Avaba aza anaa parahu kụkụ a sị Ijerusarẹmị mẹ enyinyi. E yee henyi ịrẹsụ dị eyee nyinyi ka a sị Ijerusarẹmị vú ẹtẹ nị. Dị ẹ ka ẹkụra ana maanị zoza ana avaba anẹhẹ aa sịị me eyi ịjọnọọ waa yị?
Ẹnịnị ẹ́ raa mẹ ka ẹtẹ ọnọnị oo chire ọza angwa, dị à kụkụụ sị eyi wụ ọ pooro. Ịsị ana aza anaa parahu vee re, vaa za waa zizi. O vee hi wa irenu di e yee zizi ịrẹsụ.
Ininivẹ ịjọnọọ wáá yị? Ẹkụra ana vịdị maanị nyị ụbanyị yịị? Dị aza anị ee wo oto ka ẹnị ẹ sị ha. Ẹkụra ọnọọ ọ va sị vara eburu ịzị uye ịnị avị nịnị kụkụ ra hi aanị nị! Aza ana aa para ịzọọ hu vi ene ee nohi, di e yee ziizi ịrẹsụ kẹnẹ.
Ẹnịnị ka áá vị mị ka mâ sị ayị tụra Ẹnẹyịmavara Ẹ ka Ẹnẹyịmavara ọ va dọ mị tụ́ dị ẹnị è re e Ẹ rẹ ka Ẹnẹyịmavara ọ̀ọ ka ọnị ô sì ịrẹyị amị ọ̀ vẹ dị ọ̀ vaa dọ mị tụ́ kẹ.