Ijoovu 24:4 - IWE ỌNỊNỊ

⁴ Ẹ yaa mẹ ẹvaya yị onosiye nịnị, dị ẹ dụ wa na tẹ̀.

Ijoovu 24:4 Referans Kwoze

Ụhịrẹyị 28:28

Ọza ọhịmị ọ̀ọ ya udi, vị ọzọza aa tẹ yị ọ nị, ama ọ̀ọ sị hụrẹ udi dị aza ọyịza aa sị ụmẹẹ tụ ọvịdị.

Emọsị 2:7

Ẹnịnị a sị onosiye nịnị ịrẹsụ nyịna ịpapara, dị ẹ yi tẹsị aza anaa rị ụya nị. Dị ada ẹnịrị ezi ẹnịnị aa sị ọnẹẹ ọnyara nị. Ẹnịnị ẹ raa sị ịrẹha Ẹnẹyịmavara sisi ẹtẹ

Ijoovu 24:14

Ẹtẹ ọ sị hozi, dị ẹ yaa wụ onosiye ọnịrị ọnụzọngwa dị ẹ yi oyi.

Ezikẹẹrị 22:29

Opisa ẹnịnị vị anaa mẹ ọzaa rị, dị ẹyaa mẹ akoo yị aza. Ẹnịnị vị anaā mẹ ehunaa yị onosiye ọnịrị anẹkụra ọsa nịnị.

Ezikẹẹrị 18:18

Ama ada anị vee su isu ebira odivi ọnị ọnị-ụvọta mẹ agụvị ka vị ọọ̄ mẹ̀ azaa rị, dị aa mẹ ako yị ọhụva anị nị. Ịsị ẹnẹ ẹ̀ yị vọrọ ọọ̄ mẹ̀ ịnị akakana aza anị nị.

Ezikẹẹrị 18:12

aa mẹ ẹvaya yị ọnụya ọnịrị aza ẹnẹ ẹ̀ yị nyị ịsa, dị aa mẹ akoo yị aza nị. Ọza ọ̀ọ sị ịsa va dọ ọ ịsa rere, dị ẹ yị kụkụ va a ịrẹma yọ. Aa mẹ ori anaa nyị ọnị ịhyẹrẹ.

Ayịsaya 10:2

Waa mẹ ọda nịnị ka wa sị mẹ ehuna yị onosiye nịnị. Waa mẹ irikichi tụ́ ịnị ịrẹyị aza amị ana aza aa mẹ ẹchakaa yị. Ịsị osoku ọnịrị ozi oku ẹ̀ẹ vụrị nyị dị ụ dọ wa nịnị. Ịhị Ohomorihi àaa sị ụyaa rị wụ nịnị, dị ọ kụ́ ịrẹyị hụrẹ aha ẹnẹẹnẹ ve tù wu nịnị nị,

Ụhịrẹyị 30:14

Aza ẹnyị vị ana aa ha ọhọha, dị ẹ yaa za onosiye ọnịrị anarịmanyị nịnị mẹ ụngwẹ.

Ụhịrẹyị 28:12

Ọnịzẹyịza ọ̀ọ ya udi, dị ọzọza aa jẹ ama ọza ọhịmị ọ̀ọ ya udi, dị ọzọza ee zwee tẹ.

Ụhịrẹyị 22:16

Ọza ọbanyị anaa za onosiye mẹ̀ ụngwẹ ọnịrị ọza anaa kụ ịsa na yị ọza ọbanyị vị ọnị iruwa vaa za.

Ahẹ Ụgama 109:16

O mē ro ka â vọrọ ka ọnị ọ̀ mẹ ẹyịza, à yị vị ka òo re oniruwa ana ayị anị si du dị òo sị ọ ka ọnị ọ̀ wụ ọ.

Ahẹ Ụgama 41:1

Ẹngụ aza ana ahịka eē ro ịrẹyị onosiye ẹ̀ nyarị ịrẹsụ ọyịza Ụmẹ ẹnị ẹngụ aza ẹnẹẹ ẹ̀ẹ nyị akanya, Ẹnẹyịmavara vị ana aa dọ waa tụ́.

Ijoovu 31:16

Meè yi yi da, dị a sị mị mẹ̀ ọgụvọ yị onosiye. Mẹ ma zẹẹ ka osoku nịnị ẹ̀ rị ụya.

Ijoovu 30:25

Ọnị o jị òrèrè beri onosiye nịnịị ọnịrị aza anaa rị ụya.

Ijoovu 29:12

Ọnị ọ gụ onosiye nịnị ene na owu va za ọnị. Avọọ ọnị mẹ rẹ mẹ ọgụvọ yị ezi-oku nịnị ẹnẹ ẹ yị nyị ọnọgụvọ nị.

Ijoovu 29:16

Ọnị ọ vị ada yị aza ẹnẹẹ yị nyị, dị ọnị aa dọ ịrẹvụ ọzọga vụ nị.

Ijoovu 31:19

Mèe re ọza anaa rị ụya, àa vị onosiye ẹnẹ ẹ̀ yị nyị ịta kú ẹngụ.

Ụhịrẹyị 14:31

Ọza ana aā mẹ̀ ẹvaya yị onosiye vi enee du Ohomorihi ana mẹ̀ ẹ, ama ọza ana sị ụbanyị yị ọ vị anaā vayị onosiye.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.