Ijoovu 2:11 - IWE ỌNỊNỊ

¹¹ Ijoovu ọ̀ nyị ọta ẹẹta ẹnị ịrẹha ẹnịnị rị Erihwazi ana vị Anitemani ọnịrị Ibiridadi ana vi Anisuhi ne beri Izohwa ana vi Aninaama. Ịjị ọnị ẹnịnị wụ́ ịrẹyị ene tu Ijoovu, ẹnịnị ê gẹ eyi ka ẹnị ẹ̀ va kụ ọ, dị ẹnị ẹ̀ sị ayị nẹtẹ.

Ijoovu 2:11 Referans Kwoze

Aniroomi 12:15

Aza ana àaa jẹ, wee pe waa jẹ nịnị! Aza ana àaa raa jị òrèrè, we ree pe waa jị òrèrè nịnị.

Ijoovu 42:11

Avaba ẹyịnyara Ijoovu, anọrụ ọnịrị anẹẹ ne beri ọta anị nịnị ê ve pe e jẹ ịrajẹ ịda anị di e dudu rị ịsa vabẹ nị. Dị ẹ yaa zị ẹngụ yi ọ ịnị avaba odivi ọnị Ẹnẹyịmavara kụ́ tu ọ. Dị ọzọza sị ẹkẹhị ọnịrị igooru mẹ̀ ẹ ẹyịza nị.

Ijeremaya 49:7

 nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?

Ụhịrẹyị 17:17

Ọtọta vị eneē su usu ẹngụ, ama anda vị anaā sịị ụvọ pe ẹnya yị ẹngụ ịrẹyị òo tu ọza.

Ijoovu 6:14

A vọrọ ka ọza ọ nyị ayamva yị ọta anị ana yị ịnị akanya, ọ daka sị ha hụrẹ oze Ohomorihi Ochẹtẹẹngụ.

1 Anịkọrịntị 12:26

Ọchẹngụ ọnya àaa rị ụya, avaba ana vọ e ree beri ọọ rị ụya nị. Àa sị ụbanyị yị ọnya, avaba ana vọ ee pee jẹ nị.

Oyinyima 25:2

Ezi oni Iketura ma yị Abụrahamị ẹ vị Izimirani, Iyokisani, Imedani, Imidiyani, Isibaki ọnịrị Isuwa.

Ịjọọnụ 11:19

Aniju ọrụrụ-ọrụrụ ệ vẹ ịdị Ịmata ọnịrị Imeri ka ẹnị ẹ̀ na sị ayị ẹnịnị nẹtẹ agụvị ẹnẹbẹnị ẹnịnị ene sú.

Ijoovu 19:21

Vayị amị nịnị, ẹwụ nịnị ọta mị. Wẹ́ rẹ vayị amị nịnịị. Ohomorihi ọ maanị mẹ mị tịtẹ aanị nị.

Ijoovu 16:2

ọnị ọ vịdị raa wụ ẹngụ ịrẹyị ọnị ọ ka aanị. Ẹ yị nyị ịrẹyị ẹnịnị ana sị ayị anị nẹtẹ vụrụ-vụrụ.

Ijoovu 6:19

Avaba osohu Anisẹba ọnịrị Anitema vana sị eyi tụra enyi anị.

1 Ịtọpa 1:32

Abụrahamị ộ nyị onyeehi ọnya ana aā hị́ Iketura, Iketura ọnọnị ộ ma ezi ịhịnọnyị yị Abụrahamị. Ezi ẹnẹẹ aā hị́ Izimirani, Ijokisanị, Imedani, Imidiyani, Isibaki, ọnịrị Isuwa. Ijokisanị ộ ma ezi ẹẹva. Ẹnị aā hị́ Ịsẹba ọnịrị Idedani nị.

Oyinyima 37:35

Avaba ezi anọrụ anị ọnịrị ezi anẹẹ anị ệ sị vụrị ka ẹnị è ji ọ ùnè, ama ọ yị zẹẹ ka oni ò kú irenu. Ọ kà, “Aanị ọnị maa jị òrèrè ozi anị pooro di ọnị ò ne tù o ini eku nị.” Avọọ ada Ijosẹẹhụ mè jị òrèrè anị nị.

Oyinyima 36:15

Ịpa ịrẹsụ ana chị hụrẹ obooro Iisọ vẹ yị: Eripazi ozi Iisọ ana vị ọzọkụ ọ vị ohiku Itemani, Ọma, Izehwọ, Ikenazi,

Oyinyima 36:11

Ezi eni Eripazi ọnị rẹ ma ẹ vị Itemani, Ọma, Izehwọ, Igatami ọnịrị Ikenazi.

Anihiburu 13:3

Waa tamayị aza ene hi ịnị ẹngwa nịnị, anka òo rere vị ka ẹwụrị wa ọ yà ịnị ẹngwa nịnị nị! Rẹ tamayị aza ana aa rị ụya nịnị, anka òo rere vị ka ẹwụrị wa aa rị ụya nịnị nị!

Ayịsaya 51:19

Ịrẹyị odivi oze ẹẹva ọ raà ngụ tu wu. Ịrẹkụ ọnịrị ụngwẹ o reè vu aza awụ ẹtẹ. Ẹ yị nyị ọza ana zụ sị wụ ayị nẹtẹ.

Ụhịrẹyị 27:10

Ịrẹyị òo tu wu, asị u hi ayị ọta awụ ọnịrị ọta ada awụ. Ọsụgụrẹngụ a ka ọ rụra re ẹngụ nị.

Ụhịrẹyị 18:24

Aza ẹnyị vị eneē vene ẹngụ ka ọta ẹnị vị nị ama a nyị ọta ẹnyị ana gụrị ẹngụ huna ẹyịnyara.

Ijoovu 42:7

Ịjị Ẹnẹyịmavara ree pe Ijoovu ka ịrẹyị ta, dị ọ̀ ka yị Eripazi, ana vị Anitemani ka ọnị ee du ayị hi ọnịrị ọta ẹyịva nị. Ọ kà ẹnịnị vene cheeche kụ ọnị. Ijoovu kẹnẹ ộ ka ịzẹyịza ịnị ịrẹyị anị nị.

Ijoovu 19:19

Ọta amị ẹnị mị sị mẹ ọnịnẹ vị ẹnị mị kụkụ aa nyị ịhyẹrẹ. Aza ẹnị mị sì ịrẹyị anị hu, ẹ raà và eyirazị ka mị.

Ijoovu 18:1

Ibiridadi ana vị Anisuhi ộ tụ Ijoovu ohi ka,

Ijoovu 16:20

Ọnị aa jị òrèrè hi Ohomorihi ẹngụ agụvị ọta anị nịnị anaa sị ọnị mẹ̀ isiya.

Ijoovu 15:1

Erihwazi ana vị Anitema ộ varẹma sị ohi yị Ijoovu.

Ijoovu 13:4

Àa vị ẹwụ nịnị yọ, ireche oni wee che nini, ẹ́ yị zẹẹ ka á yẹ ka ẹ̀ yị nyị ịsị u yẹ nịnị. Vị́ ụ sị mẹẹ nịnị anka ọmahọnọ ẹnẹ ẹ̀ yị zụ mẹ ọza ụkụ avọọ nị.

Ijoovu 8:1

Ibiridadi ana vị Anisuhi ô tu Ijoovu ohi ịrẹyị.

1 Ịtọpa 1:45

Ịjị Ijowabi wusu, dị a sị Ihusihamị ana vị anẹkụra Itemani rị ohinọyị ana dọ ọ ịrẹsụ nị.

1 Ịtọpa 7:22

Ehwireemi, ada ẹnịnị ộ zị ẹngụ ẹnịnị gọdọ, dị anda ẹnịnị va sị ọ ayị nẹtẹ nị.

Ijoovu 42:9

Ịzẹyịza, dị Erihwazi Anitemani, Ibiridadi Anisuhi ọnịrị Izohwa Aninaama na mẹ̀ ịsa ọnị Ẹnẹyịmavara kà yị wa nị. Dị Ẹnẹyịmavara dọ aduwa ọnị Ijoovu mẹ̀ yi wa nị.

Ọbadaya 1:9

Avaba isoja ene hi ẹkụra ọbanyị ẹnịnị ana aā hị́ Itemani vị ọnị ayị ẹnịnị vaa sẹ hi ịnẹ. Ẹ yị nyị isoja ẹnịnị ana vaa ha.

Oyinyima 36:34

Ijowabi mè re sú di Ihusami ana vị anẹkụra Itemani ọnị rẹ rị ohinọyị tụ́ udi anị nị.

Ijosuwa 15:41

Igederoti, Ịbẹtị-Ịdagọnị, Inaama, ọnịrị Imakeda-avaba anị vị ẹkụra ẹbanyị-ẹbanyị ẹwụrịhịnọnyị beri ẹkụra eweyi-eweyi ana kara wa.

Ijoovu 4:1

Erihwazi ana vị Anitemani ô tụ Ijoovu ohi ịrẹyị.

Ijoovu 11:1

Izohwa ana vị Aninaama ka: