Ijoovu 19:13 - IWE ỌNỊNỊ

¹³ Ohomorihi ọ raà mẹ ka ẹyịnyara amị è zwe hụrẹ ẹmị ẹngụ. Ma sị vara ọzọga yị aza ana vịdị yẹ mị

Ijoovu 19:13 Referans Kwoze

Ahẹ Ụgama 88:8

Wa kụ́ ọta amị ana gụrị ẹmị hu, dụ hụrị ẹmị ẹngụ, mị kụkụ aa nyị wa ịhyẹrẹ. A sị mị kara tụ́ aha ọnya, me yi re oze zwe.

Ahẹ Ụgama 88:18

Wa raà mẹ ka ọta amị ana gụrị mi hu, di e sì ịrẹyị amị ẹ̀ hụrẹ mị ẹngụ. Ịrahụ ẹmịrịị kụkụ aa mẹ ụ̀nà nị.

Ahẹ Ụgama 69:8

Ma sị vara ọzọga yị ẹyịnyara amị ana a ma ẹmịrịị hụụnị ịnẹ ọnya vẹ.

Ahẹ Ụgama 31:11

Avaba ọnịvị amị ọnịrị anokokooro amị bẹẹ vị ana aa kụ́ mi isiya Ọta mị vi ene kuku ee re mii zwe, aza èe re mi ịnị ẹkụra di e wuse zwe kana mị.

2 Itimoti 4:16

Ịhị ịpaapa ọnị mị na kụ́ irenu amị, ẹ yị nyị ọza ana jẹẹ pe mi. Avaba ẹnịnị vị ene zwe kà na yị mị. Ohomorihi ọ̀ navọ asị ọ jị ịvị anị yị wa!

Imatiwu 26:56

Avaba ẹsẹnị aa mẹ, agụvị ịsị ọnịsẹ nịnị chẹrẹ tụ́ ini Iwe Ohomorihi ọ̀ zụ sẹ.” Dị avaba ezirẹma na a vọ tịtẹ, di e si zwe nị.

Ahẹ Ụgama 69:20

Isiya ẹnịnị aa vaa wụ̀ mị, me yi re ọza gụ mị ụvọ. Mee sì ka à nyị ọza ana hyakụ ro o mị, dị ọ sị ayị amị nẹtẹ, ana ẹ yị nyị ọza oni mi re.

Ahẹ Ụgama 38:11

Ọta amị ọnịrị aza ẹnị ẹmịrịị vịdịị zị ògù vi ene kuku ee re mii zwe agụvị ịrẹyị ene tù mị. Anokokoro amị vị ana kụkụ kana hụrẹ mị ẹngụ huu.

Ijoovu 16:7

Ijoovu ka Ohomorihi ộ sị ọnị mẹ sẹkẹ-sẹkẹ, di o re vu ovwoovu anị ẹtẹ nị.

Ijoovu 16:20

Ọnị aa jị òrèrè hi Ohomorihi ẹngụ agụvị ọta anị nịnị anaa sị ọnị mẹ̀ isiya.

Ijoovu 42:11

Avaba ẹyịnyara Ijoovu, anọrụ ọnịrị anẹẹ ne beri ọta anị nịnị ê ve pe e jẹ ịrajẹ ịda anị di e dudu rị ịsa vabẹ nị. Dị ẹ yaa zị ẹngụ yi ọ ịnị avaba odivi ọnị Ẹnẹyịmavara kụ́ tu ọ. Dị ọzọza sị ẹkẹhị ọnịrị igooru mẹ̀ ẹ ẹyịza nị.

Ahẹ Ụgama 41:9

Ọta amị ọnị mị nyayịnẹ sị ịnẹ yị, ẹnị ẹnịrịị dudu aa rị ịsa ọnị gẹdẹ-gẹdẹ ọ kwẹẹtẹ tù mi nị.

Arụwẹ 1:2

Avaba ịrahụ vị ọnị Anijerusarẹmị aa jị òrèrè dị eyi ẹnịnị vị ẹgọ-ẹgọ. Ịnị avaba aza ẹnị ẹnịrịị vịdị vị ọta ẹ́ yị va nyị ikonya ana va sị wa ayị nẹtẹ. Avaba aza ọnị ọnịrịị vịdị zee vi ene vene e, dị ẹ varẹma kụkụ kwẹẹtẹ tu wa nị.

Arụwẹ 1:19

Ệ hị́ aza ene vịdị sì ịrẹyị ẹnịnị, ama di e vene wa nị. Ohirẹsụ irehi Ohomorihi nịnị ọnịrị azọkụ nịnị e wusu hi ịnị ẹkụra é mee si ịsọyịrị ọyị za ayị zu.

Ijoovu 6:15

Ijoovu ka ọta ẹnịnị ẹ yị wụra sị ayị tụra anka orosi ẹnị ẹ mā nyị enyi ọhahị avọọ.

Ijoovu 6:20

Ama ee ve tu ka enyi anị ọ sị wụ, dị ọ vara ayodu yị wa.

Ahẹ Ụgama 31:12

Ayị amị ô hi avaba aza Mị kụkụ sị mẹẹ Anaka ọza ene wusu avọọ nị Mị ka mị kụkụ yà anka ịsa ana a ka è ne nē ta ini eyi ẹnịnị nị.

Ahẹ Ụgama 38:12

Aza ene ee sì ka ẹnị ẹ̀ mẹ mị ịsa odivi dị ẹnị ẹ̀ wụ̀ mị vi ene èe bè mi Ẹnịnị vị ana aa kà ịrẹyị odivi anị pooro kẹnẹ, di e yee cheeche.

Ahẹ Ụgama 69:9

Ohomorihi, avaba ayị amị mi sị sì ịrẹyị irehi awụ nị Ụhụ ana aza aa kụ̀ wụ vị ọnị mị dọ hi ẹngụ.