wàa tụ́ hi mị ka ma kụ́ wa nọ nị. Mị vaa kà a ka à há ọchị ẹnẹẹ hi ịzọọ, dị wa tụ́ na kụ́ wa. Wàa na raà kụ́, dị ụ sị ịsọyịrị yị aneehi amị anka ụ mẹ̀ kà a.”

Ijoovu 12:16

Ọnị ọ nyị ụkata tụra ọza ene vene ọza ọnịrị ọza oni o vene ịrẹsụ nị.

Ụhịrẹyị 20:27

Ẹnẹyịmavara ọ nyị ayị ọnịrị ivehu ayị nị, agụvị avọọ yẹ yị zụ tẹ yọ.

Ayịsaya 28:26

Ohomorihi ọ́kụrịkụ ọ vavọọ si zụ̀ ọ a mẹ̀ vọrọ ka ọ̀ dà aarẹ nị.