Biblia Todo Logo
Bib sou entènèt

- Piblisite -




Ijoovu 23:11 - IWE ỌNỊNỊ

11 Ijoovu ka ọnị ẹ yị ha hụrẹ oze anị. Vị́ ọnị saasa a nị.

Gade chapit la Kopi




Ijoovu 23:11
21 Referans Kwoze  

Ẹwụ ị sị sị ayị ayịị yị dị ị raa sịị saasa ọda awụ nị.


Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.


Ama ịhị wàa kụ́ aza edivii kwooze, ẹnịrị aza ẹnẹ ẹ̀ yị mā và tụra oze awụ, ụ vaa kụ́ụ kwooze nị. Anisirẹrị vị ana vaa nyị ẹngwọọrọ.


Oze ọnị ụ ka ma zị mị và tụra nị mẹ yị zẹẹ ka ma ha hụrẹ oze.


Ịsa tụra ịsa enee tu ọnizẹyịza, vị́ ọnị aa jẹẹ gere-gere.


Yâ yẹ ịnị ayị ịzẹyịza ka ebira ayị ịnị ẹhẹ ọnọnị ọnịrị ịsị yee pe wu nịnịị mẹ, ka ayị ọnya beri ebira Ohomorihi ị yaa sịị mẹ̀ ẹ nị. Ayamva Ohomorihi ọ mẹ ka ya vavọọ mẹ nị. Ẹ yị vị ịrẹyọyẹ ọza kẹnẹ ọ vị. Agụvị avọọ ị yaa sịị jẹ nị.


Ẹnẹyịmavara kà aza ana va hụ ịrẹma anị, dị ẹ yị kụkụ họ̀ ọnị use ka ọnị ọ zụ ẹnị oze vee re ẹẹva.


Irenu ọza odivi ọ mā kà ọyịza, di ee vene ọza Ọ yị kụkụ zụ mẹ̀ ebira ịrẹyọyẹ ọnịrị ịsa ene zoza.


Ẹwụ nịnị vị onivenu ayị, Ohomorihi rẹ vị onivenu bẹẹ, ka yáa mẹ̀ ebira ọnịnị ọnịrị ịsa ana vọrọ. Yẹ yị rẹ nyị ohuvọ ịnị akakana awụ nịnị ana vị ọdọwụ.


Usu ọọ daka zị ọza, ọ yaanị vavọọ rọ ọnị ẹngụ. Ọnị ọ yẹ ka Ohomorihi vị ọza ọnịnị, dị ọnị saasa avaba ọda anị nị.


Àa vị ka ọnị ọ́ọ ha hụrị oze, dị ahịka ịsa ana ya ịnị eyi kẹnẹ ọnị aa dụ nị, èe re akụvị ịnị ụvọ anị,


Aza ana aa mẹ eyii zị vị ana aā kụ́ mị isiya pooro, ama mẹ yị hụ ụvị avọọ jịnẹ ọda awụ.


Ọ yẹ ka ọnị ọ rị ịvị dị ẹ yị nyị ọza ana zụ dọ ọnị ha hụrẹ ụvọ nị.


Ama wâ za yị wâ pa ịva yị, dị ụ vara ẹkụra ayị ịzị uye ediviī hi nị dị ụ kụkụ navọ yị hi ịnị ịrahụ nị.


Asị mị hi ayị ịrẹyị anị, dị asị va ịrẹma ka a agụvị ma nyị ịrẹyọyẹ, dị eyi amị o hweyi.


Swiv nou:

Piblisite


Piblisite