Ijoovu 2:12 - IWE ỌNỊNỊ

¹² Ịjị ẹnịnị re e hụrẹ aha ẹnẹẹnẹ ka ọ sị vara, dị ẹ va orere hi nị. Dị ẹ yaa jị òrèrè booro-booro nị. Dị ẹ na awuru ẹnịnị hi ẹngụ dị ẹ kụ edudu ku ịrẹsụ ẹnịnị, dị ẹ va ẹngụ hi nị.

Ijoovu 2:12 Referans Kwoze

Ezikẹẹrị 27:30

Avaba ẹnịnị vaa jị òrèrè ọngwọọngụ agụvị awụ nịnị, dị ẹ kụ ezi ku ịrẹsụ, dị eyee muna ẹtẹ ẹ maa jị òrèrè.

Arụwẹ 2:10

Azọkụ-azọkụ Ijerusarẹmị vana chaka chire eteesu hẹẹ-hẹẹ, dị ẹ kụ edudu kụ ịrẹsụ nị. Ịta kẹnẹ-kẹnẹ ẹ rẹ và ku ẹngụ nị. Ezwoorihi ẹnịnị vana kụkụ ka ịrẹsụ hi kọhọ̀-kọhọ̀ hi ẹtẹ.

Inehemaya 9:1

Ịnị ẹkụhị ohurẹwụrẹna ịnị ụhwẹ ịhịmba ịrayị, Anisirẹrị nịnị ệ kụ ẹngụ gụ, dị ẹ za awẹ, dị ẹ kụ edudu ku ịrẹsụ ana sị zụ ka ayị ẹnịnị ô du agụvị ịvị ẹnẹ ẹ mẹ nị.

Ijoovu 1:20

Dị Ijoovu kwẹẹtẹ ịnị ayodu dị ọ ha awuru anị hi ẹngụ, dị ọ kụ ịrẹsụ anị, dị ọ vaku ẹtẹ aa hẹkẹ Ohomorihi nị.

Ijosuwa 7:6

Ịjị Ijosuwa wu enube ọnọọ, dị ọ ha awuru anị hi ẹngụ, dị ọ ne ẹngụ anị nya ẹtẹ ọvịdị apoti oto pooro na ngụ oruva anị nị. Dị ọdọvịdị Anisirẹrị ẹnịnị ẹnị ra zị ẹngụ beri ọ, dị ẹ kụ́ edudu ku ịrẹsụ ẹnịnị nị.

Ẹtore 18:19

Dị ẹ ká ezi và hi ịrẹsụ, di eyee nowu, dị ẹyaa jị òrèrè dị ẹ ka: Kwaa-kwaa! Ho! Ẹkụra ọbanyị ọnọọ ana mẹ ka avaba aza ana nyị ẹpa tụ́ ini òkū ẹ̀ nyị ẹkẹhị agụvị ụbanyị anị, ịnị ụmẹ chẹẹ kẹnẹ ọ maanị vara osusu aanị nịị?

Ijoovu 19:14

Mẹ yị kụkụ nyị anda; ọta amị nịnị e reè hí ayị amị.

Ẹsịta 4:1

Imodekaya ọ sị yẹ avaba ịsa ana a mẹ. Ịrẹyị ọnọọ ọ zị ọ ẹngụ pooro, dị ọ za awuru anị dị ọ na a, dị ọ kụ́ atịtọ kú ịrẹsụ nị, di a tụ́ orere booro-booro ngụ ịnị ẹkụra zịịzị nị.

2 Ịsamụwẹrị 13:36

Ijonadabị mẹ̀ sị sị ịrẹyị anị kà kẹnẹ, di ezi ohinọyị vana vẹ nị. Dị ẹ yaa tụ́ orere vavavaa nị. Di ohinọyị ịnyẹmba ọnịrị ezi ahụ anị ẹnị raa tụ́ orere booboro nị.

1 Ịsamụwẹrị 30:4

Di Idevidi ọnịrị aza anị aa tụ́ orere booboro nị. Ệ jị òrèrè pooro, ẹ rẹ kụkụ zụ jị.

1 Ịsamụwẹrị 11:4

Ịjị ọnụtụ ana a tụ́ va ngụ Igibiya Ịsọọrụ, dị ẹ maanị kà ịrẹyị ọnọọ yị aza ẹnẹẹ, dị avaba ẹnịnị ee nowu nyamaa kẹnẹ nị.

Ọdọvịdị 2:4

Ịjị ịrẹyị anị ta a ka, dị avaba Anisirẹrị nịnị va orere hi, di e yee nowu boro-boro nị.

Oyinyima 27:34

Iisọ mẹ maanị wụ́ ịrẹyị ana ada anị kà, di o nowu zẹtẹ, di aa tụ orere booboro dị ọ ka, “Nda, aarịhịnị kwogwo, navọ ẹwa rẹ mẹ̀ aduwaa yị mị de!”

1 Ịsamụwẹrị 4:12

 nyị Anịbẹnjamịnị ọnya aanị ene zwe hụrẹ eyi ịrẹkụ dị ọ va ngụ Isiro ịhị ọnọọ ịhị ọnọọ. Ó mèe vẹ, awuru anị vị ọnị ọ na, dị ọ ká ezi và hi ịrẹsụ áyị anị mè du pooro.

Ẹzịra 9:3

Enube ọnọnị ộ mẹ̀ ka ayị ọ̀ kụ mị ẹtẹẹtẹrẹ. Dị mị na awuru amị hi ẹngụ, dị mị kụ ịrẹsụ amị ọnịrị ịrẹwa amị nị. Ịrẹyị ọnọọ vị ana nyayịnẹ va mị ẹngụ hi, dị mị yaayịtẹ