Ijoovu 16:10 - IWE ỌNỊNỊ

¹⁰ Aza vị anaa sị ọnị mẹ enyinyi. Dị ẹ ọkọnị aza ana kara ọnị aa nya ọnị arịhwọtọ nị.

Ijoovu 16:10 Referans Kwoze

Ahẹ Ụgama 35:15

Ẹnị èe ve re ka mị yà ịnị ẹngụkata dị ẹ kụ́ gụ dị ẹ yaa jẹ Mẹ yị yẹ ịsị mị mẹ wa, dị ẹ kụ́ gụ ka ịrẹyị amị o tù ẹnị nị di e yee du mi pooro kẹnẹ.

Ahẹ Ụgama 22:13

Ọnịvị amị ẹnẹẹ vị ana aa hàa hi mi anka idu ana za uye dị aa na a rị avọọ.

Odeyi 23:2

Di ohirẹsụ ọbanyị irehi Ohomorihi ana aā hị́ Ananịya kà a yị aza ana jẹẹ gụrị Ịpọọrụ ka ẹ̀ nya a ịsa ini irenu nị.

Imika 5:1

Ẹwụ nịnị Anijerusarẹmị kụ́ ẹnya ịrẹkụ nịnị ka ọnị ọ sị kara yị Wéē re ẹ mẹ̀ za ohinọyị Anisirẹrị dị ẹ yaa sị okutẹẹ nya a okura.

Arụwẹ 3:30

Àa daka à nyị ayị arụhwọtọ dị aa kụ yị ụhụ nị, ya sị ẹngụ dọ ọ.

Ayịsaya 50:6

Ọnị ộ navọ ịrẹma yị aza ene tu ọnị, dị ọnị navọ eyi tịtẹ yị wa di e yee tura ọnị ịrẹwa, dị ẹ yaa jị achị kú ọnị, dị ẹ yaa kụ̀ ọnị ụhụ nị.

2 Anịkọrịntị 11:20

Ọza àaa za wụ nịnị ọrịhị, dị aa rị wụ nịnị ẹtẹ ahụ, di o ree bè wu nịnị nị, ọ̀ọ daka aa sị ẹngụ anịị tụ́ ẹba dị ọ raa nyị awụ nịnị arụhwọtọ nị, wa yị dọ yọ nịnị.

1 Ohinọyị 22:24

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Ịjọọnụ 18:22

Ịjị Ijeesu maanị sị kà, dị ọnya ini iporisi ana jẹẹ ịzọọ nya Ijeesu arụhwọtọ, dị ọ ka, “Ohirẹsụ ọbanyị irehi Ohomorihi ụ vavọọ aa kà ịrẹyịị yị nịị?”

Imatiwu 26:67

Dị ẹyaa jị atẹẹ kú Ijeesu eyi, di eyee hú ọ ọsẹ nị. Dị aza ẹnyị aa nya a arụhwọtọ nị,

Ahẹ Ụgama 94:21

Ệ va iruvo bẹ ẹ yaa gẹ eyi aza ana aa mẹ̀ ebira ana vọrọ, ẹ̀ẹ za ọza ẹnẹ ẹ̀ yị nyị ịsị ọ mẹ, dị ẹ ka à na wụ ọ.

Ahẹ Ụgama 35:21

Ẹ̀ẹ sị irenu ẹnịnị há ha, dị ẹ yaa hị́ mba, mba, eyi ayị ọ vị nị.

2 Ịtọpa 18:23

Di Izedekaya ozi Ikanaani tere pè Imikaya, dị ọ kụ́ arụhwọtọ hi ọ eyi nị. Dị ọ ka, “Ụhwẹ Ẹnẹyịmavara mẹmẹ zụ para mị hu, dị ọ̀ va kà ịrẹyị wụ?”

Ijoovu 16:11

Ohomorihi ọ raa sị ọnị chire aza edivi ụvọ.

Ijoovu 30:12

Ẹnịnị vị ana sị ka ọnị ụhwẹ, dị ẹ tụ ọnị echi. Dị ẹ va ịrẹpa zi ọnị ka ọnị ọ hyẹdụ.

Ahẹ Ụgama 3:7

Ẹnẹyịmavara, navọ wa kwẹẹtẹ Ohomorihi amị, navọ wa dọ mị tụ́. Jị ọgọ chire ọnịvị amị nịnị irenu dị asị ụ zẹẹ ka à nyị ịsị aza edivi kụkụ zụ kà.

Arụwẹ 2:16

Avaba ọnịvị Ijerusarẹmị nịnị vị ana kụkụ aa sị ọ mẹ enyinyi, dị ẹ kụkụ aa sị eyi oweyi re e nị. Ẹ kụkụ à jị aahị hi wa, dị ẹ yaa ka a ka imba ẹnị ẹ sị ọ vú ẹtẹ nị. Ẹ kà ẹkụhị ọnị ẹnị jẹẹ ee zí eyi yị.

Ahẹ Ụgama 22:14

Ẹhẹ amị aa ta na, avaba ẹchụkụ amị ẹyị kụkụ gẹ ẹngụ Ayị amị ọ sị sụ enyi hi mị ẹngụ anka ụsụ avọọ.

Ahẹ Ụgama 56:6

Ẹnịnị aa gẹ eyi amị, e yee bè mị di e re sị eyi pè avaba ịsị maa mẹ̀ nị e yee sì ka ẹnị ẹ̀ wụ̀ mị.